১ পিতর 2:24 - Chakma Bible

²⁴ তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ পিতর 2:24 Iomraidhean Croise

পত্থম 22:6

ইয়েন কোইনে অব্রাহামে পুজ্যে-উৎসর্বত্তে দার্‌বো বোনাবো তা পুয়ো ইস্‌হাক কানাত্‌ তুলি দিইনে নিজে আগুনো পিলেবো আর ছুড়িগান্‌ নেযেল। সে পরেদি তারা দ্বিজনে একসমারে যাহ্ ধুরিলাক।

গীতসংহিতা 147:3

যিগুনোর্ মনানি ভাঙি যেইয়্যে তে তারারে দোল্ গুরিবো; তারার বেক্ ঘা গানি তেয়ই বানি দে।

গীতসংহিতা 38:4

মর্ অন্যেয়ানি ভিদিরে মুই চোম্মোংগোই; সিয়েনি এমন্ গুয়োর ওইয়্যে যিয়েনি মুই বুয়োই ন-পারং।

যাত্রা 28:38

ইয়েন থেবদে হারোণর্‌ কবালান উগুরে। যেদক্কানি পবিত্র জিনিস ইস্রায়েলীয়গুনে উৎসর্ব গুরিবাত্তেই আনিবাক্‌ সিয়েনির্‌ বেক্‌ দুষ-ভুলোর্‌ ভারান্‌ হারোণ উগুরে। লগেপ্রভু যেনে সিয়েনি গুজি লয়্‌ সেনত্তে হারোণ কবাল উগুরে এই সনার্‌ পাত্‌তান্‌ আমিঝে থেবঅ।

গম্ উপদেজ্ 20:30

অমকদ মের্ হেলে ভান্ন্যেয়ানি যায়, আর মনত্ দুঘ্ পেলে মনর্ গভীন্ জাগায়ানি সাংসাঙে ওই যায়।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

লেবীয় 16:22

সে মানুচ্চোই সিবেরে ধূল্যেচর-চাগালাত্‌ ইরি দিইনে এবঅ। ছাগল্লো কনঅ মানুচ্‌-জন নেইয়্যে জাগাত্‌ তারার্‌ বেক্‌ অন্যেয়ানি বোইনে বেরেব।

লেবীয় 22:9

মুই ধর্মগুরুগুনোরে যেদক্কানি উগুম্‌ দুয়োং সিয়েনি তারাত্তুন পালা পুরিবো। সিয়েনি ন-গুরিলে তারা দুষি অবাক্ আর ফি-বলা অনার্‌ কারনে তারা মুরি যেবাক্। মুই লগেপ্রভু তারারে মর্‌ আওজে যুদো গুরি রাগেয়োং।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

গণাণা 18:22

ইক্কিনেত্তুন্‌ ধুরি অন্য ইস্রায়েলীয়গুনে আর মিলন-তাম্বুলো ইদু যেই ন-পারিবাক্। সিয়েনি গুরিলে তারা তারার পাপর্‌ ফল ভোগ গুরিবাক আর মুরি যেবাক্।

গণাণা 7:15

পূজ্যে-উৎসর্বত্তে এক্কো দামাড়া গোরু, এক্কো ভেড়াছাগল, এক্কো এক বোজোজ্যে ভেড়াছাগলর-ছঅ;

মথি লেখ্যে গম্ হবর্ 27:26

সেক্কে পীলাতে বারাব্বারে মানুচ্চুনো ইধু ইরি দিলো, মাত্তর্ যীশুরে অমকদ চাবুক্ মারিবার্ উগুম্ দিইনে ক্রুশোত্ দিবাত্তে দিলো।

মথি লেখ্যে গম্ হবর্ 5:20

মুই তমারে কঙর্, ধর্ম-মাষ্টর আর ফরীশীগুনোর ধার্মিকতাগানত্তুন্ তমার যুনি বেশ্ কিজু ন-থায় সালে তুমি কনবাবদে স্বর্গ-রেজ্যত্ সোমেই ন-পারিবা।

মথি লেখ্যে গম্ হবর্ 8:17

ইয়েনি বেক্কানি ঘুদিলো যেন ভাববাদী যিশাইয় মাধ্যমে এই যে কধানি কুয়ো ওইয়্যে সিয়েনি পূরোণ অয়: তে আমার্ বেক্ বল্‌পোজ্যেগানি তুলি নিলো, আর আমা পীড়েগানি গম্ গুরিলো।

মার্ক 15:15

সেক্কে পীলাতে মানুচ্চুনোরে হুজি গুরিবাত্তে বারাব্বারে তারা ইধু ইরি দিলো, আর যীশুরে জদবদে চাবুক্ মারিবার্ উগুম্ দিইনে ক্রুশোত্ দিবাত্তে দিলো।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 19:1

সেক্কে পীলাতে যীশুরে নেযেইনে অমকদ চাবুক্ মারিবার্ উগুম্ দিলো।

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

প্রেরিত্‌ 10:39

“যিহূদীগুনো দেজত্ আর যিরূশালেমত্ তে যিয়েনি গোজ্যে আমি সিয়েনির সাক্ষী। মানুচ্চুনে তারে ক্রুশোত্ টাঙেইনে মারে ফেল্ল্যন্।

প্রেরিত্‌ 13:29

তা পৌইদ্যেনে পবিত্র বোইবোত্ যিয়েনি লেগা এলঅ সিয়েনি বেক্কানি পুরেবার্ পরেদি তারা তারে ক্রুশোত্তুন্ লামেইনে গোর্ দুয়োন্।

প্রেরিত্‌ 5:30

যিবেরে তুমি ক্রুশোত্ টাঙেইনে মারে ফেল্ল্য আমা পূরোণি মানুচ্চুনোর গোজেন সেই যীশুরে মরণত্তুন্ জেদা গুরি তুল্ল্যে।

রোমীয় 6:11

ঠিগ্ সেবাবোত্যেগুরি এ কধাগান উগুরে নির্ভর গরঅ যে, খ্রীষ্ট যীশু সমারে মিজেয়ো বিলি পাপর্ দাবী-দাওয়া ইধু তুমি মোজ্জ্য, আর ইক্কিনে গোজেনত্তে তুমিয়ো বাঁজি আঘঅ।

রোমীয় 6:13

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

রোমীয় 6:16

তুমি কি কোই ন-পারঅ যে, চাগর ধোক্ক্যেন্ যেক্কে তুমি কারঅ আঢত্ নিজোরে তুলি দুয়ো আর তার্ উগুমানি পালেই থাগঅ সেক্কে তুমি আজলে তার্ চাগর্ ওই যঅ? সেবাবোত্যেগুরি অয় তুমি পাপর্ চাগর্ ওই মুরিবে, নয় গোজেনর্ চাগর্ ওইনে গম্ কাম গুরিবা।

রোমীয় 6:2

খামাক্কায় নয়। পাপর্ দাবী দাওয়া ইধু দঅ আমি মোজ্জ্যেই; সালে কেধোক্ক্যেন গুরি আমি আর পাপর্ পধেদি চলিবং?

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

রোমীয় 6:7

কিয়া যে মোজ্যে তে পাপ আঢত্তুন্ ছড়ান্ পেয়্যে।

রোমীয় 7:6

সেক্কে আমারে যিয়েনিয়ে বানি রাগেদ সিয়েনির দাবি-দাওয়া ইধু আমি মোজ্জ্যেই। সেনত্তে আইন-কানুনোত্তুন্ ইক্কিনে আমি মুক্ত। সিয়েনর্ কারনে আমি ইক্কিনে লেগা রীদি-সুদোমর্ সেই পুরোণি জিংকানি-পধর্ চাগর্ নয়, মাত্তর্ পবিত্র আত্মার্ দিয়্যে নুয়ো জিংকানি-পধর্ চাগর্ ওইয়্যেই।

১ করিন্হীয় 15:3

মুই নিজে যিয়েন পেয়োং সিয়েন বেগত্তুন্ দরকারী বিষয় ইজেবে তমারেয়ো দুয়োং। সেই বিষয়ান অলঅ ইয়েন-পবিত্র বোইবোর্ কধা মজিম খ্রীষ্ট আমার্ পাপত্যে মোজ্জ্যে,

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

ইফিষীয় 5:9

কিয়া যিয়েন গম, নিদ্দুষ আর সত্য সিয়েনই অলঅ পহ্‌রর ফল।

কলসীয় 2:14

আর আমা বিরুদ্ধে যে দলিলানি এলঅ সিয়েনির বেক দাবি-দাওয়া সুদ্ধো সিয়েনি বাতিল গুরি দিয়্যে। সেই দলিলানি তে ক্রুশোত্ পেরেগ্ মারিনে নাকচ্ গুরি ফেল্ল্যে।

কলসীয় 2:20

খ্রীষ্ট সমারে মুরিনে তুমি যেক্কে জগদর্ নানান্ সুদোমত্তুন্ দূরোত্ সুরি এচ্চ্য সেক্কে জগদর্ মানুচ্চুনো ধোক্ক্যেন তুমি কিত্ত্যে আরঅ জগদর্ নিয়মর্ অধীন অর্?

কলসীয় 3:3

তুমি দঅ মুরি যেয়ো আর তমার্ জিংকানিগানি খ্রীষ্ট সমারে গোজেন ইধু লুগেয়্যে আঘে।

ইব্রীয় 10:10

গোজেনর্ সেই আওজ্ মজিম যীশু খ্রীষ্টর্ কিয়্যেগান একপল্লা উৎসর্ব গরানালোই গোজেন নাঙে আমারে যুদো গরা ওইয়্যে।

ইব্রীয় 10:5

সেনত্যে খ্রীষ্ট এ জগদত্ এবার্ অক্তত্ গোজেনরে কোইয়্যেদে, “য়েমান আর অন্য উৎসর্ব তুই ন-চাজ্, মাত্তর্ মত্যে এক্কান কিয়্যে তুই বানেয়োচ্।

ইব্রীয় 12:13

তমার্ আঢিবার পথ্‌তানি উজু গরঅ, যেন লেং মান্‌জ্যর অবস্থা আরঅ বেশ্ ন-অয়, বরং তে গম্ ওই উদে।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 3:7

পুয়ো-ছাগুন, কেঅ যেন তমারে ভান্ন্যেই পধেদি ন-নেযান। খ্রীষ্ট অন্যেয় ন-গরে, আর যে কেঅ নিজোরে ন্যায় কামত্ রাগান তেয়ো অন্যেয় ন-গরে।