১ পিতর 5:12 - Chakma Bible

¹² সীল, যিবেরে মুই মর্ বিশ্বেজি ভেই মনে গরং, তারে দিইনে এই চিধিগান মুই কম কধালোই তমা ইধু লিগিলুং, যেন মুই তমারে উচ্চোমি দি পারং আর গোজেনর্ ঘেচ্চ্যেকগুরি দোয়্যের্ সাক্ষি দি পারং। তুমি গোজেনর্ এই দোয়্যেলোই থির্ থেইনে বজত্তি গরঅ।

১ পিতর 5:12 Iomraidhean Croise

যোহন 21:21

পিতরে তারে দেগিনে যীশুরে কলঅ, “প্রভু, ইবের্ কি অবঅ?”

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

রোমীয় 5:2

গোজেনর্ এই যে দোয়্যের্ পধেদি ইক্কিনে আমি চলির্ সিধু আমি খ্রীষ্টর্ মাধ্যমে বিশ্বেজ্‌চোই লুম্মেয়ি। গোজেনর্ মহিমা পেবার্ আজায় আমি ফুত্তি গুরির্।

১ করিন্হীয় 15:1

ভেইলগ্, যে গম্ হবরান্ মুই তমা ইধু ফগদাং গোজ্জ্যং, সেই গম্ হবরানর্ কধাগান তমারে ইদোত্ তুলি দোঙর্। তুমি সিয়েন মানি লোইয়ো আর সিয়েনত্ থির্‌অ আঘঅ।

২ করিন্হীয় 1:19

যিবের্ কধা সীলবান, তীমথিয় আর মুই তমা ইধু প্রচার গোজ্জ্যেই সেই যীশু খ্রীষ্ট, গোজেনর্ পুয়ো, একই সময়োত্ অয় আর নয়;

২ করিন্হীয় 1:24

গিরোজ ধোক্ক্যেন গুরি আমি যে তমার্ বিশ্বেজ্ উগুরে আঢ্ দির্ সিয়েন নয়, বরং তুমি যেন হুজী অ সেনত্যে তমা সমারে কাম্ গরঙর্; কিয়া বিশ্বেজে তুমি দরমর গুরি থিয়্যেই আঘঅ।

ইফিষীয় 3:3

তার্ গুমুরো উদ্দেচ্চ্যগান তে বিশেষ কধালোই মরে জানেয়্যে, আর এ বেপারান মুই তমা ইধু কম্ কধালোই লিগিলুং।

ইফিষীয় 6:21

মুই কেধোক্ক্যেন আঘং আর মর্ দিনুন্ কেধোক্ক্যেন গুরি কাদাঙর্ সিয়েন কোচ্‌পেইয়্যে ভেই আর প্রভুর বিশ্বেজি সেবাগুরিয়্যে তুখিকত্তুন্ জানি পারিবা।

কলসীয় 1:7

সেই গম হবরানর্ কধা তুমি আমার কোচ্‌পেইয়্যে সমাজ্জ্যে ইপাফ্রাত্তুন্ শুন্ন্য। তে তমা পক্ষত্তুন্ খ্রীষ্টর এক্কো বিশ্বেজি সেবাগুরিয়্যে।

কলসীয় 4:7

আমা কোচ্‌পেইয়্যে ভেই আর বিশ্বেজি সেবাগুরিয়্যে আহ্ প্রভুর কামত্ আমার সমাজ্যে তুখিকে মর্ বেক্‌ হবরানি তমারে দিবো।

কলসীয় 4:9

তুখিক সমারে মুই আমার বিশ্বেজি আর পরাণর্ ভেই ওনীষিমরেয়ো পাধেলুং। তে তমার একজন। তারা ইধুগোর্ বেক্কানি তমারে জানেবাক্।

১ থিষলনীকীয় 1:1

বাবা গোজেন আর প্রভু যীশু খ্রীষ্ট লগে এগত্তর্ থিষলনীকীয় মন্ডলী ইধু সীল, তীমথিয় আর মুই পৌলে এ চিধিয়ান লিগির্। আমার বাবা গোজেন আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

২ থিষলনীকীয় 1:1

বাবা গোজেন আর প্রভু যীশু খ্রীষ্ট সমারে মিজেয়্যে থিষলনীকীয় মন্ডলী ইধু সীলবান, তীমথিয় আর মুই পৌলে এ চিধিয়ান লেখ্যেই।

ইব্রীয় 13:22

ভেইলগ্, তমা ইধু মর্ বিশেষ কোজোলি ইয়েন, মর্ এ উপদেজর্ কধানি তুমি মানি লঅ। মুই দঅ তমা ইধু বেচ্‌ কধা ন-লিগিলুং।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ পিতর 4:10

গোজেনর্ নানান্ বাবোত্যে দোয়্যে পেইনে যে মানুচ্চো বিশ্বেজ্ গুরিনে সিয়েন কামত্ লাগেয়্যে, সেবাবোত্যে মানুচ্ ইজেবে তুমি গোজেনত্তুন্ যেধোক্ক্যেন দান পেইয়ো সিয়েন একজন আরেকজনর্ সেবা গুরিবাত্যে বেবহার গরঅ।

২ পিতর 1:12

ইয়েনত্যে মুই আমিযে এ বেপারানি তমারে ইদোত্ গুরি দুয়োঙর্। খালিক্ তুমি দঅ ইয়েনি কোই পারঅ আর যে সত্যগান তমা রিবেঙত্ আঘে সিয়েন্দোই থির্-অ আঘঅ।

২ পিতর 2:15

তারা বিয়োরর্ পুয়ো বিলিয়মর্ পধ্‌থান ধোজ্জ্যন্। বিলিয়মে ভান্ন্যেই কামর্ বকশিজ্ পেবাত্যে চেইয়্যে,

৩ যোহন 1:12

বেক্কুনে দীমীত্রিয়রে নাঙ্ গিনোদন্; এন্‌ কি, গোজেনর্ সত্যগানেয়ো সিয়েন গরের্। আমিয়ো তারে নাঙ্ গিনির্। তুই দঅ কোই পারচ্ আমি যিয়েন কোই সিয়েন সত্য।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।