১ পিতর 3:15 - Chakma Bible

¹⁵ বরং খ্রীষ্টরে তমা মন ভিদিরে প্রভু ইজেবে জাগা দুয়ো। তমার্ আজা-ভরসা পৌইদ্যেনে যুনি কেঅ পুযোর্ গরন্ সালে তারে জোব্ দিবাত্যে নিত্য যুক্কোল্ থেয়ো, মাত্তর্ ইয়েনর্ জোব্‌পান্ চিদে আর ভোক্তি গুরিনে দুয়ো।

১ পিতর 3:15 Iomraidhean Croise

গীতসংহিতা 119:46

তুই যেদক্কানি কধা কোইয়োচ্ সিয়েনি মুই রাজাগুনো মুজুঙোত্ কোম; মুই ন-লাজেম্।

গম্ উপদেজ্ 15:28

গোজেন ভক্ত মান্‌জ্যর মনানিয়ে চিন্তে গুরিনে জোব্ দে, মাত্তর্ পাজিগুনোর মুয়োনিত্তুন্ ভান্ন্যেই কধানি নিগিলি এজে।

গম্ উপদেজ্ 22:21

মুই কি তরে সত্য আর বিশ্বেজ্ গরেদে কধা শিক্ষ্যে ন-দুয়োং, যেনে তুই তারা ইদু সিয়েনি দি পারচ্ যিগুনে তরে পাদেয়োন?

যিশাইয় 1:18

লগেপ্রভু আরঅ কোইয়্যেদে, “ইক্কিনে এজঅ, আমি বুঝোপাড়া গুরিই। যুনিয়ো তমার্ বেক্ পাপ্পানি দোক্ দোক্ক্যে রাঙা ওইয়্যে তো সিয়েনি বরফ ধোক্ক্যেন ধুব্ অবঅ; যুনিয়ো সিয়েনি রাঙা রঙর্ ওইয়্যে তো সিয়েনি ভেড়া কেশ ধোক্ক্যেন্ ধুব্ অবঅ।

যিশাইয় 29:23

যেক্কে তারা তারা ভিদিরে মঅ আঢ কামানি, অত্তাৎ তারার্ ঝি-পুয়োগুনোরে দেগিবাক্ সেক্কে তারা মরে পবিত্র বিলিনে মানিবাক্। যাকোবর্ সেই পবিত্র মানুচ্চোরে তারা পবিত্র বিলি স্বিগের্ গুরিবাক্ আর ইস্রায়েলর্ গোজেনরে ভোক্তিগুরিনে দোরেবাক্।

যিশাইয় 41:21

লগেপ্রভু, অত্তাৎ যাকোবর্ রাজা কোইয়্যেদে, দেবেদাগুন্, তুমি এবেরা তমা তপ্পেন্দি কধা কঅ। তমার বেক্ যুক্তিগানি দেগঅ।

যিশাইয় 5:16

মাত্তর্ বেগত্তুন্ খেমতাবলা লগেপ্রভু দোল্ বিচের গুরিনে দাঙর্ থেবঅ; পবিত্র গোজেনে তা গমানত্তে পবিত্র বিলিনে ফগদাং অবঅ।

যিশাইয় 8:12

“এ মানুচ্চুনে যিয়েনিরে কুজুরোমি কন্ তুমি সিয়েনির কনগানরে কুজুরোমি ন-কোয়ো। তারা যিয়েন দরান্ তুমি সিয়েন ন-দোরেয়ো; সিয়েন দর্‌গরেপারা বিলিনে মনে ন-গোজ্য।‍

গণাণা 20:12

মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

গণাণা 27:14

ইয়েনর্‌ কারনান্‌ অলঅ, সীন ধূল্যেচর-চাগালাত্‌ ইস্রায়েলীয়গুনে যেক্কে পানিত্যে উল্লোমী গোজ্যন্‌ সেক্কে ইস্রায়েলীয়গুনো মুজুঙোত্‌ মরে সুদ্ধো-সাংগ বিলি মান্য গুরিবার্‌ উগুমান্‌ তুমি অমান্য গোজ্য।” ইয়েন্‌ সীন ধূল্যেচর-চাগালাত্‌ কাদেজর্‌ মরীবার পানিগানর কধা।

প্রেরিত্‌ 21:39

সেক্কে পৌলে জোব্ দিলো, “মুই যিহূদী, কিলিকিয়া রেজ্যর্ তার্ষ শঅরর্ মানুচ্। মুই যে সেই শঅরর্ মানুচ্ নয়। দোয়্যে গুরিনে মরে মানুচ্চুনো ইধু কধা কবাত্তে দে।”

প্রেরিত্‌ 24:25

যেক্কে পৌলে গমেডালে চলানা, নিজোরে দমন্ রাগানা আর আগাম্ বিচের পৌইদ্যেনে কলঅ, সেক্কে ফীলিক্সে দোরেইনে কলঅ, “তুই ইক্কে যাহ্; সময়-সুযোগ্ মজিম মুই তরে ডাগিম্।”

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

কলসীয় 1:5

স্বর্গত্ তমাত্যে যিয়েনি থুবেয়্যে আঘে সিয়েনি পেবার আজা তমা ইধু এ বিশ্বেজ্ আর কোচ্‌পানাগান জোর্মেয়্যে। যে গম্ হবরান, অত্তাৎ সত্যর্ কধাগান তমা ইধু লুম্মেগি সিয়েনি ভিদিরে তুমি এ আজাগানর্ কধা শুন্ন্য।

কলসীয় 4:6

তমার্ কধাবাত্তানি নিত্য মধু আর নুন্-দিয়্যে হানা ধোক্ক্যেন যগাজ্জ্যে ওক্, যেন কারে কেধোক্ক্যেন গুরি জোব্ দিবা সিয়েন তুমি বুঝি পারঅ।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

ইব্রীয় 6:1

ইয়েনত্যে খ্রীষ্ট পৌইদ্যেনে পত্তমে যে শিক্ষ্যেগান পেইয়্যেই, এজঅ সিয়েন ফেলেইনে আমি পরিপূরোণ ইন্দি উজেই যেই। ন-ফলেদে কামত্তুন্ মন ফিরেনা, গোজেন উগুরে বিশ্বেজ্,

১ পিতর 1:17

বাবা গোজেনে পত্তি মান্‌জ্যর কাম ধগে তার্ বিচের্ গরে, কারঅ মুয়োদি চেইনে সিয়েন ন-গরে। ইয়েনত্যে যুনি তারে তুমি বাবা বিলিনে ডাগঅ সালে এ পিত্‌থিমীত্ যেদকদিন বিদেশী ইজেবে আঘঅ সেদকদিন তা উগুরে ভোক্তিবলা দরে তমা জিংকানিগানি কাদঅ।

১ পিতর 3:2

কিত্যে তারা নিজেই তমার পবিত্র জিংকানিগানি আর গোজেন উগুরে ভোক্তিগানি দেগিবাক্।

১ পিতর 3:4

বরং যিবের্ দোল্ জিনিচ্‌সান ভস্ত ওই ন-যেবঅ সে নরম আর শান্ত- খাচ্চ্যদ্‌তোই তমা মনানিরে সাজঅ। গোজেনর্ চোগেদি সিয়েনই বেশ্ দামী।

১ শমূয়েল 12:7

সালে এবেরা তুমি যুক্কোল্ অ। লগেপ্রভু তমার আর তমার পুরোণি মানুচ্চুনোত্তে যেদক্কানি অন্যেয় কাম্‌ গোজ্যন্‌ মুই সেই বেক্কানি লগেপ্রভুর মুজুঙোত্‌ তমার দুষছানি দেগেই দিম।