১ পিতর 1:7 - Chakma Bible

⁷ এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ পিতর 1:7 Iomraidhean Croise

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

ইয়োব 28:1

রূবোর্ খনি আঘে আর সনা কাজেবার জাগায়ো আঘে।

গীতসংহিতা 17:3

তুই দঅ মঅ মনানত্ সুমিনে চেইয়োচ্ আর রেদোত্ মরে যগা চেইয়োচ্; মরে পুযোর্ গুরিয়ো চেইয়োচ্ মাত্তর্ কনকিজু ন-পাজ্। মুই ঠিগ্ গোজ্যংগে কনঅ পাপ কধা মর্ মুয়োন্ মুই বেবহার ন-গুরিম।

গম্ উপদেজ্ 16:16

সনাত্তুন্ বেশ্ জ্ঞান পানা কত্তমান্ গম্! আর রূবোত্তুন বেশ্ বিচের বুদ্ধি পানা কত্তমান্ গম!

গম্ উপদেজ্ 17:3

রূবো পোরোক্ষ্যে গুরিবাত্তে গোলেবার পিলে আঘে আর সনাত্তে আগেদে চুলো, মাত্তর্ লগেপ্রভু মনান্ পোরোক্ষে গরে।

গম্ উপদেজ্ 8:19

সনাত্তুন্‌অ বেশ্, এন্ কি, খাটি সনাত্তুন্‌অ বেশ্ মর্ দিয়্যে ফলুন গম্; মুই যিয়েনি দুয়োং সিয়েনি বেঈ লোইয়্যে রূবোত্তুন্‌অ বেশ্ খাটি।

উপদেশক 5:14

কনঅ দজাত্ পুরিনে সিয়েনি শেজ্ ওই যায়। সেনত্তে তা পুয়োবোত্তে কিচ্চু ন-থায়।

যিশাইয় 48:10

চঅ, মুই তমারে আগুনোত্ ফেলেয়োং, মাত্তর্ তুমি রূবো ধোক্ক্যেন আজল্ ওইনে ন-নিগিলো; দুঘোর্ চুলোত্ মুই তমারে যগা চেইয়োং।

যিরমিয় 48:36

সেনত্তে মোয়াবর আর কীর-হেরেসের মানুচ্চুনোত্তে মঅ মনান্ বাশি সুর ধোক্ক্যেন গুরি আবিলেচ্ গরের্। তারা যে ধনান্ থুবেয়োন সিয়েন শেজ্ ওই যেইয়্যে।

যিরমিয় 9:7

সেনত্তে বেগত্তুন খেমতাবলা লগেপ্রভু কোইয়্যেদে, “চঅ, মুই তারার তুদোগান নিগিলেনে পোরোক্কে গুরিম, কিত্তে মঅ মানুচ্চুনোরে নিইনে মুই আর কি গুরি পারিম?

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

মালাখি 3:3

যে মানুচ্চো রূবো গোলেইনে খাটি গরে তে তা ধোক্ক্যেন ওইনে বুঝিবো। তে লেবীয়গুনোরে সিজি গুরিবো আর সোনা আহ্ রূবো ধোক্ক্যেন গুরি তারারে খাটি গুরিবো। সে পরেদি তারা গম্ মনোভাব্‌পোই লগেপ্রভুর নাঙে উৎসর্বর অনুষ্ঠান গুরিবাক্।

গণাণা 5:28

মাত্তর্‌ মিলেমানুচ্চো যুনি অসতী ন-ওইনে নির্দুজি ওই থায়্‌ সালে তারে যে দুষ্‌ দিয়া ওইয়্যে সিয়োত্তুন্‌ তে ছড়ান পেবঅ আর পুয়ো-ছার্‌ মা অবার্‌ খেমতা তার্‌ থেই যেবঅ।

মথি লেখ্যে গম্ হবর্ 19:28

যীশু তারারে কলঅ, মুই তমারে ঘেচ্চেকগুরি কঙর্, তুমি যিগুনে মঅ শিচ্চ্য ওইয়ো, নুয়ো সিরিষ্টিত্ যেক্কে মান্‌জ্য পুয়োবো তা সর্মানর্ সিংহাসনত্ বুজিবো সেক্কে তুমিয়ো বারগান্ সিংহাসনত্ বুজিবা আর ইস্রায়েলর্ বারবো গুট্টির বিচের্ গুরিবা।

মথি লেখ্যে গম্ হবর্ 25:21

সেক্কে তা গিরোজ্‌‌সো তারে কলঅ, দোল্ কাম গোজ্যস্, তুই গম্ আর বিশ্বেজি চাগর্। তুই কম্ টেঙালোই বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মঅ হুজির্ ভাগীদার্ অ।

মথি লেখ্যে গম্ হবর্ 25:23

সেক্কে তা গিরোজ্‌সো তারে কলঅ, গম্ কাম গোজ্যস্। তুই গম্ আর বিশ্বেজি চাগর্। তুই কম পৌইদ্যেনে বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মর্ হুজির্ ভাগীদার্ অগি।

লূকে লেখ্যে গম্ হবর্ 12:33

তমা বিষয়-সম্বোত্তি বেজিনে ভিক্ষ্যে ইজেবে দান্ গরঅ। যে দীনার্ থোইল্ল্যাবো কনদিনঅ পুরো ন-অয় সিবেয়ই নিজোত্যে বানঅ; অত্তাৎ যে ধন জিংকানিবর্ থিগি থেবঅ সিয়েনি স্বর্গত্ থুবঅ। সিধু চুর্ অ ন-এজে আর পুগেয়ো বর্‌বাদ্ ন-গরন্।

লূকে লেখ্যে গম্ হবর্ 17:30

যেদিন্ন্যে মান্‌জ্যপুয়োবো ফগদাং অবঅ সেদিন্ন্যে এবাবোত্যে অবঅ।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 5:44

তুমি একজন অন্যজনত্তুন্ বাঈনী পেবার্ আজা গরঅ, মাত্তর্ যে বাঈনীগান্ বানা গোজেনত্তুন্ পাহ্-যায় সিয়েনর্ চেট্ট্যায়ো ন-গরঅ। ইয়েনর্ পরেদি তুমি কিবাবোত্যেগুরি বিশ্বেজ্ গুরি পারঅ?

প্রেরিত্‌ 8:20

সেক্কে পিতরে তারে কলঅ, “তঅ টেঙাগুন্ তঅ সমারে ভস্ত ওক্‌, কিয়া তুই মনে গোজ্জ্যস্ গোজেনর দান টেঙালোই কিনে যায়।

রোমীয় 2:10

মাত্তর্ যিগুনে গম্ কাম্ গরন্ সিগুনে বাঈনী, সর্মান আর সুগ্-শান্তি পেবাক্-পত্তমে যিহূদীগুনে, সে পরেদি অযিহূদীগুনে।

রোমীয় 2:29

মাত্তর্ মনেদি যে যিহূদী তেয়ই আজল্ যিহূদী। আজল্ চুনু মাঢাবো চামান কাবানার্ কামান্ মন ভিদিরে অয়। ইয়েন পবিত্র আত্মার্ কাম্, লেক্ক্যে আইন মানিবার্ কাম্ নয়। এ বাবোত্যে মানুচ্‌ মান্‌জ্যর্ বাঈনী ন-পায় ঠিগ্, মাত্তর্ গোজেনত্তুন্ বাঈনী পায়।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

রোমীয় 8:19

গোজেনর্ পুয়োগুনে কক্কে সেই মহিমায় ফগদাং পেবাক্ সিয়েনত্তে বেক্ প্রাণিগুনে আওজ্ গুরিনে বাজ্জেই আঘন্,

১ করিন্হীয় 3:13

সালে তে কিবাবোত্যে কাম্ গোজ্জ্যে সিয়েন গমেদালে দেগা যেবঅ। বিচের দিনোত্ সিয়েন ফগদাং অবঅ, কিয়া সেদিন্নোর্ ফগদাঙান্ আগুনো মাধ্যমে অবঅ। কার্ কাম কিবাবোত্যে সিয়েন আগুনানে যাচাই গুরিবো।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ পিতর 2:4

এমন এক্কো জেদা পাত্তর্ আঘে যিবেরে গোজেনে বেঈ লোইয়্যে আর যিবে তা চোগেদি অমকদ মংগা, মাত্তর্ মান্‌জ্যে তারে এলাফেলা গোজ্জ্যন্। খ্রীষ্ট অলঅ সেই পাত্তর্‌বো; তুমি তাইধু এচ্চ্য বিলিনে জেদা পাত্তর ধোক্ক্যেন গুরি তমারে দিইনেয়ো গোজেনর্ থেবার ঘরান্ বানা অর্। সেনত্যে ধর্মগুরু ইজেবে গোজেনত্যে তমারে ফারগ্ গরা ওইয়্যে, যেন তুমি এমন্‌ আত্মিক উৎসর্বয়ানি গরঅ যিয়েনি যীশু খ্রীষ্টর্ দিইনে গোজেনর্ মানি লোইয়্যে অয়।

১ পিতর 2:7

ইয়েনত্যে তুমি বিশ্বেজ্ গোজ্জ্য বিলিনে তমা ইধু সেই পাত্তর্‌বো ভারী মংগা; মাত্তর্ যিগুনে বিশ্বেজ্ ন-গরন্ তারাত্যে পবিত্র বোইবোর্ এ কধাগান খাদে, রাজমিস্ত্রিগুনে যে পাত্তর্‌বো বাদ্ দি দুয়োন, সিবেই বেক্কুনোত্তুন্ দরকারী পাত্তর্ ওই উদিলো।

১ পিতর 4:12

পরাণর্ সমাজ্যেগুন, তমার যে ইক্কিনে নানান্-পোরোক্ষ্যের্ মাধ্যমে যা পরের্ সিয়েন্দোই দিস্‌কাউলু অবার নয়, তমা উগুরে অামক্ কিজু এক্কান অর্।

১ পিতর 4:13

সিয়েনত্তুন্ বরং তুমি যে খ্রীষ্টর্ দুঘ্ ভুগোনার ভাগ লর্ সিয়েন্দোই হুজি অ, যেন তার্ মহিমাগান যেক্কে ফগদাং অবঅ সেক্কে তুমি হুজি অ।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ পিতর 1:4

তে নিজোর মহিমায় আর গুণেদি আমা ইধু বোউত মূল্যবান আর দাঙর্ এগেম্ গোজ্জ্যে। ইয়েনর উদ্দেচ্চ্যগান অলঅ, মান্‌জ্যর ভান্ন্যেই আওজর্ কারনে জগদত্ যেদক্কানি কাজর্ জমা ওইয়্যে সিয়েনত্তুন্ তুমি রোক্ষ্যে পেইনে যেন গোজেনর্ খাচ্চ্যদর্ ভাগী অ।

২ পিতর 3:14

কোচ্‌পেইয়্যে ভেইয়ুন, তুমি ইক্কিনে ইয়েনি বেক্কানিত্যে বাজ্জেই আঘঅ বিলিনে মনেপরাণে চেষ্টা গরঅ যেনে তে এইনে তমারে থুদো নেইয়্যে ওইনে নিদ্দুজি অবস্থায় সুগে-শান্দিয়্যে বজত্তি গত্তে দেগেগি।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।