১ পিতর 5:9 - Chakma Bible

⁹ বিশ্বেজে থির্ থেইনে শদানরে আক্‌সো, কিয়া তুমি দঅ হবর্ পঅ, গোদা পিত্‌থিমীত তমা বিশ্বেজি ভেইয়ুনে একই বাবোত্যে দুঘোত্ ভুগোদন্।

১ পিতর 5:9 Iomraidhean Croise

লূকে লেখ্যে গম্ হবর্ 22:32

মাত্তর্ মুই তত্যে তবনা গোজ্যং যেন তঅ বিশ্বেজত্ ভাঙন্ ন-ধরে। তুই যেক্কে মইধু ফিরি এবে সেক্কে তর্ এই ভেইয়ুনোরে খেমতাবলা গুরি তুল্।”

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

১ করিন্হীয় 10:13

মান্‌জ্য জিংকানিত্ যেদক্কানি পোরোক্ষ্যে ওই থায় সিয়েনি বাদে আর অন্য কনঅ পোরোক্ষ্যে দঅ তমা উগুরে ন-অয়। গোজেনে বিশ্বেজবলা; সোজ্জ্যর্ বারেদি পোরোক্ষ্যে তে তমা উগুরে অবাত্তে ন-দিবো, বরং পোরোক্ষ্যের্ লগে লগে সিয়েনত্তুন্ নিগিলি এবার্ এক্কান পধ-অ তে গুরি দিবো যেন তুমি সিয়েন সোজ্জ্য গুরি পারঅ।

ইফিষীয় 4:27

আর শদানরে কনঅ সুযোগ ন-দুয়ো।

ইফিষীয় 6:16

ইয়েনবাদে বিশ্বেজর্ ঢালানিয়ো তুলি লঅ; সেই ঢালানিলোই তুমি শদানর্ বেক্ জোল্‌জোল্যে সেলুন্ মারেই ফেলেই পারিবা।

কলসীয় 2:5

মুই কিয়্যেগানদি তমা ইধু ন-থেলেয়ো আত্মায় আঝির্ আঘং আর তমার্ গম চালচলন্ আর খ্রীষ্ট উগুরে তমার থির্ বিশ্বেজ্ দেগিনে গম্ পাঙর্।

১ থিষলনীকীয় 3:3

যেনে এ বেক্‌ দুগ্‌খানির্ মাধ্যমে তুমি কেঅ পিজেদি ন-যঅ। তুমি নিজেই কোই পারঅ যে, দুগ্-কষ্ট আমাত্যে ঠিগ্ গরা আঘে।

১ তীমথিয় 6:12

খ্রীষ্ট উগুরে বিশ্বেজত্যে তার্ পক্ষে মনে-পরাণে যুদ্ধো চালেই যাহ্। যে উমর্‌অ জিংকানিত্যে গোজেনে তরে ডাক্ক্যে সেই উমর্‌অ জিংকানিগান ধুরি রাগা। তুই বোউত্ মান্‌জ্য মুজুঙোত্ তর বিশ্বেজর্ সাক্ষ্য দুয়োচ্।

২ তীমথিয় 3:12

আসলে যিগুনে খ্রীষ্ট যীশুর্ লগে মিজেইনে গোজেন উগুরে ভোক্তিবলা জিংকানি কাদেবাত্যে চান্ তারা অত্যেচারিত অবাক্।

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।

ইব্রীয় 11:33

বিশ্বেজর্ মাধ্যমে তারা রেজ্য জিত্যন্, দোল্ বিচের্ গোজ্জ্যন, গোজেন এগেমর্ পূর্ণতাগান লাভ গোজ্জ্যন, সিংহগুনো মুয়োন বন্ধ গোজ্জ্যন্,

ইব্রীয় 12:8

পত্তি পুয়োরে শাসন গরা অয়। তুমি যুনি শাসন ন-পেইনে থাগঅ সালে দঅ তুমি জার্‌বো, ঘেচ্চ্যেকগুরি পুয়ো নয়।

যাকোব 4:7

ইয়েনত্যে গোজেনর্ অধীনোত্ থাগঅ। শদান বিরুদ্ধে দরমর গুরি থাগঅ, সালে তে তমাত্তুন্ ধেই যেবঅ।

১ পিতর 1:6

খালিক্ যুনিয়ো কিজু সময়োত্যে নানান্ পোরোক্ষ্যেলোই অয়ত ইক্কিনে তমার্ দুঘ্ পাহ্ পড়ের, তো উদ্ধোর্ পেবার আজায় তমা মনানি হুজিয়ে ভুরি উঠ্যে।

১ পিতর 2:21

ইয়েনত্যে গোজেনে তমারে ডাক্ক্যে, কিয়া খ্রীষ্ট তমাত্যে দুঘ্ ভুগিনে তমা ইধু আলাম্ থোই যেয়্যে, যেন তুমিয়ো তা ধোক্ক্যেন চলঅ,

১ পিতর 3:14

গোজেনর্ আওজ্‌ মজিম চলিবাত্যে যেইনে যুনি তমাত্তুন্ দুগ্অ ভুগো পড়ে সালে তুমি বর্ পেইয়্যে। যিগুনে তমারে দুঘ্ দুয়োন তারারে তুই ন-দোরেচ্ বা দুঘোত্ ওলোজোলো ন-ওচ্,

১ পিতর 4:13

সিয়েনত্তুন্ বরং তুমি যে খ্রীষ্টর্ দুঘ্ ভুগোনার ভাগ লর্ সিয়েন্দোই হুজি অ, যেন তার্ মহিমাগান যেক্কে ফগদাং অবঅ সেক্কে তুমি হুজি অ।

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।

ফগদাং পেইয়্যে 6:11

সেক্কে তারারে পত্তিজনরে এক্কান গুরি ধূব্ পোজাক্ দিয়্যে অলঅ আর কুয়ো অলঅ, তারার সমাজ্জ্যে আর ভেইয়ুনোরে, যিগুনোরে তারা ধোক্ক্যেন গুরি মারে ফেলা অবঅ তারা জনেদি ন-পুরোনা সং তারা যেন আরঅ কিজু কাল বাজ্জ্যেই থান্।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।