১ পিতর 1:8 - Chakma Bible

⁸ যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

১ পিতর 1:8 Iomraidhean Croise

পরমগীত 1:7

ও মর্ পরাণান্, তুই মরে কঅ, কুদু তঅ ভেড়া পালুন্ তুই চড়া? তঅ ভেড়াগুনোরে দ্বিবুজ্যে কুদু জিরেবাত্তে দুয়োজ্? তঅ সমাজ্যে গরক্কুনোর্ ভেড়া পালুনো ইদু কিত্তে মুই ঘঙদা দিয়্যে বেশ্যে ধোক্ক্যেন্ যেম্?

পরমগীত 5:16

তা মুয়োন্ অমকদ মিদে, তার্ বেক্কানি দোল্। ও যিরূশালেমর্ মিলেগুন্, তেয়ই মর্ কোচ্‌‌‌‌‌পানা, মঅ সমাজ্যে।

পরমগীত 5:9

ও বেগত্তুন্ দোল্‌‌বি, অন্যগুনোত্তুন্ তঅ কোচ্‌‌‌পানাগান্ কুন্দি গম্? তঅ কোচ্‌‌‌‌‌পানাগান অন্যগুনোত্তুন কুন্দি গম্ যে, ‌‌‌‌‌‌ তুই এবাবোত্যেগুরি আমারে কোজোলি গরর্?

মথি লেখ্যে গম্ হবর্ 10:37

যে কনজনে মত্তুন্ বেশ্ মা-বাবরে কোচ্‌পায় তে মর্ যোগ্য নয়। আর যে কনজনে পুয়ো বা ঝি-রে মত্তুন্ বেশ্ কোচ্‌পায় তে মর্ যোগ্য নয়।

যোহন 14:15

তুমি যুনি মরে কোচ্‌পঅ সালে মর্ বেক্‌ উগুমানি পালেবা।

যোহন 14:21

যে মর্ বেক্‌ উগুমানি কোই পারে আর পালন্ গরে তেয়ই মরে কোচ্‌পায়। যে মরে কোচ্‌পায় মঅ বাপ্পো তারে কোচ্ পেবঅ। মুইয়ো তারে কোচ্‌পেম্ আর তা ইধু নিজোরে ফগদাং গুরিম্।

যোহন 14:24

যে মরে কোচ্‌ ন-পায় তে মঅ কধানি মানি ন-চলে। যে কধানি তুমি শুনোর্ সিয়েনি মঅ কধা নয় মাত্তর্ যে মরে দিপাধেয়্যে সেই বাবার্ কধা।

যোহন 16:22

সেবাবোত্যেগুরি তুমিয়ো ইক্কিনে দুঘ্-কষ্ট পর্; মাত্তর্ আরঅ তমা লগে মর্ দেগা অবঅ, আর সেক্কে তমা মনানি হুজীয়ে ভুরি উদিবো আর সেই হুজীগান্ কেঅ তমাত্তুন্ কারি ন-লবাক্।

যোহন 20:29

যীশু তারে কলঅ, “থোমা, তুই কি মরে দেক্ক্যচ্ বিলি বিশ্বেজ্ গোজ্যস্? যিগুনে ন-দেগিনে বিশ্বেজ্ গরন্ তারা বর্ পেইয়্যে।”

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।

প্রেরিত্‌ 16:34

সে পরেদি তে পৌল আর সীলরে নিজো ঘরত্ নেযেইনে হেবাত্তে দিলো। গোজেন উগুরে বিশ্বেজ্ গুরিনে তার্ পরিবারর্ বেক্কুনে অমকদ হুজি অলাক্।

রোমীয় 14:17

গোজেন রেজ্যত্ হানা-দানা দাঙর্ কধা নয়; দাঙর্ কধা অলঅ, পবিত্র আত্মার্ মাধ্যমে গম্ পধেদি চলানা আর সেক্কে সুগ্-শান্দি, মন হুজি থায়।

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

১ করিন্হীয় 16:22

যুনি কেঅ প্রভুরে কোচ্‌ ন-পায় সালে তা উগুরে অভিশাব্ পোড়োক্। আমা প্রভু এজোক্।

২ করিন্হীয় 1:22

অত্তাৎ তার্ নিজোর্ সোম্বোত্তি ইজেবে তে আমারে সীল্‌‌মহ্‌‌র গুরি থোইয়্যে; আর যিয়েনি আমারে দিবো তার্ পত্তম ভাগ্ ইজেবে তে আমা রিবেঙত্ পবিত্র আত্মারে দিয়্যে।

২ করিন্হীয় 4:18

যিয়েন দেগা যায় আমি সিয়েন ইন্দি ন-চেইর্, বরং যিয়েন দেগা ন-যায় সিয়েন ইন্দি রিনি চেইর্। যিয়েন দেগা যায় সিয়েন কয়েক দিনোত্যে, মাত্তর্ যিয়েন দেগা ন-যায় সিয়েন উমরত্যে।

২ করিন্হীয় 5:7

যিয়েন দেগা যায় আমি দঅ সিয়েন্দোই ন-চলিই, বরং বিশ্বেজ্‌চোই আঢাউদো গুরিই।

২ করিন্হীয় 9:15

যে দানর্ কধা ভাষালোই ফগদাং গরা ন-যায় গোজেনর্ সেই দানত্যে তার্ ভালেদি ওক্‌।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

ইফিষীয় 3:19

খ্রীষ্টর্ সেই কোচ্‌পানাগান বুদ্ধিলোই হবর্ ন-পায়; তো মুই তবনা গরং যেন তুমি সেই কোচ্‌পানাগান বুঝি পারঅ, যেন গোজেনর্ বেক্‌ পূর্ণতাগান্দোই তুমি ভর্‌পুনোং অ।

ইফিষীয় 6:24

আমা প্রভু যীশু খ্রীষ্ট উগুরে যিগুনোর্ থির্ কোচ্‌পানা আঘে সিগুনোর্ বেক্কুনো উগুরে গোজেনর্ দোয়্যে থোক্।

ফিলিপীয় 1:25

মুই ঘেচ্চ্যেকগুরি হবর্ পাং মুই বাঁজি থেম্ আর তমা বেক্কুনো সমারে থেম্, যেন তমার বিশ্বেজ্‌‌চান বাড়ে আর সিয়েন্দোই তুমি হুজী অ।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।

ইব্রীয় 11:1

আমি যিয়েন পেবং বিলিনে আজা গুরি আঘিই সিয়েন যে আমি পেবং এই ঘেচ্চেকগুরিগান অলঅ বিশ্বেজ্। আর সেই বিশ্বেজ্‌চান্দোই আমি নিচ্চিত গুরি বুঝি পারিই যে, আমি যিয়েন ন-দেগির্ সিয়েন আসলে আঘে।

ইব্রীয় 11:27

গোজেন উগুরে তার্ বিশ্বেজত্যে তে রাজার্ রাগ্‌কানরে ন-দোরেইনে মিসর দেশ্‌চান ফেলে যেইয়্যে, কিয়া যিবেরে দেগা ন-যায় তারে যেন দেগর্ সেবাবোত্যে গুরি তে ধৈয্য ধোজ্জ্যে।

১ পিতর 1:6

খালিক্ যুনিয়ো কিজু সময়োত্যে নানান্ পোরোক্ষ্যেলোই অয়ত ইক্কিনে তমার্ দুঘ্ পাহ্ পড়ের, তো উদ্ধোর্ পেবার আজায় তমা মনানি হুজিয়ে ভুরি উঠ্যে।

১ পিতর 2:7

ইয়েনত্যে তুমি বিশ্বেজ্ গোজ্জ্য বিলিনে তমা ইধু সেই পাত্তর্‌বো ভারী মংগা; মাত্তর্ যিগুনে বিশ্বেজ্ ন-গরন্ তারাত্যে পবিত্র বোইবোর্ এ কধাগান খাদে, রাজমিস্ত্রিগুনে যে পাত্তর্‌বো বাদ্ দি দুয়োন, সিবেই বেক্কুনোত্তুন্ দরকারী পাত্তর্ ওই উদিলো।

১ পিতর 5:4

সালে যেক্কে আজল্ গরগ্‌কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।