১ শমূয়েল 1:22 - Chakma Bible

²² মাত্তর্‌ হান্না ন-গেলঅ। তে তা নেক্কোরে কলঅ, “পূঅবোরে বুগোর দুধ ছাড়ানার পরেন্দি মুই তারে নেযেইনে লগেপ্রভুর মুজুঙোত্‌ আঝিল্ ওম্‌ যেনে তে সারা ঝিংকানিবর্‌ সিয়োদোই থেই পারে।”

১ শমূয়েল 1:22 Iomraidhean Croise

গীতসংহিতা 110:4

লগেপ্রভু শমক্ খেইয়্যেদে, “তুই উমরত্যে মল্কীষেদক ধোক্ক্যেন ধর্মগুরু।” এ পৌইদ্যেনে তে তাহ্ মনান ন-বোদোলেব।

গীতসংহিতা 23:6

মুই হবর্ পাং সারা জিংকানিবর্ তর্ ভালেদি আর অমকদ কোচ্‌‌পানা মর্ পিজে পিজে এবঅ; আর মুই জিংকানিবর্ লগেপ্রভুর ঘরত্ বজত্তি গুরিম।

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

যাত্রা 21:6

সেক্কে তা গিরোজ্‌সো তারে গোজেন ইদু আঝি‌ল্ গুরিবো। সে পরেন্দি দোর্‌ বা দোরানর্‌ ফ্রেমান ইদু তারে নেযেইনে ড্রিল্ মেশিন্দোই তার্‌ কানান্‌ ফুদো গুরি দিবো। সেক্কে তে সারা জীংকানিবর্‌ তার্‌ গিরোজসোর্‌ চাগর্‌ ওই থেবঅ‌।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

লেবীয় 25:23

উমরত্তে কারঅ‌ ভূই বেজানা ন-চলিবো, কিত্যে বেক্‌ ভূইয়ানি মর্‌ আরঅ মঅ মুজুঙোত্ তুমি সিয়েনত্‌ পরবাস্যে ওইনে বজত্তি গুরিবা।

লূকে লেখ্যে গম্ হবর্ 2:22

পরেদি মোশির আইন-কানুন্ মজিম্ তারার্ সিজি অবার্ অক্ত অলঅ। সেক্কে যোষেফ আর মরিয়ম যীশুরে প্রভুর মুজুঙোত্ আজির্ গুরিবাত্তে তারে যিরূশালেম শঅরত্ নেযেলাক্,

দ্বি’লম্বর বিররণ 16:16

তমার গোজেন লগেপ্রভুর বেঈ লোইয়্যে জাগানত বজরে তিনপল্লা, অত্তাৎ সদাছাড়া পিদের পরবর্‌ সলাবোত্‌, সাত সাপ্তার্ পরবর্‌ সলাবোত্‌ আর নাদা মান্‌জ্যর-ঘরর পরবর্‌ সলাবোত্‌ তমার বেক্‌ মরদ্‌তুনে লগেপ্রভুর মুজুঙোত্‌ আঝিল্ উয়ো পুরিবো। কনজনে যেনে খালি আঢ্‌তোই লগেপ্রভুর মুজুঙোত্‌ আঝিল্ ন অয়।

১ শমূয়েল 1:11

তে লগেপ্রভুর ইদু মানত্ গুরিনে কলঅ, “ও দুনিয়ের গিরোজ্ লগেপ্রভু, তুই যুনি তর্‌ এই চাগরানীবোর মনত্‌ দুঘ্‌কান ইন্দি একবার চাজ্ আর মইন্দি মনযোগ দে আর মরে পুরি ন-ফেলেইনে যুনি তর্‌ এই চাগরানীবোরে এক্কো পূঅ দুয়োচ্‌ সালে সারা ঝিংকানিবর্‌ মুই তারে তর্‌ নাঙে দান গুরিম। তার মাদাবোত্‌ কনদিনঅ ক্ষুর বাজানা ন-অবঅ।”

১ শমূয়েল 1:28

সেনত্যেই পূঅবোরে মুইয়ো লগেপ্রভুরে দিলুং। তে যেদকদিন বাঁজি থেবঅ সেদকদিন সং লগেপ্রভুরই থেবঅ।” পরেন্দি তারা সিদু মাদা নিগিরিনে লগেপ্রভুর নাঙে তারার ভোক্তি জানেলাক্।

১ শমূয়েল 13:13

শমূয়েলে কলঅ, “তুই বেদমা ধোক্ক্যেন কাম্‌ গোজ্যস্‌। তর্‌ গোজেন লগেপ্রভু যে উগুমান তরে দিয়্যে সিয়েন তুই পালন্‌ ন-গরচ্‌। যুনি তুই সিয়েনি গুরিদে সালে ইস্রায়েল উগুরে তর্‌ রাজাগিরি তে চির জিংকানিবর্‌ থিদেবর্ গুরি দিদো।

১ শমূয়েল 2:11

ইয়েনর্ পরেন্দি ইল্‌কানা রামাত্ তার নিজোর ঘরত্‌ ফিরি গেলঅ, মাত্তর্‌ শমূয়েলে ধর্মগুরু এলির অধীনোত্তুন্‌ লগেপ্রভুর সেবা গরা ধুরিলো।

১ শমূয়েল 2:18

মাত্তর্‌ চিগোন চিঝি শমূয়েল মসীনা সুদোলোই এফোদ উরিনে লগেপ্রভুর সেবা কাম্‌ গরা ধুরিলো।

১ শমূয়েল 28:2

দায়ূদে কলঅ, “গম্‌, তুই নিজেই দেগিবে তর্‌ চাগর্‌বো কি গুরি পারে।” আখীশে কলঅ, “বেশ্‌ গম্‌। মুই তরে গোদা জিংকানিবর্‌ মর্‌ কিয়্যেগান্ রোক্ষ্যে গুরিয়্যে ইজেবে নেযেম্‌।”

১ শমূয়েল 3:1

চিগোন চিঝি শমূয়েলে এলির অধীনোত্তুন্ লগেপ্রভুরে সেবা-কাম গরা ধুরিলো। সেই অক্তত্‌ লগেপ্রভুর কধানি খুব কম শুনো যেদঅ