১ পিতর 1:25 - Chakma Bible

²⁵ মাত্তর্ প্রভুর কধানি উমরত্যে থায়। আর এই কধানি সেই গম হবর্, যিয়েনি তমা ইধু ফগদাং গরা ওইয়্যে।

১ পিতর 1:25 Iomraidhean Croise

গীতসংহিতা 102:12

মাত্তর্ ও লগেপ্রভু, তুই উমর সং তঅ সিংহাসনানত্ আগচ্; তঅ নাঙান্ জনমভুরি থেবঅ।

গীতসংহিতা 102:26

সিয়েনি ভস্ত ওই যেবঅ, মাত্তর্ তুই জিংকানিবর্ থেবে। কাবড় ধোক্ক্যেন সিয়েনি পূরোণ ওই যেবঅ; সিয়েনি তুই কাবড় ধোক্ক্যেন বুদুলি দিবে, আর সিয়নি ফেলেই দিয়্যে পুরিবো।

গীতসংহিতা 119:89

ও লগেপ্রভু, তর্ কধানি স্বর্গত্ জিংকানিবর্ থিদেবর্ আঘে।

যিশাইয় 40:6

একজন রঅ কত্তে, “ফগদাং গরঅ।” মুই কলুং, “মুই কি ফগদাং গুরিম্?” “বেক্ মানুচ্চুনে দঅ ঘাজ ধোক্ক্যেন্, ঘাজ ফুলো ধোক্ক্যেন তারার্ বেক্ দোলান।

যিশাইয় 40:8

ঘাস শুগেই যায় আর ফুল্অ ছিনি পড়ে, মাত্তর্ আমা গোজেনর্ কধা জিংকানিবর্ থেবঅ।”

মথি লেখ্যে গম্ হবর্ 5:18

মুই তমারে ঘেচ্চেক্‌‌গুরি কঙর্, আগাজ্ আর পিত্‌থিমীগান্ শেজ্ ন-অনা সং, যেদক্ বিলোন্ সং রীদি-সুদোমর্ বেক্ কধানি ন-ফলে সেদক্ বিলোন সং সেই রীদি-সুদোমর্ এক ফুদো কি এক্কেনায়ো বাদ্ ন-যেবঅ।

লূকে লেখ্যে গম্ হবর্ 16:17

মাত্তর্ রীদি-সুদোমর্ এক ফুদো বাদ্ পড়ানাত্তুন্ বরং আগাজ্ আর পিত্‌থিমীগান্ শেজ্ অনা সহজ।

যোহন 1:1

পত্তমে কধাগান্ এলঅ, কধাগান্ গোজেন সমারে এলঅ আর কধাগান্ নিজেই গোজেন এলঅ।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

১ করিন্হীয় 2:2

মুই ঠিগ্ গোজ্জ্যংগে, তমা ইধু থেবার্ অক্তত্ মুই যীশু খ্রীষ্টরে, অত্তাৎ ক্রুশোত্ দিয়্যে যীশু খ্রীষ্টরে হবর্ পানা বাদে আর কিচ্চু হবর্ ন-পেম্।

ইফিষীয় 2:17

তুমি যিগুনে দূরোত্ এলা আর তারা যিগুনে কায়কুরে এলাক্, বেক্কুনো ইধু তে এইনে শান্তির্ গম্ হবর্ ফগদাং গোজ্জ্যে।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

তীত 1:3

আমার উদ্ধোর্ গুরিয়্যে গোজেনর্ উগুম মজিম মুই যিয়েনি প্রচার গরং সিয়েনিত্যে গোজেনে তার্ কধানি ঠিগ্ সময়োত্ ফগদাং গোজ্জ্যে।

ইব্রীয় 6:5

গোজেনর্ দোল্ কধানির সুয়োত্ পেইয়োন আর যে যুগ্‌কো এজের্ সিবের্ খেমতার পৌইদ্যেনে কোই পাজ্জ্যন্,

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।

১ পিতর 1:23

যে বীজ্ ভস্ত ওই যায় এমন কনঅ বীজত্তুন্ তমার নুয়ো জর্ম ন-অয়, বরং যে বীজ্ কনদিন্অ ভস্ত ন-অয় সিয়োত্তুন্ তমার জর্ম ওইয়্যে। সেই বীজ্ অলঅ গোজেনর্ জেদা আর উমর কধা।

১ পিতর 2:2

এই ইক্কিনে জোর্মেয়্যেদে চিগোন্ গুরো ধোক্ক্যেন তমার্ আধ্যাত্মিকভাবে বাড়িবাত্যে খাটি দুধ পেবাত্যে তুমি ভারী আওজি অ, যেন সিয়েন্দোই বাড়দে বাড়দে তুমি পুরোপুরি উদ্ধোরর্ ইন্দি উজেই যেই পারঅ।

২ পিতর 1:19

পবিত্র বোইবো ভিদিরে ভাববাদীগুনে যিয়েনি কোইয়োন সিয়েনি সত্য বিলিনে প্রমান ওইয়্যে। আন্ধারত্ যেধোক্ক্যেন তমা চোগ্‌কুন বাট্টিবো ইন্দি থায় ঠিগ্ সেধোক্ক্যেন গুরি, যেদক্কন সং বেন্যেমাদান পহ্‌র ন-অয় আর তমা রিবেঙত্ শুকতারাবো ন-উদে, সেদক্কন সং ভাববাদীগুনোর কধানি মনযোগ দিলে তুমি গম গুরিবা।

১ যোহন 1:1

পৌইল্যাত্তুন্ ধুরি যিবে এলঅ, যিবের্ মুয়ো কধা আমি শুন্ন্যেই, যিবেরে নিজো চোগেদি দেক্ক্যেই, যিবেরে গমেডালে রিনি চেইয়্যেই, যিবেরে নিজো আঢে ধোজ্জ্যেই, ইয়েনত্ সেই জিংকানির-কধাগান লেগঙর্।

১ যোহন 1:3

যিবেরে আমি দেক্ক্যেই আর যিবের্ মুয়ো কধানি আমি শুন্ন্যেই তা পৌইদ্যেনে তমারে জানাঙর্। আমি সিয়েন জানের্ যেন তমার্ আর আমা ভিদিরে এক্কান উদোন্-বজন্ অয়। এই উদোন্-বজনান্ অলঅ বাবা সমারে তার্ পুয়ো যীশু খ্রীষ্ট আর আমা ভিদিরে।

ফগদাং পেইয়্যে 14:6

সে পরেদি মুই আর এক্কো স্বর্গদূতোরে আগাজর্ ভালোদ্দুর্ অজলত্ উড়োদে দেগিলুং। পিত্‌থিমীত্ বজত্তি গুরিয়্যে মানুচ্চুনো ইধু, অত্তাৎ পত্তি জাত্, গুট্টি, ভাযা আর দেজর্ মানুচ্চুনো ইধু ফগদাং গুরিবাত্যে তাইধু উমরর্ গম্ হবর্ এলঅ।