১ পিতর 3:3 - Chakma Bible

³ নানান্ বাবোত্যে চুল্ সুদো, গয়নাগাটি বা দোল্ দোল্ কাবড় এবাবোত্যে বারেদি সাজ্-পোজাক্কোই নিজোরে সাজেবাত্যে কামত্ ন-রাগেয়ো,

১ পিতর 3:3 Iomraidhean Croise

পত্থম 24:22

উট্‌তুনোরে পানি হাবানা থুম্‌ গরানার্‌ পরেদি তে প্রায় ছয় গ্রাম গুয়োর্ এক্কো সোনার্‌ নাক্‌ফুল আর দ্বিয়েন আদত্তে একশঅ কুড়ি গ্রাম গুয়োর্‌ দ্বিয়েন সোনার্‌ হারু নিগিলেনে রিবিকারে দিইনে কলঅ,

পত্থম 24:47

সে পরেদি মুই তারে পুযোর্‌ গুরিলুং, তুই কার্ ঝি? তে কলঅ, মুই নাহোর আর মিল্‌কার পুয়ো বথূয়েল ঝি। “এ কধাগান শুনিনে মুই তা নাগত্‌ নাক্‌ফুল আর দ্বি আদত্‌ হারু পিনেই দিলুং।

পত্থম 24:53

সে পরেদি তে সোনা আর রুবোর্‌ অলংকার আর কাবড়-চুগোড় নিগিলেনে রিবিকারে দিলো, আর রিবিকার ভেই আহ্‌ মাবোরেয়ো বোউত্‌ মংগা মংগা পযাপিরা দিলো।

২ রাজাবলী 9:30

ইয়েনর্ পরেন্দি যেহূ যিষ্রিয়েলত্‌ গেলঅ। ঈষেবলে সে কধাগান শুনিনে চোগোত্‌ কাজল্‌ দিইনে আর দোল্‌ গুরি চুল বানিনে জান্দালান্দি চেলঅ।

ইষ্টের 5:1

ইষ্টেরে তিন দিনোর্ দিন্নোত্‌ রাণীর পোজাক্‌ উরিনে রাজার ঘর মুজুঙোত্‌ রাজঘর ভিদিরে দরবারত্‌ যেইনে থিয়্যেল। রাজা দোরান ইন্দি মু গুরিনে সে ঘর ভিদিরে সিংহাসনত্‌ বুয়োই এলঅ।

গীতসংহিতা 45:9

তর্ সর্মানিত মিলেগুনো ভিদিরে রাজার্ ঝিগুনে আগন, আর রাজার-বৌগুনে ওফীর দেজর সনালোই সাজিনে তর্ ডেনেন্দি আগন্।

যাত্রা 3:22

পত্তি ইব্রীয় মিলে তারা পাড়াল্যেগুন্ আর নিজো ঘরত্‌ আগন্‌ এবাবোত্যে বেক্‌ মিসরীয় মিলেগুনোত্তুন্‌ সোনা আর রূবোর জিনিস আর কাবড়-চুগোর চেইনে নেযেবা। সে পরেদি সিয়েনিলোই তুমি তমার্‌ ঝি-পূয়োগুনোরে সাজেবা। এবাবোত্যেগুরি মিসরীয়গুনোর্‌ জিনিসছানি ইস্রায়েলীয়গুনে গজক্ গুরি নিবা।”

যাত্রা 32:2

জোবত্‌ হারোণে তারারে কলঅ‌, “তমার মোক্কুনোর আর পূঅ-ঝিগুনোর্‌ কানর্‌ সনার্‌ কান্‌ফুলানি খুলি আনিনে মরে দুয়ো।”

যাত্রা 33:4

এই দজাগানর্ কধা শুনিনে মানুচ্চুনে কানা-কুদি গরা ধুরিলাক্। তারা কনজনে আর কনঅ‌ সনা-রূবো ন-পিনিলাক্,

যাত্রা 35:22

মরদ আর মিলেগুনো ভিদিরে যিগুনোর্‌ মনত্ আওজ্ অলঅ তারা নানা বাবোত্যে সনার গহনায়ো আনিলাক্। সিয়েনি ভিদিরে এলঅ‌ কাবড় আক্‌সো রাগেবার পিন্‌, কান্‌ ফুল, আংদি আর অন্য বাবোত্যে গহনা। লগেপ্রভুর্‌ নাঙে দোলন-উৎসর্বত্তেই তারা এদক্কানি দিলাক্।

যাত্রা 38:8

পিদোল্লোই এক্কো গাবালা বানা অলঅ‌। যিদুক্কুন্‌ মিলে সেবা-কামত্তেই মিলন-তাম্বুলর্‌ দোরান ইদু এদাক্‌ তারার্‌ পিদোলর্‌ আনালোই সেই গাবালাবো আর তার্‌ আসনান্‌ বানা অলঅ।

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিরমিয় 2:32

কনঅ মিলে কি তার অষ্‌‍‍ট অলংকার পৌইদ্যেনে ভুলি যেই পারে? কনঅ নূয়ো বৌ কি তার মেলার সনা-রুবো পৌইদ্যেনে ভুলি যেই পারে? মাত্তর্ মঅ মানুচ্চুনে ভালোক্ দিন ধুরিনে মরে ভুলি রোইয়োন।

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

যিহিষ্কেল 23:40

ইয়েনিবাদে অহলা আর অহলীবা দূর দেজত্তুন্ মানুচ্চুনোরে আনিবাত্তে মানুচ্ পাদেল। সেই মানুচ্চুনে আজলে পর্ তারা নিজোত্তে গাদিলাক্, চোগোত্ কাজল্ গুলিলাক্ আর গয়না পিনিনে নিজোরে সাজেলাক্।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

১ পিতর 3:2

কিত্যে তারা নিজেই তমার পবিত্র জিংকানিগানি আর গোজেন উগুরে ভোক্তিগানি দেগিবাক্।