১ শমূয়েল 14:12 - Chakma Bible

¹² তারার তাম্বুলোর্ সৈন্যগুনে যোনাথন আর তার বন্দুক বোইয়্যে মানুচ্চোরে কলাক্, “আমা ইদু উদি আয়, তমারে দেগেই দুয়োঙর্‌।” সেক্কে যোনাথনে তার বন্দুক বোইয়্যে মানুচ্চোরে কলদে, “মর্‌ পিজে পিজে উদি আয়। লগেপ্রভু ইস্রায়েলীয়গুনোর আঢত্‌ তারারে দি রাগেয়্যে।”

১ শমূয়েল 14:12 Iomraidhean Croise

পত্থম 24:42

সেনত্তে মুই এচ্চ্যে সে কূয়োবো ইধু এইনে মনে মনে তবনা গুরিনে কলুং, ও লগেপ্রভু, মর্‌ গিরোজ্‌ অব্রাহামর গোজেন, দোয়্যে গুরিনে তুই মর্‌ এ যাত্রাবো দোল্‌ গর্‌।

পত্থম 24:48

সে পরেদি মুই মাদিত্‌ মাদা নিগিরিনে লগেপ্রভুরে মর্‌ মনঅ ভোক্তি জানেলুং। মুই মর্‌ গিরোজ্‌ অব্রাহামর গোজেন লগেপ্রভুরে ভালেদি জানেলুং, কিত্তে তেয়ই মরে দোল্ পথতান্‌ দেগেইনে আন্যে যেনে মুই মঅ গিরোজ্‌সো ভেইবো ঝিবোরে তা পুয়োবোত্তে নেযেই পারঙ্‌।

২ শমূয়েল 5:24

বেঙা গাজ্‌চুনোর্‌ মাঢাত্‌ যেক্কে তুই সৈন্যদলুনোর্‌ আঢি যানা রঅ শুনিবে সেক্কে নিগিলিবে। ইয়েনর্ ভেদ্‌তান্ অলদে, পলেষ্টীয় সৈন্যগুনোরে আঘাত্‌ গুরিবাত্তে লগেপ্রভু তঅ আগে আগে যেইয়্যে।”

২ রাজাবলী 14:8

সে পরেন্দি তে যেহূর নাদিন্‌, অত্তাৎ যিহোয়াহসর পুয়ো ইস্রায়েলর রাজা যিহোয়াশরে কোই পাদেল, “এজঅ, আমি যুদ্ধোত্তে মুজুঙো-মুজুঙি ওই।”

বিচের গুরিয়্যেগুন 4:14

সেক্কে দবোরা বারকরে কলদে, “তুই উজেই যাহ্, লগেপ্রভু এচ্ছ্যে সীষরারে তঅ‌ আঢত্‌ তুলি দিলো। লগেপ্রভু দঅ‌ তর্‌ আগে আগে যেইয়্যে।” সেক্কে বারকে তাবোর মুড়োবোত্তুন্‌ তলেন্দি লামিলো আর তা পিজে পিজে দশ আজার মানুচ্‌ গেলাক্‌।

বিচের গুরিয়্যেগুন 7:14

ইয়েনর জোবত্‌ তা সমাজ্যেবো কলঅ, “ইয়েন্‌ ইস্রায়েলীয় যোয়াশর পূঅ গিদিয়োনর তলোয়ারান বাদে আর কিচ্ছু নয়। গোজেনে মিদিয়নীয়গুনোরে আর তারার পুরো তাম্বুলান্ গিদিয়োনর আঢত্‌ তুলি দিলো।”

বিচের গুরিয়্যেগুন 7:15

গিদিয়োনে সেই স্ববনর্‌ কধাগান্‌ আর তার ভেদ্‌‌তান শুনিনে আদু পাড়ি পড়িনে গোজেনরে তার্‌ মনর্ ভোক্তি জানেল। তে ইস্রায়েলীয়গুনোর তাম্বুলোত্‌ ফিরি এইনে জোরে ডাগিনে কলঅ, “তুমি উদো, গোজেনে মিদিয়নীয়গুনোর তাম্বুলান তমা আঢত্‌ তুলি দিয়্যে।”

বিচের গুরিয়্যেগুন 9:54

অবীমেলকে যাদিমাদি তার আত্যার্‌-বোইয়্যে গাবুজ্যেবোরে কলঅ, “তঅ তলোয়ারান নিগিলেনেই মরে মারে ফেলা যেনে তারা কোই ন-পারন্‌, ‘এক্কো মিলে আঢত্‌ তে মারা পোজ্যে।’” সেনত্তেই সে গাবুজ্যেবো তারে তলোয়ারান্দোই এফুড়-উফুড় গুরি দিলো আর সেক্কে তে মুরি গেলঅ।

১ শমূয়েল 14:10

মাত্তর্‌ তারা যুনি কন্‌, ‘আমা ইদু উদি এজঅ,’ সালে আমি উদিবোং। লগেপ্রভু যে আমা আঢত্‌ তারারে তুলি দিয়্যে সিয়েনই অবঅ আমা ইদু তার চিহ্নো।”

১ শমূয়েল 14:13

যোনাথনে চেরান আত্‌-টেংগোই উগুরে উদি গেলঅ আর তার বন্দুক বোইয়্যে মানুচ্চোয়ো তার পিজে পিজে উদি গেলঅ। পলেষ্টীয়গুনে যোনাথনর আঢত্‌ মারা পড়িলাক আর তার বন্দুক বোইয়্যে মানুচ্চোয়ো তার পিজে পিজে পলেষ্টীয়গুনোরে মারা ধুরিলো।