১ শমূয়েল 1:18 - Chakma Bible

¹⁸ হান্না কলদে, “এই চাগরানীবো উগুরে তর্‌ মেইয়্যে থোক্।” ইয়েন কোইনে তে গেলঅ আর হানা-দানা গুরিলোগোই। তার মুয়োন আর সুদোমু দেগা ন-গেলঅ।

১ শমূয়েল 1:18 Iomraidhean Croise

পত্থম 32:5

মর্‌ গোরু-গাধা, ছাগল-ভেড়া আর চাগর্‌-চাগরানী বেক্কুন আঘে। মঅ গিরোজ্‌সো ইধু দোয়্যে পেম্‌ এ আজা গুরিনে মুই আগেত্তুন্‌ ধুরি তরে হবর্‌ দোঙর্‌।”

পত্থম 32:6

মানুচ্চুনে ফিরি এইনে যাকোবরে কলাক্, “আমি তঅ ভেই এষৌ মুজুঙোত্ যেইয়্যেই। তে ইক্কুনি চের্‌শঅ মানুচ্ নিনেই তঅ লগে দেগা গুরিবাত্তে এজের্।”

পত্থম 33:15

সেক্কে এষৌ কলঅ, “সালে মঅ সমারে থেইয়্যে কয়েক্কো মান্‌জোরে মুই তঅ ইধু ফেলে যাং।” যাকোবে কলঅ, “সিয়েনর কি দরকার? মঅ গিরোজত্তুন্‌ মুই যে দোয়্যে পেয়োং সিয়েনোই যদেষ্ট।”

পত্থম 33:8

সেক্কে এষৌ কলঅ, “যে দলবলুনো লগে পদথ্‌ মর্‌ দেগা অলঅ সিগুন্‌ কিত্তে?” যাকোবে কলঅ, “সিগুন মঅ গিরোজ্‌সো ইত্তুন দোয়্যে পেবাত্তে।”

গীতসংহিতা 34:6

এই অভাগ্যত্যেবো লগেপ্রভুরে ডাগিলো; তে তার্ ডাগনিলোই ইজিরে দিলো আর বেক্ দুঘোত্তুন্ তারে উদ্ধোর্ গুরিলো।

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

যোহন 16:24

এজঅ সং তুমি মঅ নাঙে কিচ্চু ন-মাগঅ। মাগঅ, তুমি পেবা যেন তমা হুজীগান্ পুরোপুরি অয়।

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

রূত 2:13

সেক্কে রূতে কলঅ, “ও মর্‌ প্রভু, তুই যেনে মরে মেইয়্যের চোগেন্দি চাজ্‌। তর্‌ এ চাগরানিবো ইদু উজ্‌সোমির্‌ কধানি কোইনে তুই মরে বুঝেলে, যুনিয়ো মর্‌ এই কামঅ‌ মিলেগুনোর কার লগে থিয়্যেবার সেদাম্অ মত্তুন্‌ নেই।”

রূত 2:2

একদিন্যে মোয়াবীয় রূতে নয়মীরে কলঅ, “মুই ক্ষেদত্‌ যেইনে পড়ি-আগন্দে ধান শীজেগুন্‌ কুড়ে আনিমবোই নাহি? যে মরে মেইয়্যে গুরিনে কুড়েই নিবাত্তে দিবো মুই তা পিজে পিজে থেইম্‌।” নয়মী তারে কলঅ‌, “অয়, মা, যাহ্।”