১ শমূয়েল 1:16 - Chakma Bible

¹⁶ তর্‌ এই চাগরানীবোরে তুই এক্কো বাজে মিলে মনে ন-গুরিচ্‌। অমহদ ভান্ন্যেই চিদে-চজ্জালোই আর মনত্‌ দুঘে মুই এদক্ষণ সং তবনা গরঙর্‌।”

১ শমূয়েল 1:16 Iomraidhean Croise

গীতসংহিতা 55:2

মন্দি চাহ্, মরে জোব্ দে; মর্ শত্রুগুনোর বিষো ধোক্ক্যেন কধালোই আর পাজিগুনো অত্যেচারে মুই দুঘোত্ থির্ নেইয়্যে ওইয়োং আর ফবাঙর্। তারার্ বজং কামানিত্তেই তারা মঅ উগুরে দযা ডাগি আন্যন্, আর রাগে মঅ উগুরে অত্যেচার গোজ্যন।

দ্বি’লম্বর বিররণ 13:13

সিদুগোর্ ইস্রায়েলীয়গুনো ভিদিরে কিজু পাজি মানুচ্‌ দেগা দুয়োন যিগুনে সিদুগোর্ মানুচ্চুনোরে ইয়েন কোইনে ভান্ন্যেই পধেদি টানি নেযেয়োন, আদঅ, আমি দেব-দেবেদাগুনোরে পূজো গুরিই, যে দেব-দেবেদাগুনে তমা ইদু নূয়ো।

দ্বি’লম্বর বিররণ 13:14

সিয়েনোই যুনি অয় সালে বেপারান তমাত্তুন্‌ খুব গমে ডালে উদো লোইনে পোরোক্ষে আর তদন্ত গুরি চাহ্ পুরিবো। আর সিয়েন যুনি সত্য বিলি প্রমাণ অয়, এ জঘন্য কামান তমা ভিদিরে গরা ওইয়্যে,

১ শমূয়েল 1:15

জোবত্‌ হান্না তারে কলদে, “ও মর্‌ প্রভু, সিয়েন নয়। মুই অমহদ দুঃখী; মুই আংগুর-রসও ন-খাং, মদঅ ন-খাং। মুই লগেপ্রভুর মুজুঙোত্‌ মর্‌ মনান্‌ ঢালি দুয়ঙর্‌।

১ শমূয়েল 1:17

সেক্কে এলি কলঅ, “তর্‌ মনান্‌ শান্ত ওক্। ইস্রায়েলীয়গুনোর গোজেন ইদু তুই যিয়েনি চেয়োচ্‌ সিয়েনি যেনে তে তরে দে।”

১ শমূয়েল 10:27

মাত্তর্‌ কয়েক্কো বাজে মান্‌জে কলাক্, “এই মানুচ্চো কেধোক্ক্যেনগুরি আমারে রোক্ষ্যে গুরিবো?” তারা তারে ঈচ্ গুরিলাক আর কনঅ বক্‌শিজ্ ন-দিলাক্। মাত্তর্‌ শৌলে মুয়োন বন্ধ গুরি রলঅ।

১ শমূয়েল 2:12

এলির পূঅগুনে এলাক অমহদ পাজি। লগেপ্রভু উগুরে তারার কনঅ মনযোগ ন-এলঅ।

১ শমূয়েল 25:25

মর্‌ গিরোজ্‌সো যেনে সেই জঘন্য মান্‌জ্যর্‌, অত্তাৎ নাবলর্ কধানি ন-ধরে। তার্‌ নাঙান্‌ যেধোক্ক্যেন তেয়ো সেধোক্ক্যেন। তার্‌ নাঙানর্‌ ভেদ্‌তান্ একবুস্যে, আর সিয়েন ভিদিরে আঘে বানা একগেয়েমী। মর্‌ গিরোজ্‌সো যিদুক্কুন মানুচ্‌ পাদেয়্যে তারার্‌ লগে তর্‌ এই চাগরানীবোর্‌ দেগা ন-অয়।