১ শমূয়েল 1:1 - Chakma Bible

¹ ইফ্রয়িমর মুড়োমুড়ি চাগালাত্‌ রামাথয়িম-সোফীম শঅরত্‌ ইল্‌কানা নাঙে এক্কো মানুচ্ ইফ্রয়িম-গুট্টির মানুচ্চুনো লগে বজত্তি গুরিদো। তা বাপ্পোর নাঙান্‌ এলদে যিরোহম। যিরোহম অলদে ইলীহূর পূঅ, ইলীহূ এলদে তোহেরর পূঅ আর তোহ এলদে সুফেরর পূঅ।

১ শমূয়েল 1:1 Iomraidhean Croise

১ রাজাবলী 11:26

নবাটর পূঅ যারবিয়ামেয়ো রাজা শলোমনর্ বিরুদ্ধে উল্লোমি গুরিলো। তে এলদে শলোমনর্ ইক্কো কামগুরিয়্যে, সরেদা আদামর্‌ ইক্কো ইফ্রয়িমীয় মানুচ্‌। তা মাবোর্‌ নাঙান্‌ এলদে সরূয়া; তে রানিমিলে এলঅ।

১ বংশধর 6:12

অহীটূব পুয়ো সাদোক, সাদোকর পুয়ো শল্লুম,

১ বংশধর 6:22

কহাতর এক্কো পুয়োর্‌ নাঙ্‌ অলদে অম্মীনাদব, অম্মীনাদব পুয়ো কোরহ, কোরহ পুয়ো অসীর,

১ বংশধর 6:33

এ সেবা-কামত্‌ যিদুক্কুন্‌ মান্‌জ্যে আর তারা বংশধরুন নেযা ওইয়্যে তারা অলাক্‌: কহাতীয়গুনো ভিদিরে এলদে গানগেইয়্যে হেমনে। হেমন অলদে যোয়েলর পুয়ো, যোয়েল শমূয়েল পুয়ো,

১ বংশধর 6:34

শমূয়েল ইল্‌কানা পুয়ো, ইল্‌কানা যিরোহম পুয়ো, যিরোহম ইলীয়েল পুয়ো, ইলীয়েল তোহর পুয়ো,

মথি লেখ্যে গম্ হবর্ 27:57

সাজোন্যে অনার্ পরেদি অরিমাথিয়া আদামর্ যোষেফ নাঙে এক্কো থাগোয়্যে মানুচ্ সিধু এলঅ। ইবে যীশুর্ শিচ্চ্য ওইয়্যে।

যিহোশূয় 24:33

পরেদি হারোণর পূঅ ইলিয়াসরে মুরি গেলে তারে গিবিয়াতত্‌ গোর্ দিয়্যে অলঅ। ইফ্রয়িমর মুড়ো-মুড়ি চাগালাত্‌ এ জাগায়ান তার্‌ পূঅ পীনহসরে দিয়্যে ওইয়্যে।

বিচের গুরিয়্যেগুন 12:5

যর্দন গাঙর্‌ যে জাগায়ানি আদিনে পার্ ওই ইফ্রয়িম চাগালার ইন্দি যাহ্ যায় সে জাগায়ানি গিলিয়দীয়গুনে গজক্‌ গুরি নিলাক। ইফ্রয়িম-গুট্টির বাঁজি থেইয়্যে কনঅ মানুচ্‌ যেক্কেনে কদাক্‌, “মরে পার্‌ অবাত্তে দে,” সেক্কে গিলিয়দর মানুচ্চুনে তারে পুযোর গুরিদাক্‌, তুই কি ইফ্রয়িমীয়? জোবত্‌ তে যুনি কদঅ, “না,”

বিচের গুরিয়্যেগুন 17:1

ইফ্রয়িমর মুড়ো-মুড়ি চাগালাত্‌ মীখা নাঙে এক্কো মানুচ্‌ এলঅ।

বিচের গুরিয়্যেগুন 19:1

ইস্রায়েলীয়গুনো ভিদিরে যেক্কে কনঅ রাজা ন-এলাক্‌ সেক্কে ইফ্রয়িমর মুড়ো-মুড়ি চাগালা ভিদিরে এক্কো লেবীয় বজত্তি গুরিদো। তে যিহূদা চাগালার বৈৎলেহম আদামর এক্কো মিলেরে যের ঘরর্‌ মোগ্‌ ইজেবে ললঅ।

বিচের গুরিয়্যেগুন 4:5

ইফ্রয়ীমোর মুড়োমুড়ি চাগালাত্‌ রামা আর বৈথেলর সংমোধ্যে এক্কান্‌ জাগাত্‌ দবোরা তা খাজোর গাজ্‌চুয়ো তলাত্‌ বুজিদো, আর ইস্রায়েলীয়গুনে নিজে কোল্‌-কোজ্যে বাজেই‌লে মীমাংসাত্তে তাইদু এদাক্‌।

রূত 1:2

মানুচ্চোর্‌ নাঙান্‌ এলদে ইলীমেলক। তা মোক্কোর্‌ নাঙান্‌ নয়মী আর দ্বিবে পূঅর্‌ নাঙানি মহলোন আর কিলিয়োন। তারা অলাক্‌ যিহূদা দেজর্‌ বৈৎলেহমর ইফ্রাথীয় মানুচ্‌। তারা মোয়াব দেজত্‌ যেইনে সিদু রোই গেলাক্‌।

রূত 4:22

ওবেদর পূঅ যিশয় আর যিশয়র পূঅ দায়ূদ।

১ শমূয়েল 1:19

তার কেল্যে বেন্যেপোত্যে তারা ঘুমোত্তুন্ উদিনে উবোসনা-ঘরত্‌ যেইনে লগেপ্রভুরে তবনা গুরিলাক্। সে পরেন্দি তারা রামাত্ তারার নিজো ঘরত্‌ ফিরি গেলাক্। পরেন্দি ইল্‌কানা তা মোক্কো হান্না সমারে মিজেল আর লগেপ্রভুয়ো হান্নার ইন্দি মনযোগ দিলো।

১ শমূয়েল 17:12

দায়ূদোর বাপ্পো যিশয় যিহূদা চাগালাত্‌ ইফ্রাথ, অত্তাদ্‌ বৈৎলেহম আদামত্‌ বজত্তি গুরিদো। তার আস্‌তোবো পূঅ এলাক্। শৌলর রাজাগিরি গুরিবার অক্তত্‌ তে বুড়ো ওই যেইয়্যে।

১ শমূয়েল 2:11

ইয়েনর্ পরেন্দি ইল্‌কানা রামাত্ তার নিজোর ঘরত্‌ ফিরি গেলঅ, মাত্তর্‌ শমূয়েলে ধর্মগুরু এলির অধীনোত্তুন্‌ লগেপ্রভুর সেবা গরা ধুরিলো।

১ শমূয়েল 7:17

সে পরেন্দি তে রামাত্‌ তা ঘরত্‌ ফিরি গেলঅ। তে সিয়েনত্‌অ ইস্রায়েলীয়গুনোরে শাজন্ গুরিদো। সিদু লগেপ্রভুর নাঙে তে এক্কো পূজো বানেয়্যে।

১ শমূয়েল 9:4

শৌলে সেক্কে সিগুনোরে তোগাদে তোগাদে ইফ্রয়িমর মুড়ো-মুুড়ি বামত্‌ আর শালিশা বামর্‌ ভিদিরেন্দি গেলঅ, মাত্তর্‌ সিগুনোরে ন-পেলঅ। সে পরেন্দি তারা শালীম বামান ইন্দি গেলঅ, মাত্তর্‌ গাধীগুনোরে সিদুয়ো পাহ্ ন-গেলঅ। সে পরেন্দি তারা বিন্যামীনীয়গুনোর বামত্‌ গেলাক্, আর সিদুয়ো সিগুনোরে ন-পেলঅ।

১ শমূয়েল 9:5

তারা যেক্কে সূফ বামত্‌ গেলাক্ সেক্কে শৌল তা সমারে চাগরুনোরে কলঅ, “আদঅ, আমি ফিরি যেই। সিয়েন ন-গুরিলে বাবা অয়ত গাধীগুনোর চিদে ন-গুরিনে আমাত্তে চিদে গুরিবো।”