১ শমূয়েল 13:13 - Chakma Bible

¹³ শমূয়েলে কলঅ, “তুই বেদমা ধোক্ক্যেন কাম্‌ গোজ্যস্‌। তর্‌ গোজেন লগেপ্রভু যে উগুমান তরে দিয়্যে সিয়েন তুই পালন্‌ ন-গরচ্‌। যুনি তুই সিয়েনি গুরিদে সালে ইস্রায়েল উগুরে তর্‌ রাজাগিরি তে চির জিংকানিবর্‌ থিদেবর্ গুরি দিদো।

১ শমূয়েল 13:13 Iomraidhean Croise

পত্থম 31:28

তুই মঅ ঝি-গুনোরে আর নাদিনুনোরে সুমিবার্‌অ সুযোগ ন-দিলে; তুই ভুলো ধোক্ক্যেন কাম্‌ গোজ্যস্‌।

২ শমূয়েল 24:10

মানুচ্চুনোরে গুণিবার পরেন্দি দায়ূদো বিবেগত্‌ ধুরিলো। তে লগেপ্রভুর ইদু তবনা গুরিনে কলঅ, “মুই এ কামান গুরিনে জদবদে পাপ গোজ্যং। ও লগেপ্রভু, কোজোলী গরঙর্‌, তুই তঅ চাগরবোর্‌ এ অন্যেয়ানি দূর্ গুরি দে। মুই জদবদে ভুল্‌ মান্‌জ্যর কাম্ গোজ্যং।”

১ রাজাবলী 18:18

জোবত্‌ এলিয় কলঅ, “মুই কাদা নয়, মাত্তর্‌ তুই আর তঅ বাবঅ বংশর্‌ মানুচ্চুনে ইস্রায়েলর কাদা। তুমি লগেপ্রভুর উগুমানি ছাড়িনে বাল দেবেদাগুনোর্‌ পিজেন্দি যেইয়ো।

১ রাজাবলী 21:20

আহাবে সে কধাগান শুনিনে এলিয়রে কলঅ, “ও মর্‌ শত্রু, এবেরা তুই মরে পেইয়োচ্‌।” এলিয় কলঅ, “অয়, পেইয়োং, কিত্তেই লগেপ্রভুর চোগোত্‌ যিয়েনি ভান্ন্যেই সিয়েনি গুরিবাত্তে তুই নিজোরে বিজি দুয়োচ্‌।

১ বংশধর 10:13

লগেপ্রভু উগুরে অবিশ্বেজি ওইয়্যে বিলিনে শৌল মুরি গেলঅ। তে লগেপ্রভুর কধানি মানি ন-চলে; এন্‌ কি, লগেপ্রভু ইত্তুন্‌ সল্লা ন-চেইনে তে বজং আত্মা সমারে মিজেয়্যে মান্‌জ্যত্তুন্‌ সল্লা নেযেয়্যে। সেনত্তে লগেপ্রভু তা মরণ ঘোদেল আর রেজ্যগান্‌ যিশয় পুয়ো দায়ূদ আদত্‌ তুলি দিলো।

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

২ বংশধর 19:2

সেক্কে হনানির পুয়ো দর্শক যেহূ নিগিলিনে তাইদু যেইনে কলঅ, “পাজিগুনোরে বল্‌ দেনা আর যিগুনে লগেপ্রভুরে ঘিনান্‌ তারারে কোচ্‌পানা কি তর্‌ উজিত্‌ ওইয়্যে? ইয়েনত্তে লগেপ্রভুর রাগ্‌কান্‌ তঅ উগুরে লামি এচ্ছ্যে।

ইয়োব 34:18

তে দঅ রাজাগুনোরে কয়, তুমি অপদাত্ত, আর আজল মানুচ্চুনোরে কয়, তুমি পাজি।

গম্ উপদেজ্ 12:8

মান্‌জ্যে যেবাবোত্যেগুরি বুদ্ধি খাদান্ সেই মজিম্ নাঙ্ গিনেনাগান্ পান, মাত্তর্ কুজুরো মন মানুচ্চুনোরে ঈচ্ গরা অয়।

গম্ উপদেজ্ 19:3

মান্‌জ্যর নিজোর ভুলানে তারে ভান্ন্যেয়দি নেযায়, মাত্তর্ তো তা মনান্ লগেপ্রভু বিরুদ্ধে যায়।

যিশাইয় 39:5

সেক্কে যিশাইয় হিষ্কিয়রে কলঅ, “বেগত্তুন্ খেমতাবলা লগেপ্রভু যিয়েনি কোইয়্যে সিয়েনি তুই শুন্।

১ শমূয়েল 1:22

মাত্তর্‌ হান্না ন-গেলঅ। তে তা নেক্কোরে কলঅ, “পূঅবোরে বুগোর দুধ ছাড়ানার পরেন্দি মুই তারে নেযেইনে লগেপ্রভুর মুজুঙোত্‌ আঝিল্ ওম্‌ যেনে তে সারা ঝিংকানিবর্‌ সিয়োদোই থেই পারে।”

১ শমূয়েল 13:12

সেনত্তে মুই মনে মনে কলুং, পলেষ্টীয়গুনে গিল্‌গলত্‌ মরে আক্রমণ গুরিবাত্তে এত্তন্‌ অদচ মুই লগেপ্রভুর দোয়্যে পেবার চেট্ট্যা ন-গরং। সেনত্তেই মর্‌ আওজ্ ন-থেলেয়ো মুই পুজ্যে-উৎসর্বর অনুষ্ঠান গুরিলুং।”

১ শমূয়েল 15:11

“শৌলরে রাজা বানানা মর্‌ দুঘোর্ বেপার্ ওইয়্যে, কিত্যে তে মত্তুন্‌ সুরি যেয়েগোই আর মর্‌ উগুমান অমান্য গোজ্যে।” এই কধাগান শুনিনে শমুয়েলে তাদি উদিলো আর পুরো রেত্তো তে লগেপ্রভুর ইদু কানাকুদি গরা ধুরিলো।

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।

১ শমূয়েল 15:28

সেক্কে শমূয়েলে তারে কলঅ, “লগেপ্রভু এচ্চ্যে তঅ সিত্তুন্‌ ইস্রায়েলীয়গুনোর রেজ্যগানঅ এবাবোত্যেগুরি কারি নিলো আর তত্তুনো গম্‌ তর্‌ এক্কো দেজর্‌ মান্‌জ্যরে কাম ভারান্ দিলো।

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 26:21

সেক্কে শৌল কলদে, “মুই পাপ গোজ্যং। বাবা দায়ূদ, তুই ফিরি আয়। এচ্চ্যে তুই মর্‌ জীংকানিগানর্‌ কদক্‌ দাম দিলে; মুই আর তরে ক্ষেতি গুরিবাত্যে চেট্ট্যা ন-গুরিম। সত্য সত্য এ দাঙর্‌ অন্যেয়ান গুরিনে মুই বেদমা কাম গোজ্যং।”