১ পিতর 3:9 - Chakma Bible

⁹ অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।

১ পিতর 3:9 Iomraidhean Croise

পত্থম 42:25

পরেদি যোষেফে উগুম্‌ দিলো যেন তারা বস্তাগুন্‌ শোজ্যলোই ভোরেই দিয়্যে অয় আর বেক্কুনোরে টেঙা ফেরত্‌ দিয়্যে অয়। ইয়েনবাদে যেবার্‌ পদথ্‌ তারার যিয়েনি দরকার্‌ সিয়েনি দিবার উগুমঅ তে দিলো। যোষেফ উগুম মজিম তারাত্তে বেক্কানি গরা অলঅ।

গম্ উপদেজ্ 17:13

যে মানুচ্চো উপকারর বদলে অপকার গরে, অপকারানে কনদিন্‌অ তা ঘরান ন-ছাড়িবো।

গম্ উপদেজ্ 20:22

তুই ন-কোজ্, “এ অন্যেয়ানর হেনা শুজিম্।” লগেপ্রভুত্তে বাজ্জেই থাগ্, তে সেই দজানত্তুন্ তরে রোক্ষ্যে গুরিবো।

গম্ উপদেজ্ 28:10

গম্ মানুচ্চুনোরে যে ভান্ন্যেই পধেদি নেযায় তে তার নিজো গাদ্‌‌তোত্ পুরিবো, মাত্তর্ যিগুনে নিদ্দুযি তারার মংগল্ অবঅ।

মথি লেখ্যে গম্ হবর্ 19:29

আর যে কেঅ মত্তে ঘর-বাড়ি, ভেই-বোন, মা-বাপ, পুয়ো-ঝি বা জাগা-জোবিন্ ছাড়ি দুয়োন্, তে সিয়েনির একশতগুন্ বেশ্ পেবঅ আর উমর জিংকানিয়ো দিয়্যে অবঅ।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 5:39

মাত্তর্ মুই তমারে কঙর্, তমা সমারে যে কনজনে ভান্ন্যেই বেবহার গরে তা বিরুদ্ধে কিচ্চু ন-গোজ্য; বরং যে কনজনে তঅ ডেন্ গালত্ চুয়োড়্ মারে তারে বাঙ্‌অ গালানত্অ চুয়োড়্ মারিবাত্তে দিস্।

মথি লেখ্যে গম্ হবর্ 5:44

মাত্তর্ মুই তমারে কঙর্, তমা শত্রুগুনোরেয়ো কোচ্‌পেয়ো। যিগুনে তমারে অত্যেচার্ গরন্ তারাত্তে তবনা গোজ্য,

মার্ক 10:17

যীশু পধেদি আরঅ যেক্কে যাহ্ ধুরিলো সেক্কে এক্কো মানুচ্ দাবা দাবা তাইধু এলঅ আর তা মুজুঙোত্ আঢু পাড়িনে পুযোর্ গুরিলো, “ও মাষ্টরবাবু, উমর জিংকানি পেবাত্তে মুই কি গুরিম্?”

লূকে লেখ্যে গম্ হবর্ 10:25

এক্কো ধর্ম-মাষ্টরে যীশুরে যগা চেবাত্তে তাইধু এলঅ। তে কলঅ, “মাষ্টরবাবু, কেধোক্ক্যেন গুরিনে মুই উমর জিংকানি পেম্?”

লূকে লেখ্যে গম্ হবর্ 18:18

এক্কো যিহূদী নেতা যীশুরে পুযোর্ গুরিলো, “ গম্ মাষ্টরবাবু, উমর জিংকানি পেবাত্তে মুই কি গুরিম্?”

রোমীয় 12:14

যিগুনে তমারে অত্যেচার্ গরন্ তারার্ অমংগল ন-চেইয়ো বরং মংগল চেইয়ো।

রোমীয় 12:17

ভান্ন্যেয়র্ বদলে কাররে ভান্ন্যেই ন-গোজ্জ্য। বেক্‌ মানুচ্চুনোর চোগোত্ যিয়েন্ গম্ সে পৌইদ্যেনে মনযোগ্ দুয়ো।

রোমীয় 8:28

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

রোমীয় 8:30

যিগুনোরে তে আগেত্তুন্ ধুরি ঠিগ্ গুরি রাগেয়্যে তারারে তে ডাগিলো; যিগুনোরে ডাগিলো তারারে তে নিদ্দুজি বিলি মানিয়ো ললঅ; যিগুনোরে নিদ্দুজি বিলি মানি ললঅ তারারে তে নিজোর্ মহিমায়ো দান গুরিলো।

গালাতীয় 3:14

গোজেনে অব্রাহামরে যে বর্ দিয়্যে সেই বরান্ খ্রীষ্ট যীশুর্ মাধ্যমে যেন অযিহূদীগুনেয়ো পেই পারন্, আর যেন আমি বিশ্বেজর্ মাধ্যমে এগেম্-গোজ্জ্যে পবিত্র আত্মারে পেই পারিই, সেনত্যে খ্রীষ্ট সেই অভিশাব্‌পান নিজো উগুরে নেযেয়্যে।

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।

১ থিষলনীকীয় 5:15

চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

ইব্রীয় 12:17

তুমি কোই পারঅ, যেরেদি যুনিয়ো তে কানি কানি বর্ ভিক্ষ্যে চেইয়্যে তো তারে এলাফেলা গরা ওইয়্যে, কিয়া মনান্ ফিরেবার জু সেক্কে আর তার্ ন-এলঅ।

ইব্রীয় 6:14

তে ইয়েন কোইনে এগেম্ গোজ্জ্যে, “মুই ঘেচ্চ্যেকগুরি তরে বর্ দিম আর তর্ গুট্টিবো বাড়েম্।”

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

১ শমূয়েল 26:11

মাত্তর্‌ লগেপ্রভুর অভিষেগ্ গোজ্যে মান্‌জ্য উগুরে আঢ্ তুলিবাত্তে লগেপ্রভু কনদিন্‌অ মরে অনুমতি ন-দিবো। আদঅ, ইক্কিনে আমি তার মাদাবো কায়-কুরেত্তুন্‌ সেল্‌লো আর পানির পিলেবো তুলি নেযেইনে ফিরি যেই।”