১ পিতর 1:4 - Chakma Bible

⁴ অত্তাৎ ভবিচ্চদে এন্ এক্কান সম্বোত্তি পেবার আশ্বাস আমি পেইয়্যেই যিয়েন কনদিন্অ ভস্ত ন-অবঅ, যিয়েনত্ ভান্ন্যেই কিচ্চু ন-থেবঅ আর যিয়েন উমরত্যে নুয়ো থেবঅ। এ সোম্বোত্তিগান তমাত্যে স্বর্গত্ থুবেইয়্যে আঘে।

১ পিতর 1:4 Iomraidhean Croise

গীতসংহিতা 31:19

তুই যে ভালেদি গোজ্যস্ সিয়েন কত্তমান দাঙর্ কাম্! যিগুনে তরে ভোক্তি গরন্ তারাত্তেই তুই সিয়েন তুলি রাগেয়োচ্; তইদু আশ্রয় লোইয়্যেগুনোরে তুই সে ভালেদিগানি গুরি থাচ্, আর সিয়েনি গুরিবে বেক্কুনো মুজুঙোত্।

গীতসংহিতা 47:4

তেয়ই আমা সোম্বোত্তিগানি বেঈ রাগেয়্যে; সিয়েন তার্ কোচ্‌পানার মানুচ্ যাকোবর বার্‌বো গুরিবার কধা।

যিশাইয় 66:22

লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

যিহিষ্কেল 47:12

গাঙর্ দ্বিপারত্ নানান্ বাবোত্যে গুলোগুলি গাজ্ জোর্মেব। সিগুনোর্ পাদানি শুগেই ন-যেবঅ, গুলোগুলি শেজ্ ন-অবঅ। পত্তি মাসত্ সিগুনোত্ গুলোগুলি ধুরিবো, কিত্যে উবোসনা-ঘরত্তুন্ সিয়েনত্ পানি বেঈ এবঅ। সিগুনোর্ গুলোগুলিগুন্ হেবাত্তে আর পাদানি গম্ অবাত্তে বেবহার গরা অবঅ।”

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মার্ক 10:17

যীশু পধেদি আরঅ যেক্কে যাহ্ ধুরিলো সেক্কে এক্কো মানুচ্ দাবা দাবা তাইধু এলঅ আর তা মুজুঙোত্ আঢু পাড়িনে পুযোর্ গুরিলো, “ও মাষ্টরবাবু, উমর জিংকানি পেবাত্তে মুই কি গুরিম্?”

প্রেরিত্‌ 20:32

গোজেন ইধু আর তার্ কধানি আঢত্ ইক্কিনে মুই তমারে তুলি দোঙর্। গোজেনর্ কধানি তার্ দোয়্যের্ পৌইদ্যেনে কয়, আর তমারে দাঙর্ গুরিবার্ খেমতা সেই কধানির্ আঘে। ইয়েনি বাদে গোজেনে তার্ নিজো মানুচ্চুনোত্তে যিয়েনি থোইয়্যে সেই কধানিয়ে তমারে সিয়েনিয়ো দি পারিবো।

রোমীয় 8:17

যুনি আমি পুয়ো-ছা ওই থেই সালে গোজেনে তা পুয়ো-ছা গুনোরে যিয়েন দিবো বিলিনে এগেম্ গোজ্জ্যে আমি সিয়েন পেবং। খ্রীষ্ট গোজেনত্তুন্ সিয়েন পেবঅ আর আমিয়ো তা সমারে সিয়েন পেবং; কিয়া যুনি আমি খ্রীষ্ট সমারে দুঘ্ ভুগি পারিই সালে তা সমারে মানীগুণির্‌‌‌অ ভাগি অবং।

১ করিন্হীয় 9:25

যিগুনে ধাবা দেনাত্ মিজেন্ সিগুনে বেক্কুনে আগেত্তুন্ ধুরি দর-মর গুরিনে চলন্। যে জিদিবার্ মালাবো বর্‌বাদ ওই যায় সেই মালাবো পেবাত্যে তারা সিয়েন গরন্, মাত্তর্ আমি সিয়েন গুরিই সেই বক্‌শিজ্‌চানত্তে যিয়েন কনদিন্অ বর্‌বাদ ন-অবঅ।

গালাতীয় 3:18

গোজেনর্ বর্ পানাগান যুনি রীতি-সুদোম্ পালানা উগুরে নির্ভর গরে সালে দঅ আর এগেম উগুরে সিয়েন নির্ভর ন-গরের্। মাত্তর্ গোজেনে দোয়্যে গুরিনে এক্কান এগেমর্ মাধ্যমে অব্রাহামরে বর্ দিয়্যে।

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

ইফিষীয় 1:14

যিগুনে গোজেনর্ নিজোর্ সোম্বোত্তি তারারে তে এক্কান অধিকার দিবার্ এগেম্ গোজ্জ্যে। তারারে যেদক্ বিলোন সং উদ্ধোর্ গরা ন-অয় সেদক বিলোন সং সেই অধিকারর্ পত্তম ভাগ্ ইজেবে পবিত্র আত্মাগানরে তারারে দিয়্যে ওইয়্যে। আর ইয়েনি বেক্কানির্ মাধ্যমে গোজেনর্ মহিমার্ বাঈনী গরা অবঅ।

ইফিষীয় 1:18

মুই আরঅ তবনা গরং যেন তমার মনর্ চোগ্‌কুন খুলো যায়, যেন তার্ ডাগানার্ কারনে তমা মনত্ যে আজা জাগি উঠ্যে সিয়েনি তুমি বুঝি পারঅ; আর সে লগে ইয়েন-অ বুঝি পারঅ যে, তা ইধু তা মানুচ্চুনে কত্তমান এক্কান দাঙর্ সোম্বোত্তি আর আমি যিগুনে বিশ্বেজি আমা মনত্ তার্ কত্তমান দাঙর্ বল্ কাম গরের্।

কলসীয় 1:5

স্বর্গত্ তমাত্যে যিয়েনি থুবেয়্যে আঘে সিয়েনি পেবার আজা তমা ইধু এ বিশ্বেজ্ আর কোচ্‌পানাগান জোর্মেয়্যে। যে গম্ হবরান, অত্তাৎ সত্যর্ কধাগান তমা ইধু লুম্মেগি সিয়েনি ভিদিরে তুমি এ আজাগানর্ কধা শুন্ন্য।

কলসীয় 3:24

কিয়া তুমি দঅ কোই পারঅ, প্রভু তা মানুচ্চুনোত্যে যিয়েন থোইয়্যে সিয়েন তুমি বক্‌শিজ্ ইজেবে তাত্তুন্ পেবা। তুমি যিবের্ সেবা গরর্ তে প্রভু খ্রীষ্ট।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

ইব্রীয় 10:34

আর যিগুনে জেলোত্ যেয়োন তারার্ দুঘে দুঘী ওইয়োন। তমার পযাপিরানি লুট ওই যানাগান তুমি হুজি মনে মানি লোইয়ো, কিয়া তুমি কোই পারিদা যে, আরঅ গম আর থিদেবর্ ধন তমাত্যে আঘে।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।

যাকোব 1:11

বেলানে যেক্কে জ্বোল্‌‌জোল্ল্যে গরমে উদে সেক্কে সেই ঘাস্‌‌চানি শুগেই যায়, ফুলুন্ ঝুরি যান্ আর সিগুনোর্ দোলান্ বর্‌‌বাদ্ ওই যায়। তাগোয়্যে মানুচ্চোয়ো ঠিগ্ সেবাবোত্যে গুরি তা জিংকানিগান কাম্ গত্তে গত্তে থুম্ ওই যেবঅ।

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।

১ পিতর 5:4

সালে যেক্কে আজল্ গরগ্‌কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।