১ শমূয়েল 10:1 - Chakma Bible

¹ সে পরেন্দি শমূয়েলে এক্কো তেলর শিঝিরি নেযেইনে শৌলর মাদাবো উগুরে তেল ঢালি দিলো। তে তারে গালত্‌ চুমিনে কলঅ, লগেপ্রভু তা মানুচ্চুনো উগুরে তরে নেতা ইজেবে অভিষেগ্ গুরিলো।

১ শমূয়েল 10:1 Iomraidhean Croise

২ শমূয়েল 1:14

দায়ূদে তারে কলঅ, “লগেপ্রভুর অভিষেক গোজ্যে মানুচ্চোরে মারে ফেলেবাত্তে আত্‌ তুলোদে তুই কি এক্কেনায়ো ন-দোরেলে?”

২ শমূয়েল 19:39

এ পরেন্দি বেক্‌ মানুচ্চুনে গাঙান্‌ পার্‌ ওই গেলাক্, সে পরেন্দি রাজা গাঙান্‌ পার্ ওই গেলঅ। রাজা বর্সিল্লয়রে চুমিনে বর্ দিলো আর বর্সিল্লয়ে আরঅ গাঙান্‌ পার্ ওইনে নিজো ঘরত্‌ ফিরি গেলঅ।

২ শমূয়েল 20:19

আমি ইস্রায়েল ভিদিরে শান্তিপ্রিয় আর বিশ্বেজী। তুই ইস্রায়েলর ভিদিরে মা ধোক্ক্যেন্‌ এ শঅরানরে ভস্ত গুরি দিবাত্তে চর্‌। লগেপ্রভুর সোম্বোত্তি এ ইস্রায়েলীয়গুনোরে কিত্তে তুই গিলিবার চেট্ট্যা গরর্‌?”

২ শমূয়েল 5:2

ইয়েনর্ আগেন্দি যেক্কে শৌল আমা রাজা এলঅ সেক্কে যুদ্ধোর্‌ অক্তত্‌ তুয়ই ইস্রায়েলীয়গুনোর সৈন্যগুন পরিচালনা গোজ্যস্‌; আর লগেপ্রভু তরে কোইয়্যেদে যেনে তুয়ই তা মানুচ্চুনোরে, অত্তাৎ ইস্রায়েলীয়গুনোরে দেগাশুনো গুরিবে আর তারার্‌ নেতা অবে।”

১ রাজাবলী 1:34

ধর্মগুরু সাদোক আর ভাববাদী নাথন সিদু তারে ইস্রায়েলর রাজা ইজেবে অভিষেগ্ গরঅ। সে পরেন্দি তুমি ঢুল বাজেইনে রঅ ছাড়িনে কঅ, ‘রাজা শলোমন জিংকানিবর্‌ বাঁজোক্‌।’

১ রাজাবলী 19:18

মাত্তর্‌ ইস্রায়েলত্‌ মুই সাত আজার মান্‌জ্যরে ফেলে এচ্ছোং যিগুনে বাল দেবেদার মুজুঙোত্‌ আদু ন-পাদন্‌ আর তারে ন-চুমোন্‌।”

২ রাজাবলী 20:5

“তুই ফিরি যেইনে মঅ মানুচ্চুনোর্‌ নেতা হিষ্কিয়রে কঅ, তা পূরোণি মানুচ্‌ দায়ূদো গোজেন্‌ লগেপ্রভু এ কধাগান্‌ কোইয়্যেদে, ‘মুই তর্‌ তবনাগান্‌ শুন্যং আর তর্‌ চোগো পানিগান দেখ্যং। মুই তরে গম্‌ গুরিম্‌। ইক্কিনেত্তুন্‌ ধুরি তিন দিন পরেন্দি তুই লগেপ্রভুর ঘরত্‌ যেবে।

২ রাজাবলী 9:1

ইলীশায় শিচ্চ্য-ভাববাদীগুনো ভিদিরেত্তুন্‌ একজনরে ডাগিনে কলঅ, “তঅ কাবড়ান্‌ তঅ কমর্‌-বিজোনিগানত্‌ গুজেই লঅ আর এ তেল শিজিরিবো লোইনে তুই রামোৎ-গিলিয়দত্‌ যাহ্।

২ রাজাবলী 9:12

তারা কলাক্কে, “এ কধাগান ঠিগ্‌ নয়, আমারে ভাঙি কঅ।” সেক্কে যেহূ কলঅ, “তে মরে কলদে, লগেপ্রভু কোইয়্যেদে, ‘ইস্রায়েলর রাজা ইজেবে মুই তরে অভিষেগ্ গোজ্যং।’”

গীতসংহিতা 135:4

লগেপ্রভু যাকোবরে তার নিজোত্তে, ইস্রায়েলরে তার নিজোর সোম্বোত্তি অবাত্তে বেঈ লোইয়্যে।

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 78:71

তারে দুধবলা পাদি ভেড়াগুনোরে চেইচিদিবার কামত্তুন্ আনিলো, যেন তে প্রভুর মানুচ্চুনোরে, অত্তাৎ যাকোবর বংশবোরে, যিগুন তার সোম্বোত্তি সেই ইস্রায়েল জাদ্‌তোরে চোরেই পারন্।

যাত্রা 30:23

তুই কয়েক্কো গম্‌ জাদর্‌ মশলা, অত্তাৎ পাচ্ কেজি গন্ধরস, আড়ি কেজি তুম্বাস দারচিনি, আড়ি কেজি বচ,

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিহিষ্কেল 16:13

এবাবোত্যেগুরি সোনা আর রূবোলোই তরে সাজা অলঅ; তঅ কাবড়-চুগোরানি এলদে পাদল্ মসীনার, রেশমর আর নক্‌শা গোজ্যে কাবড়র্। তঅ হানাগানি এলদে নিগুজ্ মোইদ্যে, মধু আর জলপাইয়র তেল। তুই জদবদে দোল্ ওইনে রাণী ধোক্ক্যেন্ অলে।

হোশেয় 13:2

ইক্কিনে তা মানুচ্চুনে আরঅ বেশ্ গুরি পাপ গোজ্যন্; তারার্ রূবোগানিলোই তারা নিজোত্তে কাবিল আঢ্‌‌তোই বানেয়্যে মূত্তি, অত্তাৎ কাবিল্ আত্‌‌‌‌তোই মূত্তি বানেয়্যন; সিগুন বেক্কুন্ কালিগর কাম। এ মূত্তিগুনো পৌইদ্যেনে তারা কন্, “যিগুনে উৎসর্ব গরন্ তারা গোরু ছঅ-মূত্তিগুনোরে চুমোদোক্।”

প্রেরিত্‌ 13:21

সে পরেদি মানুচ্চুনে রাজা মাগিলাক্। সেক্কে তে তারারে বিন্যামীন গুট্টির কীশর পুয়ো শৌলরে দিলো। শৌলে চল্লিশ বজর্ সং রাজাগিরি গোজ্যে।

দ্বি’লম্বর বিররণ 32:9

লগেপ্রভুর পাওনা ভাগই অলঅ তার মানুচ্চুন; যাকোব, অয়, ইস্রায়েল জাদ্‌তো অলঅ তার পাওনা সোম্বোত্তি।

১ থিষলনীকীয় 5:26

কোচ্‌পানার মনভাব্‌‌পোই বেক্কুনোরে ভালেদি জানেয়ো।

ইব্রীয় 2:10

বেক্কানি গোজেনত্যে আর বেক্কানি তারে দিইনে ওইয়্যে। সেনত্যে ভালুক্কুন পুয়োরে তার্ মহিমার ভাগী অবার্ আজায় উদ্ধোরর্ গড়াগান যীশুর দুঘ্ পানালোই পূরোণ গরানা গোজেনত্যে ঠিগ্ কামান ওইয়্যে।

ফগদাং পেইয়্যে 5:8

বোইবো লনার্ পর সেই চের্‌বো জেদা প্রাণী আর চব্বিচ্‌জন নেতা ভেড়া-ছবোর্ মুজুঙোত্ মাঢা নিগুরিলাক্। তারার পত্তিজনর্ আঢত্ এক্কো গুরিনে বীণা আর এক্কো গুরি আগর্‌বাট্টিলোই ভোরেয়্যে সনার কদরা এলঅ। সেই আগর্‌বাট্টিলোই ভোজ্যে কদরাগুন অলঅ গোজেন মানুচ্চুনোর তবনা।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”

১ শমূয়েল 13:14

মাত্তর্‌ ইক্কিনে তর্‌ রাজাগিরিগান আর ভালোকদিন ন-টিগিবো। লগেপ্রভু তার মনে মন্‌জক্কাগুরি এক্কো মান্‌জ্যরে তোগেই নেযেয়্যে আর তারেই তা মানুচ্চুনোর নেতা নেযেয়্যে, কিত্যে তা উগুমানি তুই পালন ন-গরচ্‌।”

১ শমূয়েল 15:1

শমূয়েল শৌলরে কলঅ, “লগেপ্রভু তা মানুচ্‌ ইস্রায়েলীয়গুনো উগুরে তরে রাজা ইজেবে অভিষেগ্ গুরিবাত্তে মরে পাদেয়্যে। ইক্কিনে তুই লগেপ্রভুর কধানি শুনিচ্‌।

১ শমূয়েল 15:17

শমূয়েলে কলঅ, “একদিন তুই নিজোর্ চোগেন্দি চিগোন্‌ এলে, মাত্তর্‌ তো কি তুই ইস্রায়েলীয়গুনোর বেক্‌ গুট্টিগুনোর চেলা ন-অচ্‌? লগেপ্রভুই তরে ইস্রায়েল দেজ উগুরে রাজা ইজেবে অভিষেগ্ গোজ্যে।

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 16:13

শমূয়েলে সেক্কে তেলর বাঁশিবো নেযেইনে তা ভেইয়ুনোত্তুন্ তারে অভিষেগ গুরিলো। সে দিনোত্তুন্‌ ধুরি লগেপ্রভুর আত্মাগান দায়ূদো উগুরে এলঅ। ইয়েনর পরেন্দি শমূয়েলে রামাত্‌ ফিরি গেলঅ।

১ শমূয়েল 2:10

লগেপ্রভুর শত্রুগুনে ভস্ত ওই যেবাক্, তে আগাজত্‌ তারার বিরুদ্ধে গুজুরিবো; পিত্‌থিমীর থুম দুঝি সং তে মানুচ্চুনোর বিচের্‌ গুরিবো। তে তার রাজাবোরে বল্‌ দিবো আর তার বর্‌ দিয়্যে মানুচ্চুনোরে ঝিদেই দিবো।”

১ শমূয়েল 24:6

তে তার মানুচ্চুনোরে কলঅ, “মর্‌ গিরোচ্ছো বিরুদ্ধে, লগেপ্রভুর অভিষেগ্ গোজ্যে মানুচ্চুনোর বিরুদ্ধে আঢ্ তুলোদে লগেপ্রভু কনদিন্‌অ মরে অনুমতি ন-দিবো, কিত্যে তে দঅ লগেপ্রভুর অভিষেগ্ গোজ্যে মানুচ্‌।”

১ শমূয়েল 26:11

মাত্তর্‌ লগেপ্রভুর অভিষেগ্ গোজ্যে মান্‌জ্য উগুরে আঢ্ তুলিবাত্তে লগেপ্রভু কনদিন্‌অ মরে অনুমতি ন-দিবো। আদঅ, ইক্কিনে আমি তার মাদাবো কায়-কুরেত্তুন্‌ সেল্‌লো আর পানির পিলেবো তুলি নেযেইনে ফিরি যেই।”

১ শমূয়েল 26:9

দায়ূদে তারে কলঅ, “না, তারে মারে ন-ফেলেয়ো। লগেপ্রভুর অভিষেগ্ গোজ্যে মান্‌জ্য উগুরে আঢ তুলিনে কন্না নিদ্দুষী তেই পাজ্যে?

১ শমূয়েল 8:19

মাত্তর্‌ মানুচ্চুনে শমূয়েলর এই বেক্‌ কধানি শুনিবাত্তে রাজী ন-অলাক্। তারা কলাক্কে, “না, আমি এক্কো রাজা চেই।

১ শমূয়েল 8:9

ইক্কিনে তুই তারার কধানি মানি নেযা; মাত্তর্‌ তুই তারারে উঝিয়ার্‌ গুরিনে কোই দে, তারা উগুরে যে রাজাবো রাজাগিরি গুরিবো তে তারার উগুরে কেধোক্ক্যেন্ বেবহার গুরিবো।”

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”

১ শমূয়েল 9:27

শঅরর্‌ দুঝির্‌ কোয়-কুরে এইনে শমূয়েল শৌলরে কলঅ, “তর্‌ চাগরবোরে উজেই যেবাত্তে কঅ, মাত্তর্‌ তুই কানক্কণত্তে ইয়েনত্‌ থিয়্যে। গোজেনে যিয়েন কোইয়্যে সিয়েন মুই তরে শুনেম।” সেক্কে তার চাগরুনে উজেই গেলাক্।