১ শমূয়েল 12:2 - Chakma Bible

² চঅ, ইক্কিনে তমারে চালেবাত্তে তমার এক্কো রাজা আঘে। মুই দঅ বুড়ো ওই যেইয়োং, মর্‌ চুলানিয়ো পাগি যেইয়্যে, আর মর্‌ পূঅগুনেয়ো তমা সমারে আগন্‌। সেই গাবুজ্যে বয়জত্তুন্‌ ধুরি এচ্চ্যে সং মুই তমারে চালেই এজঙর্‌।

১ শমূয়েল 12:2 Iomraidhean Croise

গীতসংহিতা 71:18

ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

২ তীমথিয় 4:6

মরে ইক্কিনে উৎসর্ব ইজেবে ঢালি দিয়্যে অর্; মর্ মরণর্ সময় এচ্চ্যে।

যিহোশূয় 23:1

ইস্রায়েলীয়গুনোর চেরোকিত্তে শত্রুগুনোর আঢত্তুন্‌ লগেপ্রভু তারারে জিরেন্ দেনার্‌ পরেন্দি ভালোক্‌ দিন বিদি গেলঅ‌। এ ভিদিরে যিহোশুয়র বয়স বোউত্‌ ওই যেইয়্যে, তে বুড়ো ওই যেইয়্যে।

যিহোশূয় 23:2

একদিন্যে তে বেক্‌ ইস্রায়েলীয়গুনোরে, অত্তাৎ তারার্‌ বুড়ো নেতাগুনোরে, মুরুব্বীগুনোরে, বিচেরগুরিয়েগুনোরে আর কাম্‌গুরিয়েগুনোরে ডাগিনে কলঅ‌, চঅ, মর্‌ বয়স বোউত্‌ ওইয়্যে, মুই বুড়ো ওইয়োং।

২ পিতর 1:14

কিয়া মুই যে আর ভালোক্ দিন এই কিয়্যের-তাম্বুলানত্ ন-থেম্ সিয়েন আমার প্রভু যীশু খ্রীষ্ট মরে গমেডালে জানেই দিয়্যে।

১ শমূয়েল 2:22

এলি সেক্কে অমহদ বুড়ো ওই গেলঅ। ইস্রায়েলীয়গুনো উগুরে তার পূঅগুনোর বেবহারর্‌ কধা আর যিদুক্কুন মিলে সেবা-কামত্তে মিলন-তাম্বুর দোরান ইদু এদাক্ তারার লগে তারার সিনেলীর কধা তা কানত্‌ গেলঅ।

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?

১ শমূয়েল 3:10

সে পরেন্দি লগেপ্রভু এইনে সিয়েনত্‌ ঠিয়্যেল আর আগধোক্ক্যেন গুরি ডাগিলো, “শমূয়েল, শমূয়েল।” সেক্কে শমূয়েলে কলঅ, “কোই পারিবে, তর্‌ চাগর্‌বো শুনের্‌।”

১ শমূয়েল 3:13

মুই তারে কঙর্‌, অন্যেয়র কারণে তার বংশবোরে মুই উমরত্যে সাজা দিবাত্যে যাঙর্‌। তে কোই পারিদো, তার পূঅগুনে নিজো মাদাগুনোর অভিশাব ডাগি আন্যন্‌, অদচ তে তারার্ বুদুলিবার্ চেট্টা ন-গরে।

১ শমূয়েল 3:16

সেক্কে এলি তারে কলঅ, “বাবা শমূয়েল।” শমূয়েলে জোব্ দিলো, “এইয়্যে দঅ মুই।”

১ শমূয়েল 8:1

শমূয়েলে বুড়ো বয়জত্‌ ইস্রায়েলীয়গুনোর শাজন্‌‌গুরিয়্যে ইজেবে তার পূঅগুনোরে কামর্ ভারান দিলো।

১ শমূয়েল 8:20

সালে আমি অন্য বেক্‌ জাদ্‌তুনো ধোক্ক্যেন ওই পারিবোং। আমার রাজাবো আমারে শাজন্ গুরিবো আর আমা আগে আগে থেইনে যুদ্ধো গুরিবো।”

১ শমূয়েল 8:3

মাত্তর্‌ তারা তারার বাপ্পো ধোক্ক্যেন ন-চলিদাক্। তারা অন্যেয়গুরিনে ধন সোম্বোত্তি পেবার্‌ আজায়্‌ গম্‌ পথ্‌তান্‌ ছাড়ি দিলাক্। তারা ঘুষ নেযেইনে গমানরে ভান্ন্যেই আর ভান্ন্যেইয়ানরে গম্‌ বিলিনে রায় দিদাক্।