১ পিতর 4:7 - Chakma Bible

⁷ ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

১ পিতর 4:7 Iomraidhean Croise

পত্থম 19:35

এধোক্ক্যেনগুরি তারা সে রেদোত্‌অ তারা বাপ্পোরে আংগুর-রস হাবেইনে মাত্তল্‌ গুরিলাক্‌ আর চিগোন ঝিবো বাবঅ লগে ঘুম্‌ গেলঅ। ঝিবো কক্কে তা লগে ঘুমোত্‌ পড়ল আর কক্কে বা উদি গেলঅ তে সিয়েন্‌ টার্‌অ ন-পেলঅ।

পত্থম 6:13

এ অবস্থাগান দেগিনে গোজেনে নোহরে কলঅ, গোদা মান্‌জ্য জাদতোরে মুই শেজ্ গুরি ফেলেম্‌ বিলিনে ঠিগ্ গোজ্যং। মানুচ্চুনোত্তে পিত্‌থিমীয়ান অত্যেচার-অবিচারে ভুরি উঠ্যে। মানুচ্চুনো সমারে পিত্‌থিমীর বেক্কানি মুই শেজ্ গুরিবাত্তে যাঙর্‌।

উপদেশক 7:2

হানা ঘরত্ যানাত্তুন্ আবিলেচ্ গরেদে ঘরত্ যানা গম্, কিত্তে বেক্কুনে একদিন্ মুরি যেবাক্; জেদা মানুচ্চুনোর্ এ কধাগান্ মনত্ রাগানা উজিত্।

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিহিষ্কেল 7:6

শেজ্ সময়ান এচ্চ্যে! তমা বিরুদ্ধে সিয়েন জাগি উঠ্যে, সিয়েন লুম্মেগি!

মথি লেখ্যে গম্ হবর্ 24:42

তুমি সজাগ্ থাগঅ, কিয়া তমা জিংকানির গিরোজ্‌সো কমলে এবঅ সিয়েন্ তুমি হবর্ ন-পঅ।

মথি লেখ্যে গম্ হবর্ 25:13

হিত্ত্যবোর্ শেজদি যীশু কলঅ, ইয়েনত্তে সজাক্ থাগঅ, কিয়া সেই দিন্নো বা সেই সময়বোর্ কধা তুমি হবর্ ন-পঅ।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

রোমীয় 12:12

তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।

১ করিন্হীয় 15:24

ইয়েন পরেদি খ্রীষ্ট যেক্কে বেক্‌ শাসন-বেবস্থাগানি, অধিকার আর খেমতাগানি ভস্ত গুরিনে বাবা গোজেন আঢত্ রেজ্যগান দি দিবো সেক্কে থুম্ সময়ান এবঅ।

১ করিন্হীয় 7:29

ভেইলগ্, যে কধাগান মুই তমারে কবাত্তে চাঙর্ সিয়েন এ-সময়ত্ ভারী কম্। সেনত্তে ইক্কেত্তুন্ ধুরি এমন্‌ গুরিনে চলানা দরকার যে, যিগুনোর্ মোগ্ আঘে তারার্ যেন মোগ্ নেই;

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

ফিলিপীয় 4:5

তমার নরম খাচ্চ্যদ্‌তানি যেন বেক্কুনে দেগন্। প্রভু যাদিমাদি এজের্।

কলসীয় 4:2

তুমি কৃতজ্ঞ আর সজাগ্ ওইনে তবনা গুরিনে নিজোরে কামত্ রাগেয়ো;

২ তীমথিয় 4:5

মাত্তর্ তুই বেক্কানিত্ নিজোরে দোঙেই রাগা, দুঘ্ সোজ্জ্য গর্ আর খ্রীষ্ট পৌইদ্যেনে গম হবর্ প্রচার গরানাত্ থাক্, আর গোজেনে তরে যে কাম গুরিবাত্যে দিয়্যে সিয়েন থুম্ সং গর্।

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,

ইব্রীয় 10:25

কনঅ কনঅ মান্‌জ্যর যেধোক্ক্যেন অভ্যেস্ আঘে তারা ধোক্ক্যেন আমি যেন তেম্মাঙত্ এক সমারে এগত্তর্ অনা বাদ্ ন-দিই, বরং খ্রীষ্টর্ এবার দিন্নো যেদক্ কায়কুরে এবঅ সেদক্ যেন আমি একজন আরেক জনরে আরঅ উচ্চোমি দেনাত্ থেই।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ পিতর 3:7

ঠিগ সেবাবোত্যে গুরি তুমি যিগুনে নেক্, তুমি বুদ্ধি বিবেচনা গুরিনে মোগো সমারে বজত্তি গরঅ। তারা তমার দুর্বল সমাজ্জ্যে, আর তারায়ো তমা সমারে গোজেনর্ দোয়্যের্ দান ইজেবে জিংকানি পেবাক্। সেনত্যে তারারে সর্মান গরঅ যেন তমার তবনাগানি লবাদোস্যে ন অয়।

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”