১ শমূয়েল 12:15 - Chakma Bible

¹⁵ মাত্তর্‌ যুনি তুমি লগেপ্রভুর বাধ্য ন-অ আর তার উগুমোর বিরুদ্ধে আদঅ, সালে তে যেধোক্ক্যেন তমার পূরোণি মানুচ্চুনোরে সাজা দিয়্যে সেধোক্ক্যেন তমারেয়ো দিবো।

১ শমূয়েল 12:15 Iomraidhean Croise

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

যিশাইয় 1:20

মাত্তর্ যুনি তুমি বাধ্য অবাত্তে রাজী ন-ওইনে উল্লোমী গরঅ সালে তলোয়ারানে তমারে ভস্ত গুরিবো।” লগেপ্রভু নিজে এ কধাগান কোইয়্যে।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

আবিলেচ্ 1:18

তে কত্তে, “লগেপ্রভু ন্যায়বলা, মুই দঅ তা উগুমো বিরুদ্ধে উল্লোমী গোজ্যং। বেক্ জাদ্‌‌তুনে শুনো, মঅ দুঘ্‌‌কান চঅ; মর্ গাবুজ্যে-গাবুরীগুনে বন্দী ওইনে দূরোত্ যেইয়োন।

দ্বি’লম্বর বিররণ 31:27

তুমি যে কেধোক্ক্যেন একবুস্যে আর উল্লোমি সিয়েন মর্‌ জানা আঘে। মুই তমা সমারে বাঁজি থাগদে যেক্কে তুমি লগেপ্রভুর বিরুদ্ধে উল্লোমি গোজ্য সেক্কে মুই মুরি যানার পরেন্দি আরঅ কত্তমান্‌ সিয়েন গুরিবা।

যিহোশূয় 24:20

তুমি যুনি লগেপ্রভুরে ছাড়িনে দেব-দেবেদারে সেবা গরঅ সালে তে তমা ইন্দিত্তুন্‌ ফিরিবো আর যুনিয়ো তে আগেন্দি তমারে ভালেদি গোজ্যে মাত্তর্‌ সেক্কে তমা উগুরে অমংগল আনিনে তমারে শেজ্‌ গুরি দিবো।”

বিচের গুরিয়্যেগুন 2:15

ইস্রায়েলীয়গুনে যেক্কে যুদ্ধোত্‌ যেদাক্‌ সেক্কে লগেপ্রভু শমক্‌ খেইনে যে এগেমান গোজ্যে সে মজিম্ তা আঢ্‌তান তারার্‌ ভালেদিত্তেই তারার্‌ ইন্দি থেদঅ‌, সেনত্তেই তারা দাঙর্‌ দযা ভিদিরে এলাক্‌।

১ শমূয়েল 12:9

মাত্তর্‌ তারা তারার গোজেন লগেপ্রভুরে ভুলি গেলাক্। সেনত্তেই তে চাগর্‌ অবাত্তে হাৎসোরর সেনাপতি সীষরার আঢত্‌, পলেষ্টীয়গুনোর আঢত্‌ আর মোয়াব দেজর রাজাবোর আঢত্‌ তারারে তুলি দিলো। তমার পুরোণি মানুচ্চুনো সমারে তারা যুদ্ধো গুরিলাক্।

১ শমূয়েল 5:9

তারা সুন্দুক্কো সিদু নেযানার পরেন্দি লগেপ্রভু সেই শঅরানর্‌ বিরুদ্ধে আঢ্ তুলিলো। সেক্কে সে জাগার মানুচ্চুনে অমহদ দোরেলাক্। তে শঅরর্‌ চিগোন-দাঙর্‌ বেক্‌ মানুচ্চুনোরে আঘাত গুরিলো, আর সেক্কে বেক্কুনোর সেই টিউমার পিড়েগান্‌ অলঅ।