১ পিতর 1:6 - Chakma Bible

⁶ খালিক্ যুনিয়ো কিজু সময়োত্যে নানান্ পোরোক্ষ্যেলোই অয়ত ইক্কিনে তমার্ দুঘ্ পাহ্ পড়ের, তো উদ্ধোর্ পেবার আজায় তমা মনানি হুজিয়ে ভুরি উঠ্যে।

১ পিতর 1:6 Iomraidhean Croise

গীতসংহিতা 119:28

দুঘে মঅ পরাণান্ ভাঙি পোজ্যে; তর্ কধা মজিম্ মরে খেমতা দে।

গীতসংহিতা 119:75

ও লগেপ্রভু, মুই হবর্ পাং তর্ সুদোমানি অমকদ গম্; তুই বিশ্বেজি বিলিনে মরে দুঘ্ দুয়োচ্।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

গীতসংহিতা 35:10

মর্ কিয়্যেগানে সেক্কেনে কবদে, “ও লগেপ্রভু, আর কন্না আগে তঅ ধোক্ক্যেন্? তুয়ই দঅ দুখি মানুচ্চুনোরে উদ্ধোর গরচ্ তারার্ শত্রুগুনোর্ আঢত্তুন্ যিগুনে তারাত্তুনো বেশ্ বোলী; যিগুনে লুদোন্ তারা আঢত্তুন্ তুই দুখি আর নেইয়্যে মানুচ্চুনোরে উদ্ধোর্ গুরি থাচ্।”

গীতসংহিতা 69:20

ঈচ্ গরানায় মঅ মনান্ ভাঙি যেইয়্যে, সেনে মুই অমকদ অসুখ্ ওইয়োং। মর্ দুঘে যেন অন্য মানুচ্চুনে দুঘ্‌কান বুঝোন সিয়েনই মুই চেইয়োং, মাত্তর্ মুই সিয়েন ন-পাং। সান্তনা দিবাক্ এবাবোত্যে মানুচ্ মুই চেইয়োং, মাত্তর্ সেবাবোত্যে কনজনরে ন-পেলুং।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

গীতসংহিতা 95:1

এজঅ, আমি লগেপ্রভুর নাঙে হুজির গীদ্ গেই; আমা রোক্ক্যেগুরিয়্যে মুড়োবোর নাঙে রঙ্গ-ফুত্তি গুরিই।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 26:37

ইয়েন্ কোইনে তে পিতর আর সিবদিয়র্ দ্বিবে পুয়োরে সমারে নেযেল। তে মনত্ দুঘ্ আর কষ্ট পেলঅ।

মথি লেখ্যে গম্ হবর্ 5:12

তুমি ফুত্তি গরঅ আর হুজি ওইয়ো, কিয়া স্বর্গত্ তমাত্তে দাঙর্ বক্‌‌শিজ্ আঘে। তমা আগেদি যে ভাববাদীগুন এলাক্ মান্‌‌জ্যে তারারেয়ো এবাবোত্যেগুরি অত্যেচার্ গুরিদাক্।

লূকে লেখ্যে গম্ হবর্ 1:47

মর্ উদ্ধোরগুরিয়্যে গোজেনরে নিইনে মঅ পরাণান্ হুজিয়ে ভুরি উঠ্যে,

লূকে লেখ্যে গম্ হবর্ 10:20

মাত্তর্ ভান্ন্যেই আত্মাগুনে তমা কধা শুনোন্ বিলি হুজি ন-ওইয়ো বরং স্বর্গত্ তমা নাঙান্ লেগা ওইয়্যে বিলি হুজি ওইয়ো।”

লূকে লেখ্যে গম্ হবর্ 2:10

স্বর্গদূত্তো তারারে কলঅ, “ন-দোরেয়ো, কিয়া মুই তমাইধু ভারী হুজির্ হবর্ আন্যং। এ হুজিগান্ বেক্ মানুচ্চুনোত্তে।

যোহন 16:22

সেবাবোত্যেগুরি তুমিয়ো ইক্কিনে দুঘ্-কষ্ট পর্; মাত্তর্ আরঅ তমা লগে মর্ দেগা অবঅ, আর সেক্কে তমা মনানি হুজীয়ে ভুরি উদিবো আর সেই হুজীগান্ কেঅ তমাত্তুন্ কারি ন-লবাক্।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

রোমীয় 12:12

তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।

রোমীয় 5:11

বানা সিয়েন নয়, যিবেলোই গোজেন সমারে আমি মিজেয়্যেই সেই প্রভু যীশু খ্রীষ্টর্ মাধ্যমে গোজেনরে লোইনে আমি ফুত্তি গুরির্।

রোমীয় 5:2

গোজেনর্ এই যে দোয়্যের্ পধেদি ইক্কিনে আমি চলির্ সিধু আমি খ্রীষ্টর্ মাধ্যমে বিশ্বেজ্‌চোই লুম্মেয়ি। গোজেনর্ মহিমা পেবার্ আজায় আমি ফুত্তি গুরির্।

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

ফিলিপীয় 2:26

তে তমারে বেক্কুনোরে দেগিবাত্যে চায় বিলিনে মুই তারে ফিরেই পাধাঙর্। সিয়েনবাদে তুমি তার্ অসুগোর্ কধা শুন্ন্য বিলিনে তে ভারী চিন্তেত্ আঘে।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।

১ থিষলনীকীয় 1:6

বোউত্ অত্যেচারর্ ভিদিরেয়ো পবিত্র আত্মার দিয়্যে হুজিলোই সেই গম হবরান মানি লোইনে তুমি আমার আর প্রভু ধোক্ক্যেন গুরি চলর্।

যাকোব 1:2

মঅ ভেইয়ুন্, তুমি যেক্কে নানান্ বাবোত্ত্যে পোরোক্ষ্যেত্ পড় সেক্কে সিয়েন ভারী হুজীর বেপার বিলি মনে গোজ্জ্য,

যাকোব 1:9

যে বিশ্বেজি ভেইবো নাঢা মানুচ্, গোজেনে তারে উগুরে তুল্ল্যে বিলিনে তে নিজোরে ভাগ্যত্যে মনে গোরোক্।

যাকোব 4:9

দুঘে ভাঙি পরঅ আর আবিলেচ্ গুরিনে কানঅ। তমা আজানার্ বদলে আবিলেচ্ গরঅ আর হুজীর বদলে দুঘ্ গরঅ।

১ পিতর 3:17

ভান্ন্যেই কাম গুরিনে দুঘ্ পানাত্তুন্ বরং গোজেনর্ আওজে গম্ কাম গুরিনে দুঘ্ পানা বোউত গম।

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

১ শমূয়েল 2:1

সে পরেন্দি হান্না তবনা গুরিনে কলঅ, “লগেপ্রভুরে নেযেইনে মুই হুজি গরং; লগেপ্রভুই মরে জিদেনাগান্ দান গোজ্যে। মর্‌ শত্রুগুনো মুজুঙোদোই মুই মুয়োন খুলিনে হুজির্-গীত্ গাঙর্‌; তুই মরে শত্রুগুনো আঢত্তুন উদ্ধোর গোজ্যচ্‌ বিলি মুই হুজি।