১ পিতর 3:21 - Chakma Bible

²¹ ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।

১ পিতর 3:21 Iomraidhean Croise

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

যোহন 13:9

সেক্কে শিমোন-পিতরে কলঅ, “প্রভু, সালে বানা মঅ টেঙানি নয়, মঅ আঢ্‌তানি আর মাঢাবোয়ো ধোই দে।”

প্রেরিত্‌ 16:33

জেল-চুগিদার্‌বো সেই রেদোত্ পৌল আর সীলরে নেযেইনে তারার্ কিয়্যেগানির্ কাবা জাগানি ধোই দিলো, তে আর তার্ পরিবারর্ অন্য বেক্কুনে সেক্কে বাপ্তিষ্ম ললাক্।

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 22:16

ইক্কিনে তুই কিত্ত্যে দেরি গরর্? উদিনে বাপ্তিষ্ম লঅ আর পাপত্তুন্ উদ্ধোর্ পেবাত্যে যীশুরে ডাগিনে তর্ বেক্ পাপ্‌পানি সাব্ গুরি ফেলা।

প্রেরিত্‌ 8:36

পধেদি যাদে যাদে তারা এমন্‌ এক্কান জাগাত্ এলাক্ যিয়েনত্ পানি এলঅ। সেক্কে সেই চাগর্‌বো কলঅ, “এইয়্যে চঅ, ইয়েনত্ পানি আঘে; মর্ বাপ্তিষ্ম লবার্ মানা আঘে নাহি?”

রোমীয় 5:14

তো আদম সময়ত্তুন্ ধুরি আরাম্ভ গুরিনে মোশি সময় সং বেক্কুনো উগুরে মরণানে রাজাগিরি গোজ্জ্যে। এমন্‌ কি, গোজেনর্ উগুম অমান্য গুরিনে যিগুনে আদম ধোক্ক্যেন্ পাপ ন-গরন্ তারা উগুরেয়ো মরণানে রাজাগিরি গোজ্জ্যে।

১ করিন্হীয় 12:13

আমি যিহূদী কি অযিহূদী, চাগর্ কি স্বাধীন, বেক্কুনোর্ একই পবিত্র আত্মালোই একই কিয়্যে ভিদিরে বাপ্তিস্ম ওইয়্যে। আমি বেক্কুনে সেই একই পবিত্র আত্মাগানরে পেইয়্যেই।

১ করিন্হীয় 4:6

ভেইলগ্, তমা উপকারত্যে মুই মর্ নিজোর আর আপল্লোর্ উদাহরণ দিইনে এ বেক্‌ কধানি কলুং, যেন তুমি আমাত্তুন্ শিগি পার যে, পবিত্র বোইবোত্ যিয়েন লেগা আঘে সিয়েনর্ বারেদি যানা উচিত্ নয়। সালে তুমি একজনরে ফেলেইনে আর একজনরে নিইনে বাড়্ ন-গুরিবা।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

গালাতীয় 3:27

কিয়া তমাত্তুন্ যিগুনোর্ খ্রীষ্টর্ মাধ্যমে বাপ্তিস্ম ওইয়্যে, তুমি কাবড় ধোক্ক্যেন গুরি খ্রীষ্টরে দিইনে নিজোরে ঢাঘি ফেল্ল্য।

ইফিষীয় 5:26

খ্রীষ্টর্ উদ্দেচ্চ্য অলঅ যেন তে মন্ডলীরে পবিত্র গুরিবাত্যে তার্ কধার মাধ্যমে পানিত্ ধোইনে মহিমালোই ভরা অবস্থায় নিজো মুজুঙোত্ আঝির্ গুরি পারে। সেলক্কে মন্ডলী ভিদিরে কনঅ কলংকর দাগ্, থুদো বা সেবাবোত্যে কনঅ কিজু ন-থেবঅ, বরং সিয়েন পবিত্র আর থুদোনেইয়্যে অবঅ।

কলসীয় 2:12

বাপ্তিস্মর্ মাধ্যমে খ্রীষ্টর্ লগে তমার কবর্ ওইয়্যে; বানা সিয়েন নয়, যিবে মরণত্তুন্ খ্রীষ্টরে জেদা গুরি তুল্ল্যে সেই গোজেনর্ খেমতা উগুরে বিশ্বেজর্ মাধ্যমে তমারে খ্রীষ্টর্ লগে জেদা গুরি তুলো ওইয়্যে।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

১ তীমথিয় 6:12

খ্রীষ্ট উগুরে বিশ্বেজত্যে তার্ পক্ষে মনে-পরাণে যুদ্ধো চালেই যাহ্। যে উমর্‌অ জিংকানিত্যে গোজেনে তরে ডাক্ক্যে সেই উমর্‌অ জিংকানিগান ধুরি রাগা। তুই বোউত্ মান্‌জ্য মুজুঙোত্ তর বিশ্বেজর্ সাক্ষ্য দুয়োচ্।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 11:19

অব্রাহামে তারে উৎসর্ব গুরিবাত্যে রাজী অলঅ, কিয়া তে বিশ্বেজ্ গুরিদো গোজেনে মরা মান্‌‍জ্যরে জেদা গুরি পারে। আর কধে কি, অব্রাহামে দঅ মরণ দুয়োরত্তুন্ ইস্‌হাকরে ফিরি পেইয়্যে।

ইব্রীয় 13:18

আমাত্যে তবনা গোজ্জ্য। বেক্কানি পৌইদ্যেনে আমি গমেডালে চলিবাত্যে চেই বিলিনে আমি কোই পারিই, আমা বিবেগ্‌‌কানি সাব্।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

১ পিতর 3:16

তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।