১ পিতর 2:4 - Chakma Bible

^4-5 এমন এক্কো জেদা পাত্তর্ আঘে যিবেরে গোজেনে বেঈ লোইয়্যে আর যিবে তা চোগেদি অমকদ মংগা, মাত্তর্ মান্‌জ্যে তারে এলাফেলা গোজ্জ্যন্। খ্রীষ্ট অলঅ সেই পাত্তর্‌বো; তুমি তাইধু এচ্চ্য বিলিনে জেদা পাত্তর ধোক্ক্যেন গুরি তমারে দিইনেয়ো গোজেনর্ থেবার ঘরান্ বানা অর্। সেনত্যে ধর্মগুরু ইজেবে গোজেনত্যে তমারে ফারগ্ গরা ওইয়্যে, যেন তুমি এমন্‌ আত্মিক উৎসর্বয়ানি গরঅ যিয়েনি যীশু খ্রীষ্টর্ দিইনে গোজেনর্ মানি লোইয়্যে অয়।

১ পিতর 2:4 Iomraidhean Croise

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিরমিয় 3:22

লগেপ্রভু কোইয়্যেদে, “ও ভান্ন্যেই পধেদি যেইয়্যে পুয়োছাগুন, ফিরি এজঅ; তমার্ ভান্ন্যেই পধেদি যেইয়্যে পিড়েনি মুই গম্ গুরি দিম।” সেক্কে ইস্রায়েলীয়গুনে কবাক্, “অয়, আমি তইধু এবং, কিত্তে তুয়ই আমার গোজেন লগেপ্রভু।

দানিয়েল 2:34

তুই যেক্কে রিনি চেইয়োচ্ সেক্কে এক্কো পাত্তর্ কাবিনে নেযা অলঅ, মাত্তর্ সিবে মান্‌‌‌জ্য আঢে কাবা ন-অয়। সেই পাত্তর্‌‌‌বো লুয়ো আর মাদি মিজেয়্যে টেঙত্ আঘাত্ গুরিনে সিয়েনিরে কট্টা কট্টা গুরি ফেলেল।

দানিয়েল 2:45

ইয়েন অলঅ সেই মুড়োবোত্তুন্ কাবি নেযেয়্যে পাত্তর্ যিবে মান্‌‌জ্য আঢে কাবা ন-অয়। সেই পাত্তর্‌‌বো লুয়ো, পিদোল, মাদি, রূবো আর সোনাগানরে কট্টা কট্টা ভাঙি ফেলেয়্যে। ভবিচ্চদে যিয়েন ঘুদিবো সিয়েন এবাবোত্যেগুরি দাঙর্ গোজেনে মহারাজরে দেগেই দিয়্যে। স্ববনান্ সত্য আর সিয়েনর্ ভাঙিদেনায়ো বিশ্বেজ্ গুরিবার।”

সখরিয় 3:9

ও যিহোশূয়, মুই তঅ মুজুঙোত্ এক্কো পাত্তর্ থোইয়োং। সেই পাত্তর্‌‌‌‌‌‌বো উগুরে সাত্‌তো চোগ্ আগন, আর তা উগুরে মুই এক্কান কধা খোদাই গুরিম আর মুই এক দিনে এ দেজর্ পাপ্‌‌‌‌‌‌‌পানি দূর গুরি দিম।‌‌‌‌

সখরিয় 4:7

ও দাঙর্ মুড়োবো, কন্না তুই? সরুব্বাবিল মুজুঙোত্ তুই অবেদে সংজাগায়ান। উবোসনা-ঘরর্ শেষ পাত্তর্‌‌‌‌বো লাগেবার সময় মানুচ্চুনে রঅ ছাড়িনে কবাক্ যে, সিবে অমকদ দোল্ ওইয়্যে।’ ”

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 12:18

চঅ, মঅ চাগর্ যিবেরে মুই বেঈ লোইয়োং। ইবেয়ই মর্ কোচ্‌পেইয়্যে মানুচ্ যিবে উগুরে মুই হুজি। মুই তা উগুরে মঅ আত্মাগান্ দিম, আর তে অযিহূদীগুনো ইধু ন্যায়বিচের ফগদাং গুরিবো।

মথি লেখ্যে গম্ হবর্ 21:42

সেক্কে যীশু তারারে কলঅ, “তুমি কি পবিত্র বোইয়ো ভিদিরে কনদিন্অ ন-পড়অ, ‘রাজমিস্ত্রিগুনে যে পাত্তর্‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো; প্রভুই ইয়েন্ গুরিলো, আর সিয়েন্ আমা চোগোত্ অমকদ আমক্ লাগে’?

যোহন 14:19

খানক্কন্ পরেদি জগদ মানুচ্চুনে আর মরে ন-দেগিবাক্, মাত্তর্ তুমি দেগিবা। মুই জেদা আঘং কিনেই তুমিয়ো জেদা থেবা।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 5:26

ইয়েনর্ কারনান্ অলঅ, বাপ্পো নিজে যেবাবোত্যেগুরি জিংকানির্ অধিকারী সেবাবোত্যেগুরি তে পুয়োবোরেয়ো জিংকানির্ অধিকারী অবাত্তে দিয়্যে।

যোহন 5:40

তো তুমি জিংকানি পেবাত্যে মইধু এবাত্তে ন-চঅ।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যোহন 6:57

জেদা বাবা মরে দিপাধেয়্যে আর তাত্যেই মুই জেদা আঘং। ঠিগ্ সেবাবোত্যেগুরি যে মরে খায় তেয়ো মত্তে জেদা থেবঅ।

রোমীয় 5:10

যেক্কে আমি গোজেনর্ শত্রু এলং সেক্কে তা পুয়োবোর্ মরাণার্ মাধ্যমে তা লগে আমি মিজেয়্যেই। এবাবোত্যেগুরি মিজেয়্যেই বিলি খ্রীষ্টর্ জিংকানিগান্দোই আমি খামাক্কায় পাপত্তুন্ উদ্ধোর্ পেবং।

১ করিন্হীয় 3:11

যে গড়াগান আগে গারা ওইয়্যে সিয়েন বাদে আর কনঅ গড়া কেঅ তুলি ন-পারন্। যীশু খ্রীষ্টই অলঅ সেই গড়াগান্।

কলসীয় 3:4

যিবে তমার্ জিংকানি সেই খ্রীষ্ট যেক্কে ফগদাং অবঅ সেক্কে তুমিয়ো তা সমারে তার্ মহিমার ভাগী ওইনে ফগদাং পেবা।

১ পিতর 1:19

তমারে উদ্ধোর গরা ওইয়্যেদে নিদ্দুজি আর থুদো নেইয়্যে ভেড়া ছঅ যীশু খ্রীষ্টর্ অমূল্য লোগান্ দিইনে।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ পিতর 2:7

ইয়েনত্যে তুমি বিশ্বেজ্ গোজ্জ্য বিলিনে তমা ইধু সেই পাত্তর্‌বো ভারী মংগা; মাত্তর্ যিগুনে বিশ্বেজ্ ন-গরন্ তারাত্যে পবিত্র বোইবোর্ এ কধাগান খাদে, রাজমিস্ত্রিগুনে যে পাত্তর্‌বো বাদ্ দি দুয়োন, সিবেই বেক্কুনোত্তুন্ দরকারী পাত্তর্ ওই উদিলো।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ পিতর 1:4

তে নিজোর মহিমায় আর গুণেদি আমা ইধু বোউত মূল্যবান আর দাঙর্ এগেম্ গোজ্জ্যে। ইয়েনর উদ্দেচ্চ্যগান অলঅ, মান্‌জ্যর ভান্ন্যেই আওজর্ কারনে জগদত্ যেদক্কানি কাজর্ জমা ওইয়্যে সিয়েনত্তুন্ তুমি রোক্ষ্যে পেইনে যেন গোজেনর্ খাচ্চ্যদর্ ভাগী অ।