১ শমূয়েল 1:8 - Chakma Bible

⁸ এ অবস্থা দেগিনে তা নেক্কো ইল্‌কানা তারে কদঅ, “হান্না, তুই কিত্তে কানর্‌? কিত্তে কিচ্ছু ন-খর্‌? কিত্তে তর্‌ এদক দুঃখো? মুই কি তইদু দোচ্‌ছুয়ো পূঅত্তুনঅ বেশ্‌ ন-ওম্?”

১ শমূয়েল 1:8 Iomraidhean Croise

২ রাজাবলী 8:12

হসায়েলে পুযোর্‌ গুরিলো, “মঅ গিরোজ্‌সো কিত্তেই কানর্‌?” জোবত্‌ ইলীশায় কলঅ, “তুই ইস্রায়েলীয়গুনোরে কি ক্ষতি গুরিবে সিয়েন্‌ মুই হবর্‌ পাং। তুই তারার্‌ তাম্বুলানিত্‌ আগুন্‌ বাজেই দিবে, অসিলোই তারার্‌ গাবুজ্যে পূয়োগুনোরে মারে ফেলেবে, তারার্‌ চিগোন্‌ চিগোন্‌ পূয়ো-ঝিগুনোরে মাদিত্‌ আযার্‌ মারিবে আর তারার্‌ পিদিলী মিলেগুনোর্‌ পেটতুন্‌ ফাদি দিবে।”

ইয়োব 6:14

আমক্‌ ওইয়্যে মানুচ্চো যুনিয়ো বা বেগত্তুন্‌ বোলী গোজেনরে ভোক্তি গরানা ছাড়ি দে, তো তা সমাজ্যেগুনোর্‌ উজিত্‌ তা উগুরে বিশ্বেজ্‌ থানা।

গীতসংহিতা 43:4

যেনে মুই গোজেনর পুজোবো ইদু যেই পারং। তেয়ই মর্ সুখ্ আর হুজি। ও গোজেন, মর্ গোজেন, মুই বীণা বাজেইনে তর্ বাঈনী গুরিম।

যিশাইয় 54:1

লগেপ্রভু কোইয়্যেদে, ও ভায্ মিলেবো, যিবের কনদিন্অ পুয়ো ন-অয়, তুই হুজিয়ে গান গাহ্; তুই, যিবের্ কনদিন্অ পুয়ো ফুদেবার পেটপিড়ে ন-অয়, তুই জদবদে গান গাহ্, হুজিয়ে রঅ ছাড়্; কিত্তে যিবের্ নেগ্ আঘে তাত্তুন্ যিবের কনজন নেই তার পুয়ো-ছা বোউত্ অবাক্।

যিশাইয় 54:6

তুই ছুড়্ কাবোজ্ দিয়্যে আর মনত্ দুঘ্ পেইয়্যে মোগো ধোক্ক্যেন ওইয়োচ্, গাবুজ্যে জিংকানিত্ দূর গুরি দিয়্যে মোগো ধোক্ক্যেন ওইয়োচ্; মাত্তর্ লগেপ্রভু আরঅ তরে ডাক্ক্যে। মুই তর্ গোজেন এ কধাগান কঙর্।

যোহন 20:13

তারা মরিয়মরে কলাক্, “কিত্ত্যেই কানর্?” মরিয়মে তারারে কলঅ, “মানুচ্চুনে মঅ প্রভুরে নেযেয়োন আর তারে কুধু থোইয়োন্ কোই ন-পারং।”

যোহন 20:15

যীশু তারে কলঅ, “কিত্ত্যেই কানর্? কারে তগর্?” যীশুরে বাগান চুগিদার্ মনে গুরিনে মরিয়মে কলঅ, “চাহ্, তুই যুনি তারে নেযেই থাচ্ সালে কঅ কুধু থোইয়োচ্। মুই তারে নেযেম্।”

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

রূত 4:15

পূঅবো যেনে তরে পোত্‌পোত্যে গুরি তুলে আর তর্‌ বুড়ো বয়জত্‌ তর্‌ দেগাশুনো গরে, কিত্যে তর্‌ পূদবোবো, যে তরে কোচ্‌পায় আর যে তইদু সাত্তো পূঅত্তুনঅ বেশ্‌, তা পেদত্‌ পূঅবোর জর্ম ওইয়্যে।”

১ শমূয়েল 1:7

বজর্‌কে বজর্‌ এসাইন্যাগুরি চলের্‌। হান্না যেক্কে লগেপ্রভুর ঘরত্‌ যেদঅ পনিন্না তারে দেচ্যেয়ে-মেচ্যেয়ে কধা কদঅ। সেনত্যেই তে কানাকুদি গুরিদো আরে কিচ্ছু ন-খেদঅ।