১ পিতর 3:1 - Chakma Bible

¹ সেবাবোত্যে তুমি যিগুনে মোক্, তুমি পত্তিজনে নেগর্ অধীনতা মানি লঅ, যেন তারা ভিদিরে কেঅ কেঅ গোজেনর্ কধানি বিশ্বেজ্ ন-গুরিলেয়ো তমা চালচলন্ খ্রীষ্ট ইন্দি তারারে টানে। ইয়েনত্ তমার এক্কান কধায়ো কুয়ো ন-পড়িবো,

১ পিতর 3:1 Iomraidhean Croise

পত্থম 3:16

সে পরেদি তে সে মিলেবোরে কলঅ, “মুই তরে পুয়ো অবার অক্তত্‌ তঅ শুলোনি অমকদ বাড়েই দিম্‌। তুই দুঘোত্ পুয়ো পুদেবে। নেগত্যে তর্‌ অমকদ আওজ্‌ অবঅ, আরঅ তে তঅ উগুরে সদ্দারী গুরিবো।”

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

গম্ উপদেজ্ 18:19

ভেইলোই অগমান্ ওইয়্যে ভেই দরমর শঅরত্তুন্ বেশ্ দর; আর কোল্-কোজ্যে রাজঘর গেদোর দরমর লাগাড়াবো ধোক্ক্যেন্।

মথি লেখ্যে গম্ হবর্ 18:15

তঅ ভেইবো যুনি তঅ বিরুদ্ধে অন্যেয় গরে সালে তাইধু যেইনে যেক্কে আর্ কনজন ন-থেবাক্ সেক্কে তা দুষ্‌চান দেগেই দে। যুনি তে তঅ কধানি শুনে সালে তুই দঅ তঅ ভেইবোরে ফিরি পেলে।

রোমীয় 10:16

মাত্তর্ বেক্কুনে সেই গম্ হবরত্ কান্ ন-পাদন্। ভাববাদী যিশাইয় কোইয়্যে, “প্রভু, আমার দিয়্যে গম্ হবরান্ কন্না বিশ্বেজ্ গোজ্জ্যে?”

রোমীয় 6:17

মাত্তর্ গোজেনর্ ভালেদি ওক্‌, কিয়া যুনিয়ো তুমি পাপর্ চাগর্ এলা তো যে শিক্ষ্যেগান্ তমারে দিয়্যে ওইয়্যে বেক্ মনান্দোই তুমি তার্ বাধ্য ওইয়ো।

রোমীয় 7:2

যেদক্ দিন নেক্কো বাঁজি থায় সেদক্ দিন সং মোক্কো রীদি-সুদোমদোই তা সমারে বান্যে থায়। মাত্তর্ নেক্কো মরানার্ পরেদি সেই আইনোর্ বান্যেগানত্তুন্ মোক্কো উদ্ধোর্ অয়।

১ করিন্হীয় 11:3

মুই চাং যেন তুমি বুঝি পারঅ যে, খ্রীষ্ট পত্তি মরদ্ পুয়োর্ মাঢাবো ধোক্ক্যেন্, নেগ্‌কো তা মোগ্‌কোর্ মাঢাবো ধোক্ক্যেন্, আর গোজেনে খ্রীষ্টর্ মাঢাবো ধোক্ক্যেন।

১ করিন্হীয় 14:34

সেবাবোত্যেগুরি মিলেগুনে মন্ডলীত্ অলর্ গুরি থাদোক্, কিয়া কধা কবার্ অনুমতি তারারে দিয়্যে ন-অয়। মোশির আইন-কানুন্ যেধোক্ক্যেন কয় সেধোক্ক্যেন তারা বরং বাধ্য ওইনে থাদোক্।

১ করিন্হীয় 7:16

মিলেবো, তুই কেধোক্ক্যেন গুরি কোই পারচ্ যে, তঅ নেক্কোরে তুই উদ্ধোর্ গুরি ন-পারিবে? মরত্তো, তুই কেধোক্ক্যেন গুরি কোই পারচ্ যে, তঅ মোক্কোরে তুই উদ্ধোর্ গুরি ন-পারিবে?

ইফিষীয় 5:33

মাত্তর্ যাক সেই বেক কধানি। তুমি পত্তিজনে নিজো মোগরে নিজো ধোক্ক্যেন কোচ্‌পেইয়ো; আর মোগর্-অ উচিত যেন তে নিজো নেগরে সর্মান গরে।

কলসীয় 3:18

তুমি যিগুনে মোগ্, তুমি পত্তিজনে নেগর্ তলেদি থানাগান মানি লঅ, কিয়া প্রভুর মানুচ্‌ ইজেবে ইয়েনই উচিত।

কলসীয় 4:5

যিগুনে গোজেনর্ মানুচ্‌ নয় সিগুনো সমারে বুদ্ধি খাদেইনে চোল্ল্য আর খ্রীষ্ট পৌইদ্যেনে সাক্ষি দিবার পত্তি সুযোগ্ কামত্ লাগেইয়ো।

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ পিতর 3:2

কিত্যে তারা নিজেই তমার পবিত্র জিংকানিগানি আর গোজেন উগুরে ভোক্তিগানি দেগিবাক্।

১ পিতর 3:7

ঠিগ সেবাবোত্যে গুরি তুমি যিগুনে নেক্, তুমি বুদ্ধি বিবেচনা গুরিনে মোগো সমারে বজত্তি গরঅ। তারা তমার দুর্বল সমাজ্জ্যে, আর তারায়ো তমা সমারে গোজেনর্ দোয়্যের্ দান ইজেবে জিংকানি পেবাক্। সেনত্যে তারারে সর্মান গরঅ যেন তমার তবনাগানি লবাদোস্যে ন অয়।

১ পিতর 4:17

বিচের আরাম্ভ অবার সময় ওইয়্যে আর সিয়েন গোজেন পরিবারর্ মানুচ্চুনোত্তুন্ ধুরি আরাম্ভ গরা অবঅ। আর যুনি সেই বিচেরান আমাত্তুন্ ধুরি আরাম্ভ গরা অয় সালে যিগুনে গোজেনর্ দিয়্যে গম হবরান মানি ন-লন্ তারার অবস্থা কি অবঅ?