১ শমূয়েল 10:18 - Chakma Bible

¹⁸ তে তারারে কলঅ, “ইস্রায়েলীয়গুনোর গোজেন লগেপ্রভু কোইয়্যেদে, ‘মিসর দেজত্তুন মুয়ই তমারে নিগিলেই আন্যং, আর মিসরীয়গুনোর আদত্তুন্‌ আর যে রেজ্যর মানুচ্চুনে তমা উগুরে অত্যেচার্‌ গুরিদাক তারার আদত্তুন্‌ মুয়ই তমারে উদ্ধোর গোজ্যং।’”

১ শমূয়েল 10:18 Iomraidhean Croise

যাত্রা 29:46

সেক্কে তারা জানি পারিবাক্‌, মুই লগেপ্রভু তারার্‌ গোজেন। মুই তারা ইদু বজত্তি গুরিম বিলিই মিসর দেজত্তুন তারারে নিগিলেই আন্যং। মুয়ই লগেপ্রভু তারার্‌ গোজেন।

গণাণা 10:9

নিজোর দেজত্ থাগদে যেক্কে তুমি কনঅ অত্যেচার্ গুরিয়্যে শত্রুর বিরুদ্ধে যুদ্ধো গুরিবাত্তে যেবা সেক্কে দ্বিবে বাঁশি বাজেইনে সার্‌ দিবে। তমা গোজেন লগেপ্রভু সেক্কে তমা কধানি চিন্তে গুরিনে শত্রুগুনোর আঢত্তুন্‌ তমারে উদ্ধোর্‌ গুরিবো।

বিচের গুরিয়্যেগুন 2:1

লগেপ্রভুর দূত্তো গিল্‌গলত্তুন বোখীমোত্‌ এইনে ইস্রায়েলীয়গুনোরে কলঅ‌, “মুই মিশর দেজত্তুন্ তমারে নিগিলেই আন্যং আর যে দেজ্‌চান দিবার শমক্‌ মুই তমার্‌ পূরোণি বুড়োবুড়িগুনো ইদু গোজ্যং সে দেজত্‌ তমারে আন্যং। মুই কোইয়োং, ‘তমাত্তেই মর্‌ থিদেবর্ গোজ্যে সুদোমান্‌ মুই কনদিনঅ ন-ভাঙিম্‌।

১ শমূয়েল 12:8

যাকোবে মিসর দেজত্‌ গেলঅ, আর পরেন্দি যেক্কে তমার পুরোণি মানুচ্চুনে লগেপ্রভুর ইদু কানাকুদি গুরিলাক্ সেক্কে লগেপ্রভু মোশি আর হারোণরে পাধেই দিলো। তারা মিসর দেজত্তুন্‌ তমার পুরোণি মানুচ্চুনোরে নিগিলেই আনিলাক্ আর এই দেজত্‌ তারারে বজত্তি গুরিবার বেবস্থা গুরিলো।