১ পিতর 1:21 - Chakma Bible

²¹ গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ পিতর 1:21 Iomraidhean Croise

গীতসংহিতা 42:5

ও মর্ পরাণান্, কিত্তেই তুই আজা আরেয়োজ্? কিত্তেই এদক্ চোত্‌‌পোত্যে ওইয়োচ্? গোজেন উগুরে আজা রাগা, কিত্যে তেয়ই মরে উদ্ধোর্ গুরিবো; সেনত্তে মুই আরঅ তার বাঈনী গুরিম।

যিরমিয় 17:7

মাত্তর্ সে মানুচ্চো বর্‌পেইয়্যে, যে লগেপ্রভু উগুরে বিশ্বেজ্ গরে আর লগেপ্রভু যিবের্ বিশ্বেজর্ গড়াগান।‍‌‍

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

যোহন 12:44

পরেদি যীশু রঅ দাঙর্ গুরিনে কলঅ, “যে মঅ উগুরে বিশ্বেজ্ গরে তে যে বানা মঅ উগুরে বিশ্বেজ্ গরে সিয়েন্ নয়, মাত্তর্ যে মরে পাধেয়্যে তা উগুরেয়ো বিশ্বেজ্ গরে।

যোহন 14:1

“তমা মনানি যেন আর থির্ নেইয়্যে ন-অয়। গোজেন উগুরে বিশ্বেজ্ গরঅ, মঅ উগুরেয়ো বিশ্বেজ্ গরঅ।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

যোহন 17:5

বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

প্রেরিত্‌ 2:24

মাত্তর্ গোজেনে মরণ যন্ত্রণাত্তুন্ উদ্ধোর্ গুরিনে তারে জেদা গুরি তুল্ল্যে, কিয়া তারে ধুরি থবার্ সাধ্য মরণানর্ ন-এলঅ।

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

প্রেরিত্‌ 3:15

যিবে জিংকানি দিয়্যে তারে তুমি মারে ফেল্ল্য, মাত্তর্ গোজেনে মরণত্তুন্ তারে জেদা গুরি তুল্ল্যে; আর আমি সিয়েনর্ সাক্ষী।

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।

রোমীয় 10:9

সেই কধাগান্ অলঅ, যুনি তুই যীশুরে প্রভু বিলিনে মুুয়োদি স্বিগের্ গরচ্ আর মনেদি বিশ্বেজ্ গরচ্ যে, গোজেনে তারে মরণত্তুন্ জেদা গোজ্জ্যে সালেই তুই পাপত্তুন্ উদ্ধোর্ পেবে;

রোমীয় 4:24

আমারেয়ো তাক্ গুরিনে লেগা ওইয়্যে। আমা বিশ্বেজত্তে গোজেনে আমারেয়ো নিদ্দুজি বিলি ধুরিবো, কারন যিবে আমা প্রভু যীশুরে মরণত্তুন্ জেদা গোজ্জ্যে আমি তা উগুরে বিশ্বেজ্ গুরিই।

২ করিন্হীয় 6:15

খ্রীষ্ট সমারে বলীয়ালর্, অত্তাৎ শদানর্ মিল্ বা কুধু? গোজেনর্ মানুচ্ ইজেবে বিশ্বেজির্ যে অধিকার সিয়েনত্ অবিশ্বেজির্ ভাগ্‌কান কি?

ইফিষীয় 1:15

ইয়েনত্যে মুই যেক্কে প্রভু যীশু উগুরে তমার বিশ্বেজ্ আর গোজেনর্ বেক্‌ মানুচ্চুনো উগুরে তমার্ কোচ্‌পানার্ কধা শুনিলুং,

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

১ তীমথিয় 1:1

আমার উদ্ধোর্ গুরিয়্যে গোজেন আর খ্রীষ্ট যীশুর উগুমে মুই পৌল যীশু খ্রীষ্টর এক্কো দূত ওইয়োং। খ্রীষ্ট যীশু উগুরে আমার বেক্‌ আজাগান।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 2:9

মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।

ইব্রীয় 6:1

ইয়েনত্যে খ্রীষ্ট পৌইদ্যেনে পত্তমে যে শিক্ষ্যেগান পেইয়্যেই, এজঅ সিয়েন ফেলেইনে আমি পরিপূরোণ ইন্দি উজেই যেই। ন-ফলেদে কামত্তুন্ মন ফিরেনা, গোজেন উগুরে বিশ্বেজ্,

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ পিতর 1:11

তারা মনত্ খ্রীষ্টর আত্মাগানে আগেদি সাক্ষ্য দিইনে কোইয়্যেদে যে, খ্রীষ্টর দুঘ্ ভুগো পরিবো আর সে পরেদি তে মহিমা পেবঅ। ভাববাদীগুনে জানিবাত্যে চেইয়োন খ্রীষ্টর্ সেই আত্মাগানে কন্‌ সময়োত্ আর কন্‌ অবস্থার কধা তারারে জানার্।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।