১ পিতর 4:1 - Chakma Bible

¹ সেনত্যে খ্রীষ্ট কিয়্যেদি দুঘ্ সোজ্জ্য গোজ্জ্যে বিলিনে তুমিয়ো নিজো মনভিদিরে সেই একই মনভাব গরঅ, কিয়া কিয়্যেদি যে দুঘ্ ভোগ্ গোজ্জ্যে তে পাপর্ অভ্যেচ্চান ছাড়ি দিয়্যে।

১ পিতর 4:1 Iomraidhean Croise

যিশাইয় 1:16

তুমি নিজোরে খাটি গরঅ, সিজি অ। মঅ চোগো মুজুঙোত্তুন্ তমার্ বেক্ ভান্ন্যেই কামানি দূর্ গুরি দুয়ো; সিয়েনি আর ন-গোজ্য।

যিহিষ্কেল 16:41

তারা তর্ ঘরানি পুড়ি ফেলেবাক্ আর ভালোক্কুন্ মিলের্ চোগো মুজুঙোত্ তরে সাজা দিবাক্। এবাবোত্যেগুরি তর্ বেশ্যেগিরি বন্ধ গুরি দিম; তর্ লাঙেগুনোরে তুই আর টেঙা-পোইজ্যে ন-দিবে।

মার্ক 3:3

যীশু সেই শুগুনো-আঢ্‌‌বলা মানুচ্চোরে কলঅ, “বেক্কুনো মুজুঙোত্ এইনে থিয়্যে।”

রোমীয় 6:11

ঠিগ্ সেবাবোত্যেগুরি এ কধাগান উগুরে নির্ভর গরঅ যে, খ্রীষ্ট যীশু সমারে মিজেয়ো বিলি পাপর্ দাবী-দাওয়া ইধু তুমি মোজ্জ্য, আর ইক্কিনে গোজেনত্তে তুমিয়ো বাঁজি আঘঅ।

রোমীয় 6:2

খামাক্কায় নয়। পাপর্ দাবী দাওয়া ইধু দঅ আমি মোজ্জ্যেই; সালে কেধোক্ক্যেন গুরি আমি আর পাপর্ পধেদি চলিবং?

রোমীয় 6:7

কিয়া যে মোজ্যে তে পাপ আঢত্তুন্ ছড়ান্ পেয়্যে।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

গালাতীয় 5:24

যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।

ইফিষীয় 6:13

সেনত্যে তুমি যুদ্ধোত্যে গোজেনর্ দিয়্যে বেক্ সাজ-পোজাগ্‌কানি পিনো, যেন শদানে যেদিন্যে আক্রমণ গুরিবো সেদিন্যে তুমি তারে থেগেই পারঅ আর বেক্কানি থুম্ গুরিনে থির্ ওইনে থিয়্যেই থেই পারঅ।

দ্বি’লম্বর বিররণ 27:10

তুমি তার বাধ্য ওইনে চলিবা। এচ্চ্যে মুই যেদক্কানি উগুম আর সুদোম তমারে দুয়োঙর্‌ সিয়েনি তুমি পালেবা।”

ফিলিপীয় 2:5

খ্রীষ্ট যীশুর্ যে মনভাব্ এলঅ সিয়েন যেন তমা মনত্‌অ থায়।

ইব্রীয় 12:3

যিবে পাপীগুনোর্ এত্তমান কুজুরোমি সোজ্জ্য গুরিলো তুমি তা পৌইদ্যেনে চিন্তে গরঅ, যেন তমার্ মনানি মন্‌মরা আর আজানেইয়্যে ন-অয়।

ইব্রীয় 4:10

কিয়া গোজেনে যেধোক্ক্যেন গুরি তার্ সৃট্টির কামানি থুম্ গুরিনে জিরেয়্যে ঠিগ্ সেধোক্ক্যেন গুরি যে মানুচ্চো গোজেনর দিয়্যে জিরেবার জাগানত্ যায়, তেয়ো তা কামত্তুন্ জিরেন পায়।

১ পিতর 2:21

ইয়েনত্যে গোজেনে তমারে ডাক্ক্যে, কিয়া খ্রীষ্ট তমাত্যে দুঘ্ ভুগিনে তমা ইধু আলাম্ থোই যেয়্যে, যেন তুমিয়ো তা ধোক্ক্যেন চলঅ,

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।