১ শমূয়েল 11:13 - Chakma Bible

¹³ মাত্তর্‌ শৌল কলদে, “এচ্চ্যে কাররে মারে ফেলানা ন-চলিবো, কিত্যে এচ্চ্যের দিন্নোত্‌ লগেপ্রভু ইস্রায়েলীয়গুনোরে উদ্ধোর গোজ্যে।”

১ শমূয়েল 11:13 Iomraidhean Croise

২ শমূয়েল 19:22

জোবত্‌ দায়ূদে কলঅ, “ও সরূয়ার পূঅগুন, এ পৌইদ্যেনে তমা লগে মর্‌ কি সম্পর্ক? এচ্চ্যে কিত্তে তুমি মঅ উল্লোমি গরর্‌? এচ্চ্যে কি ইস্রায়েলত্‌ কাররে মারে ফেলানা উজিত্? মুই কি এ কধাগান হবর্‌ ন-পাং, এচ্চ্যেয়ো মুই ইস্রায়েলীয়গুনোর রাজা?”

২ শমূয়েল 19:23

সে পরেন্দি রাজা এগেম্ গুরিনে শিমিয়নরে কলঅ, “তরে মারে ন-ফেলেবং।”

২ শমূয়েল 23:10

মাত্তর্‌ ইলিয়াসরে যুদ্ধোর জাগানত্‌ থিয়্যেনেই পলেষ্টীয়গুনোরে আঘাত্‌ গরা ধুরিলো। যেরেন্দি তা আত্তান্‌ বল্‌পোজ্যে ওইনে লাম্বা ছুরিগানর্‌ লগে বাজেয়্যে এলঅ। সেদিন্যে লগেপ্রভু দাঙর্ জিদেনাগান্ দান গুরিলো। সৈন্যগুনে ইলিয়াসর ইদু যেক্কে ফিরি এলাক্ সেক্কে মরামানুচ্চুনো ইত্তুন্‌ লুদোনা বাদে তারার্‌ আর কিচ্ছু গুরিবার ন-এলঅ।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যাত্রা 14:30

লগেপ্রভু এধোক্ক্যেনগুরি সেদিন্যে মিসরীয়গুনোর্ আঢত্তুন্‌ ইস্রায়েলীয়গুনোরে উদ্ধোর্‌ গুরিলো। ইস্রায়েলীয়গুনে মিসরীয়গুনোর্‌ মরাকিয়্যেনি বড়্‌‌গাঙর্‌ পারত্‌ পড়ি থাগদে দেগিলাক্‌।

যিশাইয় 59:16

তে দেগিনে আমক্ অলদে, ন্যায়বিচেরর্ তপ্পে থিয়্যেবার কনজন নেই; সেনত্তে তে তার খেমতাবলা আঢ্‌‌‌তান্দোই উদ্ধোরর্ কামানি গুরিলো আর এ কামানত্ তার ন্যায্যতাগানে তারে সাহায্য গুরিলো।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

১ শমূয়েল 10:27

মাত্তর্‌ কয়েক্কো বাজে মান্‌জে কলাক্, “এই মানুচ্চো কেধোক্ক্যেনগুরি আমারে রোক্ষ্যে গুরিবো?” তারা তারে ঈচ্ গুরিলাক আর কনঅ বক্‌শিজ্ ন-দিলাক্। মাত্তর্‌ শৌলে মুয়োন বন্ধ গুরি রলঅ।

১ শমূয়েল 14:45

মাত্তর্‌ মানুচ্চুনে শৌলরে কলাক্, “কি? যিবেত্যে ইস্রায়েলীয়গুনে এই দাঙর্ উদ্ধোরান্ পেইয়োন সেই যোনাথনত্তুন মরা পুরিবো? কনদিনঅ নয়; জেদা লগেপ্রভুর শমক্‌, তা এক্কান চুলঅ মাদিত্‌ ন-পুরিবো, কিত্যে তে এচ্চ্যে যিয়েনি গোজ্যে সিয়েনি গোজেন লগে থেইনেই গোজ্যে।” মানুচ্চুনে এধোক্ক্যেনগুরি যোনাথনরে রোক্ষে গুরিলাক্, তারে মারে ফেলা ন-অলঅ।

১ শমূয়েল 19:5

তে তার পরাণানরে নেযেইনে সেই পলেষ্টীয়গুনোরে মারে ফেলেয়্যে, আর লগেপ্রভু বেক্‌ ইস্রায়েলীয়গুনোরে জদবদে জিদেনাগান্ দান গোজ্যে; তুই দঅ সিয়েনি দেগিনে হুজি ওইয়োচ্‌। সালে ইক্কিনে তুই এনেবাদে দায়ূদোরে মারে ফেলেইনে কিত্তে একজন দুষ নেইয়্যে মান্‌জ্যর্‌ লো ঝোরেইনে তার বিরুদ্ধে পাপ গুরিবে?”