১ শমূয়েল 11:6 - Chakma Bible

⁶ মানুচ্চুনোর কধা শুনোনার পরেন্দি গোজেনর্‌ আত্মাগান্‌ শৌল উগুরে এলঅ, আর তে রাগে ফুলি উদিলো।

১ শমূয়েল 11:6 Iomraidhean Croise

যাত্রা 32:19

সে পরেদি মোশি তাম্বুলোর্‌ কায়-কুরে যেইনে সেই গোরু ছবো আর মানুচ্চুনোরে নাজদে দেগিলো। সিয়েন্‌ দেগিনে তে রাগে জুলি উদিলো আর আদত্‌ গুরি আন্যে পাত্তর-ফলক্কুন দ্বিবে ফেলেই দিলো। সেক্কে সেই দ্বিবে পাত্তর-আরুগ্ মুড়োবোত্‌ তলে পরিনে কট্টা কট্টা ওইনে ভাঙি গেলাক্।

গণাণা 12:3

আসলে মোশি এলদে এক্কো সিদে মানুচ্‌, পিত্‌থিমীর্‌ যে কনঅ মান্‌জ্যত্তুন্‌ বেশ্‌ সিদে।

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

ইফিষীয় 4:26

যুনি রাগ গরঅ সালে সেই রাগত্যে পাপ ন-গোজ্জ্য; বেলান্ ডুবিবার আগেদি তমা রাগ্‌‌‌কানি বাদ্ দুয়ো,

বিচের গুরিয়্যেগুন 11:29

সেক্কে লগেপ্রভুর আত্মাগান যিপ্তহ উগুরে এলঅ। সেক্কে যিপ্তহ গিলিয়দ আর মনঃশি চাগালার ভিদিরেন্দি যেইনে গিলিয়দর মিস্পীতদ্‌ এলঅ আর সিয়েনত্তুন অম্মোনীয়গুনোর বিরুদ্ধে উজেই গেলঅ।

বিচের গুরিয়্যেগুন 13:25

শিম্‌শোনে যেক্কে সরা আর ইষ্টায়োলর সংমোধ্যে মহনে-দান বিলিনে এক্কান জাগাত্‌ এলঅ সেক্কেত্তুন্‌ ধুরি লগেপ্রভুর আত্মাগানে তারে চেদন্‌ দিয়া ধুরিলো।

বিচের গুরিয়্যেগুন 14:6

সেক্কে লগেপ্রভুর আত্মাগানে তা উগুরে ভর্‌পুণোং বলান্দোই এলঅ, সেনত্তেই তে সে সিংহবোরে সুদো আঢ্‌তোই ছাগল ছঅ ধোক্ক্যেন্‌ গুরি ছিনি ফেলেল। মাত্তর্‌ তে কি গোজ্যে সিয়েন তা মা-বাবরে ন-জানেল।

বিচের গুরিয়্যেগুন 15:14

তে যেক্কে লিহীর ইদু লুমিলো সেক্কে পলেষ্টীয়গুনে জয়-জগার গুরি গুরিনে তাইন্দি এজা ধুরিলাক্‌। সেক্কে লগেপ্রভুর আত্মাগান পুরো বলান্দোই তা উগুরে এলঅ। সেক্কে তার আঢঅ দুড়িগানি পুড়ি যেইয়্যে শনঅ ধোক্ক্যেন্‌ অলঅ আর তা আঢত্‌ বান্যেগান খুলো গেলঅ।

বিচের গুরিয়্যেগুন 3:10

লগেপ্রভুর আত্মাগান্‌ তা উগুরে এজানার পরেন্দি তে ইস্রায়েলীয়গুনোর শাজন্‌গুরিয়্যে অলঅ। তে যেক্কে যুদ্ধো গুরিবাত্তে গেলঅ‌ সেক্কে লগেপ্রভু অরামর রাজা কূশন-রিশিয়াথয়িমরে তা আঢত্‌ তুলি দিলো, আর্‌ তে তারে ওদেই দিলো।

বিচের গুরিয়্যেগুন 6:34

সেক্কে লগেপ্রভুর আত্মাগানে গিদিয়োনরে বোলী বানেল। গিদিয়োনে শিংগা বাজেল আর অবীয়েষ্রীয়োগুনে তা পিজেন্দি এগত্তর্‌ অলাক্‌।

১ শমূয়েল 10:10

শৌল আর তার চাগর্‌ গিবিয়াতত্‌ লুুমিলে এক ঝাক্ ভাববাদী সমারে তারার দেগা অলঅ। সেক্কে গোজেনর আত্নাগানে শৌলরে পুরোপুরিভাবে নিজোর অধীনোত্ আনিলো, আর সেক্কে তে সেই ভাববাদীগুনোর মোধ্যে যেইনে গোজেনর দিয়্যে কধা কুয়ো ধুরিলো।

১ শমূয়েল 10:6

সেক্কে লগেপ্রভুর আত্মাগান পুরোপুরিভাবে তরে নিজোর অধীনোত্ আনিবো, আর সেক্কে তুইয়ো তারার লগে গোজেনর দিয়্যে কধা কবে। সেক্কে তুই অন্য বাবোত্যে মানুচ্‌ ওই যেবে।

১ শমূয়েল 16:13

শমূয়েলে সেক্কে তেলর বাঁশিবো নেযেইনে তা ভেইয়ুনোত্তুন্ তারে অভিষেগ গুরিলো। সে দিনোত্তুন্‌ ধুরি লগেপ্রভুর আত্মাগান দায়ূদো উগুরে এলঅ। ইয়েনর পরেন্দি শমূয়েলে রামাত্‌ ফিরি গেলঅ।

১ শমূয়েল 16:14

সেক্কে লগেপ্রভুর আত্মাগান শৌলরে ছাড়িনে গেলগোই আর লগেপ্রভুর ইত্তুন্‌ এক্কান ভান্ন্যেই আত্মা এইনে তারে অমহদ দর্‌‌বুগ্ লাগা ধুরিলো।