১ শমূয়েল 13:20 - Chakma Bible

²⁰ সেনত্তেই নাঙলর্ ফাল, আদ-কদাল, কুড়োল আর তাগলানি দারেবাত্তে তারার বেক্কুনোত্তুন্‌ পলেষ্টীয়গুনোর ইদু যাহ্ পুরিদো।

১ শমূয়েল 13:20 Iomraidhean Croise

২ বংশধর 34:6

মনঃশি, ইফ্রয়িম আর শিমিয়োন চাগালার আদামানিত্‌ আর শঅরানিত্‌ আর তার্‌ কায়-কুরে ভস্ত ওইয়্যে জাগায়ানি ভিদিরে, এন্‌ কি, নপ্তালি চাগালা সং বেক্‌ জাগায়ানিত্‌ তে বেক্‌ পূজোগুন্‌ আর আশেরা-খুদোগুন্‌ ভাঙি ফেলেল আর কাবিনে বানেয়্যে মূত্তিগুন্‌ গুড়ি গুরি ফেলেল আর ইস্রায়েলর বেক্‌ জাগায়ানিত্‌ তে বেক্‌ আগর্‌বাট্টি টগ্‌কুন্‌ কাবিনে কট্টা কট্টা গুরিলো। সে পরেন্দি তে যিরূশালেমত্‌ ফিরি এলঅ।

গম্ উপদেজ্ 27:17

লুয়োরে যেধোক্ক্যেন্ লুয়োই ধারায়, সেধোক্ক্যেন্ এক্কো আর এক্কোর জিংকানিগানরে কামর্ যগাজ্যে গুরি দে।

দ্বি’লম্বর বিররণ 32:41

যেক্কে মর্ তেল্‌তেল্যে তলোয়ারানত্‌ মুই পাত্তর দিম্‌, মর্‌ বিচেরর রায়ানরে কামত্‌ লাগেবাত্তে সিয়েন আদত্‌ নেযেম্‌, সেক্কে মর্‌ শত্রুগুনোরে মুই সাজা দিম্‌, আর যিগুনে মরে ঘিনান্‌ তারার যিয়েনি পাওনা সিয়েনি তারারে দিম্‌।

১ শমূয়েল 13:19

সেই অক্তত্‌ ইস্রায়েল দেজ ভিদিরে কনঅ কামার পাহ্ ন-যেদঅ, কিত্যে পলেষ্টীয়গুনে মনে গুরিদাক্ কামার থেলে ইব্রীয়গুনে তলোয়ার বা শেল্‌ বানেই নেযেদাক্।

১ শমূয়েল 13:21

নাঙলর্‌ ফাল, আদ-কদাল, তিনকুন্যে শেল্‌, কুড়োল আর কাদা বোজেয়ে লুদিগোত্‌ দারেবার দাম ইজেবে আস্‌টো গ্রাম রূপো লাগিদো।