১ শমূয়েল 14:10 - Chakma Bible

¹⁰ মাত্তর্‌ তারা যুনি কন্‌, ‘আমা ইদু উদি এজঅ,’ সালে আমি উদিবোং। লগেপ্রভু যে আমা আঢত্‌ তারারে তুলি দিয়্যে সিয়েনই অবঅ আমা ইদু তার চিহ্নো।”

১ শমূয়েল 14:10 Iomraidhean Croise

পত্থম 24:14

সে মিলেগুনোত্তুন্‌ একজনরে মুই কোম্‌, ‘তঅ কুম্মোত্তুন মরে পানি হেবাত্তে দে।’ সিয়েন জোবত্‌ যুদি সে মিলেবো কয়্‌, ‘তুই পানি হা, আর তঅ উটতুনোরেয়ো মুই পানি হাবেম্‌,’ সালে সে মিলেবো যেন তঅ চাগর্‌ ইস্‌হাকত্তে তর্‌ বেঈ লোইয়্যে মিলে অয়। সেক্কে মুই হবর্ পেম্‌, তুই মঅ গিরোজসোরে দিয়্যে তঅ কধাগান রাগেয়োচ্‌।”

২ রাজাবলী 20:9

জোবত্‌ যিশাইয় কোইয়্যেদে, “লগেপ্রভু যে তা শমক্তান্‌ রোক্ষ্যে গুরিবো সেনত্তে তে এক্কান্‌ চিহ্নো দিবো। তুই কঅ, ছাবাবো কি দশ পোইদ্যে উজেই যেবঅ, না দশ পোইদ্যে পিজে যেবঅ?”

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

বিচের গুরিয়্যেগুন 6:36

সেক্কে গিদিয়োনে গোজেনরে কলঅ, “চাহ্, মুই খামারত ভেড়াছাগলর কেশ্‌ রাগেয়োং। তর্‌ এগেম্ মজিম্ যুনি তুই মঅ্‌ আঢ্‌টানিলোই ইস্রায়েলীয়গুনোরে উদ্ধোর গুরিবে বিলিনে ঠিগ্‌ গুরি থাচ্‌ সালে বানা সে কেশছানির উগুরে শিরোপানি পড়ে আর বাদ্‌বাগি পুরো জাগায়ানিত্‌ শুগুনো থায়। সেক্কে মুই বুঝি পারিম্‌, তুই যেদোক্কেন্‌ কোইয়োচ্‌ সেধোক্কেন্‌ গুরি মঅ আত্‌টানিলোই তুই ইস্রায়েলীয়গুনোরে উদ্ধোর গুরিবে।”

বিচের গুরিয়্যেগুন 7:11

আর শুনি থেচ্‌ তারা কি কন্‌। সেক্কে তুই তাম্বুলান আক্রমণ গুরিবাত্তে বল্‌ পেবে।” সেনত্তেই গিদিয়োনে তা চাগর্‌ ফুরারে সমারে নেযেইনে তাম্বুলোর দুযিত্‌ সৈন্যগুনোর কায়কুরে লামিলাক্‌।

১ শমূয়েল 10:7

এদক্কানি চিহ্নো ঘদানার পরেন্দি তর্‌ সেক্কে যিয়েনি গরানা উজিত্‌ তুই সিয়েনিই গুরিচ; গোজেনে তঅ লগে থেবঅ।

১ শমূয়েল 14:9

তারা যুনি আমারে কন্‌, ‘থিও, আমি তমা কায়-কুরে এঝির্‌,’ সালে আমি যিয়েনত্‌ থেবং সিয়েনত্তুন্‌ আর তারা ইদু ন-উদিবোং।