১ পিতর 4:17 - Chakma Bible

¹⁷ বিচের আরাম্ভ অবার সময় ওইয়্যে আর সিয়েন গোজেন পরিবারর্ মানুচ্চুনোত্তুন্ ধুরি আরাম্ভ গরা অবঅ। আর যুনি সেই বিচেরান আমাত্তুন্ ধুরি আরাম্ভ গরা অয় সালে যিগুনে গোজেনর্ দিয়্যে গম হবরান মানি ন-লন্ তারার অবস্থা কি অবঅ?

১ পিতর 4:17 Iomraidhean Croise

যিশাইয় 10:12

প্রভু সিয়োন মুড়ো আর যিরূশালেম বিরুদ্ধে তার্ বেক কামানি থুম্ গুরিনে কবদে, “আসিরিয়া রাজার অহংকারী মনর্ কামানি আর তার বাড়্‌‌বো চোগ্‌‌কুনোত্তে মুই তারে সাজা দিম্,

যিরমিয় 25:29

চঅ, মর্ নিজো শঅরানরে মুই পত্থমে ভস্ত গুরিবাত্তে যাঙর্, সালে তুমি কি সাজা ন-পেইনে থেবা? তুমি সাজা পেবাদে পেবা, কিত্তে পিত্‌থিমীর বেক্ মানুচ্চুনো বিরুদ্ধে মুই যুদ্ধো ডাগি আনঙর্। মুই বেগত্তুন খেমতাবলা লগেপ্রভু এ কধাগান কঙর্।

যিরমিয় 49:12

লগেপ্রভু কোইয়্যেদে, “যিগুনে সাজা পেবার যগাজ্যে নয়, তারার যুনি সাজাগান্ ওইনে গলজত্ হা পড়ে সালে তুই কিত্তে সাজা ন-পেইনে থেবে? তত্তুন্ সেই গলজ্‌‌‌‌‌সোত্ হেইনে সাজা পাহ্ পুরিবো।

যিহিষ্কেল 9:6

বুড়ো, গাবুজ্যে, গাবুরী, বুয়ো যেইয়্যে মিলে আর চিগোন্ গুরোগুনোরে মারে ফেলঅ, মাত্তর্ যিগুনো কবালত্ চিহ্নো আঘে তারারে ন-ধোজ্য। উবোসনা-ঘরত্তুন্ সিয়েন গরানা আরাম্ভ গরঅ।” সেক্কে তারা উবোসনা-ঘর মুজুঙোত্ যে বুড়ো নেতাগুনে এলাক্ তারারে দিইনে আরাম্ভ গুরিলাক্।

আমোষ 3:2

“পিত্‌থিমীর্ বেক জাদ্‌‌‌‌‌‌‌‌‌তুনো ভিদিরেত্তুন্ মুই বানা তমারে বেঈ লোইয়োং; সেনত্তে তমার্ বেক পাপ্‌‌‌‌‌পানিত্তে মুই তমারে সাজা দিম।”

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

লূকে লেখ্যে গম্ হবর্ 23:31

গাজ্ এইল্ থাগদে যুনি মান্‌জ্যে এবাবোত্যে গরন্ সালে গাজ্ শুগুনো অলে পরেদি কি যে অবঅ!”

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

রোমীয় 2:9

যিগুনে পাপ গুরিনে বেড়ান্ তারার্ পত্তিজনর্ দুঘ্-দুদ্দশা অবঅ-পত্তমে যিহূদীগুনোর্, সে পরেদি অযিহূদীগুনোর।

গালাতীয় 3:1

ও অবুঝ্ গালাতীয়গুন! কন্না তমারে যাদু গোজ্জ্যে? তমা ইধু দঅ গমেদালে প্রচার গরা ওইয়্যেদে যে, যীশু খ্রীষ্টরে ক্রুশোত্ দিয়্যে ওইয়্যে।

গালাতীয় 5:7

তুমি দঅ ভারী গমেডালে চোল্ল্য; মাত্তর্ সত্যর্ বাধ্য অদে কন্না তমারে মানা গুরিলো?

গালাতীয় 6:10

জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।

ইব্রীয় 2:2

স্বর্গদূত্‌তুনোরে দিইনে যে কধানি কুয়ো ওইয়্যে সিয়েনির দঅ কনঅ লড়্‌চড় ন-অয়; সিয়েনি বাদে যে কেঅ গোজেনর্ উগুম অমান্য গোজ্জ্যে আর তা কধানি শুনিবাত্যে ন-চায় তে তার্ উজিত সাজা পেয়্যে।

ইব্রীয় 2:4

সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।