১ শমূয়েল 10:7 - Chakma Bible

⁷ এদক্কানি চিহ্নো ঘদানার পরেন্দি তর্‌ সেক্কে যিয়েনি গরানা উজিত্‌ তুই সিয়েনিই গুরিচ; গোজেনে তঅ লগে থেবঅ।

১ শমূয়েল 10:7 Iomraidhean Croise

পত্থম 21:20

গোজেনে সেই পুয়োবোরে দেগাশুনো গরা ধুরিলো, আর তে দাঙর্‌ ওয়া ধুরিলো । তে ধূল্যেচর-চাগালাত্‌ বজত্তি গুরিদো আর শেল্‌-ধনু মারানা কামত্‌ কাবিল্‌ ওই উদিলো।

২ শমূয়েল 7:3

জোবত্‌ নাথনে রাজারে কলঅ, “তঅ মনত্‌ যিয়েনি আঘে তুই সিয়েনি গর্‌। লগেপ্রভু তা সমারে আঘে।”

ইয়োব 31:25

মঅ নিজো আঢ্‌তোই যে সোম্বোত্তিগানি মুই পেইয়োং সে সোম্বোত্তি গানিলোই যুনি মুই রঙ্গ ফুত্তি গুরি থাং,

যাত্রা 4:8

সেক্কে লগেপ্রভু কলঅ, “যুদি তারা তরে বিশ্বেজ্ ন-গরন্‌ বা পত্তম চিহ্নোগানর্‌ কনঅ দাম ন-দুয়োন্‌ সালে অয়ত দ্বিলম্বরান্‌ তারা বিশ্বেজ্ গুরিবাক্।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

লূকে লেখ্যে গম্ হবর্ 2:12

এ কধাগান যে সত্য তমা ইধু সিয়েনর্ চিহ্নোগান অলঅ ইয়েন-তুমি কাবড়ত্ বেড়েয়্যে আর গোরু পিয়োঙত্ থোইয়্যে এক্কো চিগোন্ চিজিরে দেগিবা।”

যোহন 6:14

যীশুর এ আমক্ কামানি দেগিনে মানুচ্চুনে কুয়ো ধল্ল্যাক্, “পিত্‌থিমীত্ যে ভাববাদীবোর্ এবার্ কধা আঘে ইবে ঘেচ্চেক্‌‌গুরি সেই ভাববাদীবো।”

দ্বি’লম্বর বিররণ 20:1

যুদ্ধো গুরিবাত্তে যেইনে শত্রুগুনোর্ পক্ষে তমাত্তুন্‌ ঘোড়া, রথ আর সৈন্যদল বেশ্ দেগিনে তুমি ন দোরেবা, কিত্যে তমার গোজেন লগেপ্রভু, যিবে মিসর দেজত্তুন তমারে নিগিলেই আন্যে তে তমা সমারে থেবঅ।

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

বিচের গুরিয়্যেগুন 6:12

সেই অক্তত্‌ লগেপ্রভুর দুত্‌তো গিদিয়োনরে দেগা দিইনে কলঅ্‌, “ও বোলী যুদ্ধো গুরিয়্যে, লগেপ্রভু তঅ লগে আঘে।”

বিচের গুরিয়্যেগুন 9:33

বেইন্যে বেলান্‌ উদিবার অক্তত্‌ তুই শঅ্‌রানর মোখ্যে উজেই যেবে। গাল আর তার মানুচ্চুনে যেক্কে তঅ বিরুদ্ধে নিগিলি এবাক্‌ সেক্কে তুই যিয়েন মনে অয় সিয়েনই গুরিবে।”

১ শমূয়েল 2:34

তর্‌ দ্বিবে পূঅ হফ্‌নি আর পীনহস একই দিনোত্‌ মুরি যেবাক্, আর সিয়েনই অবঅ তত্তে এক্কান চিহ্নো।

১ শমূয়েল 20:13

যুনি মঅ বাপ্পো তর্‌ অমংগল গুরিবাত্তে চাই আর মুই তরে ন-জানাং আর গমেডালে তরে পাধেই দিবার বেবস্থা ন-গরং সালে লগেপ্রভু যেনে মরে সাজা দে আর অমহদগুরিনে দে। লগেপ্রভু যেধোক্ক্যেন মঅ বাপ্পো সমারে এলঅ সেধোক্ক্যেন্‌ তর্‌ লগেয়ো থোক্‌।

১ শমূয়েল 3:19

এধোক্ক্যেনগুরি শমূয়েলে দাঙর্‌ উয়ো ধুরিলো আর লগেপ্রভু তা সমারে থেলঅ আর ভাববাদী ইজেবে কোইয়্যে তার কনঅ কধা লগেপ্রভু ফেলা যেবাত্যে ন দিলো।