১ পিতর 3:16 - Chakma Bible

¹⁶ তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।

১ পিতর 3:16 Iomraidhean Croise

দানিয়েল 6:4

সেনত্যে সেই রাজ-পরিচালক্‌কুনে আর সেই শাজন্‌গুরিয়্যেগুনে সরকার কাম পৌইদ্যেনে দানিয়েলর দুষ ধুরিবার চেট্ট্যা গরা ধুরিলাক, মাত্তর্ ন-পারিলাক্। সে ভিদিরে তারা কনঅ দুষ তোগেই ন-পেলাক্, কিত্যে তে বিশ্বেজি এলঅ, কনঅ দুষ বা অবহেলা তা ভিদিরে ন-এলঅ।

মথি লেখ্যে গম্ হবর্ 5:11

তুমি বর্‌পেইয়্যে, যেক্কে মান্‌‌জ্যে মত্তে তমারে অগমান্ গরন্ আর অত্যেচার্ গরন্ আর মিজে গুরিনে তমা নাঙে নানান্ বাবোত্যে ভান্ন্যেই কধা কন্।

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

প্রেরিত্‌ 28:22

মাত্তর্ আমি তঅ কধানি শুনিবাত্তে চেই, কারন আমি হবর্ পেই বেক্ জাগানিত্ মানুচ্চুনে সেই দলর্ বিরুদ্ধে কধা কন্।”

রোমীয় 9:1

খ্রীষ্ট সমারে মিজেইনে মুই কঙত্তে, মনত্ দুঘে বুগ্ ভাঙের্ আর চিদোত্ পুদের্, আর এ কধাগান সত্য, মিজে নয়। মঅ বিবেগ্‌কান্অ পবিত্র আত্মা সমারে মিজেইনে সেই একই সাক্ষ্য দের্।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

১ তীমথিয় 1:19

আর সে লগে বিশ্বেজ্ আর সাব্ বিবেক রোক্ষ্যে গর্। কুদুক্কুন মান্‌জ্যে বিবেগর্ কধানি ন-শুনিনে তারার্ বিশ্বেজত্ যাগুলুগ্ গুরি দুয়োন।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

২ তীমথিয় 1:3

মর্ পূরোণি মানুচ্চুনে যেবাবোত্যে গুরি গোজেনর্ সেবা গুরিদাক্ সেবাবোত্যে গুরি মুইয়ো গমেডালে গোজেনরে সেবা গুরি থাং; আর তত্যে দিনরেত্ আমিঝে তবনা গুরিবার্ অক্তত্ মুই তারে ভালেদি জানেই থাং।

তীত 2:8

কেঅ যেনে তঅ দুষ্‌চান ধুরি ন-পারন্ সেবাবোত্যে সত্য শিক্ষ্যে দিস্, যেন তমার বিপক্ষ মানুচ্চুনে লাজান্, কিয়া আমা পৌইদ্যেনে ভান্ন্যেই কধা কবার্ দঅ কিচ্চু ন-থেবঅ।

ইব্রীয় 13:18

আমাত্যে তবনা গোজ্জ্য। বেক্কানি পৌইদ্যেনে আমি গমেডালে চলিবাত্যে চেই বিলিনে আমি কোই পারিই, আমা বিবেগ্‌‌কানি সাব্।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

১ পিতর 2:12

কারন সিয়েনিয়ে তমার আত্মার বিরুদ্ধে যুদ্ধো গরে। গোজেনরে যিগুনে ন-জানন্ তারা ভিদিরে তুমি গমেডালে চলঅ যেনে অন্যেয়গুরিয়্যে বিলিনে তারা তমারে নিন্দে গুরিলেয়ো তমা গম কামানি খিয়েল্ গরন্ আর বিচেরর্ দিনোত্ তমার্ সেই কামানিত্যে গোজেনরে বাঈনী গরন্।

১ পিতর 2:15

গোজেনর্ আওজ্‌ ইয়েন, তুমি যেন গম কাম গুরিনে অঘা মানুচ্চুনোর বুদ্ধি-নেইয়্যে কধাবাত্তা বন্ধ গুরি দুয়ো।

১ পিতর 2:19

যুনি কেঅ অন্যেয় গুরিনে দুঘোত্ ভুগোন্ আর গোজেনরে মনত্ থোইনে সিয়েন সোজ্জ্য গরে সালে তে গোজেনর্ চোগোদি নাঙ্ গিনে হেবার যগাজ্জ্যে।

১ পিতর 3:21

ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।

১ পিতর 4:4

মাত্তর্ ইক্কিনে সেই মানুচ্চুনে দেগিনে আমক্ অন্ যে, তুমি তারার্ সেই জঘন্য কজবরলত্ আর ন-মিযোর্, আর সেনত্যে তারা তমা বিরুদ্ধে নিন্দের্ কধা কন্।