১ শমূয়েল 12:24 - Chakma Bible

²⁴ তুমি বানা লগেপ্রভুরে ভোক্তি গুরিনে দোরেবা আর তমার বেক্‌ মনানি দিইনে বিশ্বেজ্ গুরিনে তার সেবা গুরিবা। চিন্তে গুরি চঅ, তে তমাত্তে কদক্কানি দাঙর্‌ দাঙর্‌ কাম্‌ গোজ্যে।

১ শমূয়েল 12:24 Iomraidhean Croise

২ রাজাবলী 17:39

বরং তমার গোজেন লগেপ্রভুরে তবনা গুরিবা। তমার বেক্‌ শত্রুগুনো আঢত্তুন্‌ তেয়ই তমারে উদ্ধোর্‌ গুরিবো।”

ইয়োব 28:28

সে পরেদি তে মানুচ্চুনোরে কলঅ, ‘প্রভু উগুরে ভোক্তিবলা দরান্ অলঅ জ্ঞান, আর ভান্ন্যেয়ত্তুন্ সুরে যানাগানই অল বুদ্ধি।’ ”

গীতসংহিতা 111:10

লগেপ্রভু ইদু ভোক্তিপূর্ণ দরান অলঅ জ্ঞানান্; যিগুনে সে ইজেবে কাম গরন্ তারা গম্ বুদ্ধি পান্। লগেপ্রভুর নাঙ্ গিনেনাগান্ উমরত্তে থিদেবর্।

গীতসংহিতা 119:80

তর্ সুদোমানি পালাদে মর্ মনান যেন গম্ থায়, যেনে মুই লাজত্ ন-পড়ং।

যাত্রা 12:13

মাত্তর্‌ তমা ঘরত্‌ যে লোগানি লিপ্যে থেবঅ সিয়েনি অবঅ তমার্‌ চিহ্নো। আর মুই সেই লোগানি চেইনে তমারে বাদ দিইনে উজেই যেম্‌। সেক্কে মিসর দেজ উগুরে মর্‌ আঘাদর্‌ দজাত্তুন্ তুমি মাপ্‌ পেই যেবা।

গম্ উপদেজ্ 1:7

লগেপ্রভুরে ভোক্তি গুরিনে দরানা অলঅ জ্ঞানর গড়াগান্, মাত্তর্ যিগুনোর চিদে চজ্জা বাজে ধরনর তারা গম বুদ্ধি আর শিক্ষ্যেনি ঈচ্ গরন।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

দ্বি’লম্বর বিররণ 10:21

তেয়ই তমার্‌ বাঈনী, তেয়ই তমার্‌ গোজেন। তুমি নিজোর চোগেদি যেদক্কানি মহৎ আর দর্‌ জাগেয়্যে আমক্‌ কাম্‌ দেখ্য সিয়েনি তে তমাত্তে গোজ্যে।

দ্বি’লম্বর বিররণ 29:1

লগেপ্রভু হোরেব মুড়োবোত্‌ মোশির মাধ্যমে ইস্রায়েলীয়গুনোত্তে এক্কান সুদোম থিদেবর্ গোজ্যে, আর ইয়েনি অলঅ তার দ্বিলম্বর সুদোমর্ শর্ত যিয়েনি তে মোশিরে মোয়াব দেজত্‌ ইস্রায়েলীয়গুনোত্তে থিদেবর্ গুরিবাত্তে কোইয়্যে।

দ্বি’লম্বর বিররণ 29:2

মোশি বেক্‌ ইস্রায়েলীয়গুনোরে ডাগিনে কলদে, লগেপ্রভু মিসর দেজর ফরৌণ আর তা চাগরুনো উগুরে আহ্‌ তার গোদা দেজ্‌ছান উগুরে যিয়েনি গোজ্যে সিয়েনি তুমি নিজেই দেক্কো।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

যিহোশূয় 24:14

সে পরেন্দি যিহোশূয় কলঅ, “ইক্কিনে তুমি খাটি মন্‌দোই বিশ্বেজ্ গুরিনে লগেপ্রভুরে ভোক্তি গরঅ আর তারে সেবা গরঅ। তমার পূরোণিমানুচ্চুনে ইউফ্রেটিস গাঙর্‌ উইপারত্‌ আর মিসর দেজত্‌ যিদুক্কুন দেব-দেবেদার পূজো গুরিদাক্‌ সিগুন্‌ তুমি দূর গুরি দিইনে লগেপ্রভুরে সেবা গরঅ।