১ পিতর 1:17 - Chakma Bible

¹⁷ বাবা গোজেনে পত্তি মান্‌জ্যর কাম ধগে তার্ বিচের্ গরে, কারঅ মুয়োদি চেইনে সিয়েন ন-গরে। ইয়েনত্যে যুনি তারে তুমি বাবা বিলিনে ডাগঅ সালে এ পিত্‌থিমীত্ যেদকদিন বিদেশী ইজেবে আঘঅ সেদকদিন তা উগুরে ভোক্তিবলা দরে তমা জিংকানিগানি কাদঅ।

১ পিতর 1:17 Iomraidhean Croise

পত্থম 47:9

যাকোবে কলঅ, “এ পিত্‌তিমীত্‌ কয়েক্‌দিনোর্‌ মানুচ্‌ ইজেবে মর্‌ একশঅ ত্রিশ বজর্‌ গেলঅ। এ দিনুন্ খুব বেশ্‌ নয়, আর সেদিনুন্ দুঘে দুঘে কাদি যেইয়্যেগোই। মাত্তর্‌ কয়েক্‌দিনোর্‌ মানুচ্ ইজেবে মর্‌ চোদ্দো গুট্টিগুনে যেদকদিন্‌ কাদেই যেইয়োন্‌ মুই সেদকদিন্‌ কাদেই ন-পারিম।”

১ বংশধর 29:15

আমি তঅ চোগেন্দি আমা বেক্‌ পূরোণি মানুচ্চুনো ধোক্ক্যেন পরদেজর্‌ আদাম্মে। পিত্‌থিমীত আমা দিনুন্‌ ছাবা ধোক্ক্যেন, আমার্‌ কনঅ আজা নেই।

২ বংশধর 19:7

লগেপ্রভু উগুরে দরর্‌ ভাব্‌ তমা ইদু থোক্‌। উজিয়ারে বিচের্‌ গুরিবা, কিয়া অবিচের্‌, একচোখ্যে বিচের্‌ বা ঘুষ হেইয়্যেগুনোর্‌ লগে আমা গোজেন্‌ লগেপ্রভুর কনঅ মিজেমিজি নেই।”

ইয়োব 34:19

তে শাজন্‌গুরিয়্যেগুনোর তপ্পে ন-লয়, নাঢা মানুচ্চুনোরে ফেলেইনে তাগোয়্যেগুনোরে দাঙর্ মনে ন-গরে, কিত্যে তারা বেক্কুনে তার্ আঢ্‌‌তোই বানেয়্যে।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

গীতসংহিতা 89:26

তে মরে ডাগি কবঅ, “তুয়ই মর্ বাপ, মর্ গোজেন, মর্ রোক্ষ্যেগুরিয়্যে মুড়ো।

গম্ উপদেজ্ 14:16

জ্ঞানি মান্‌জ্যে ভান্ন্যেয়ানরে দোরেইনে সিয়েনত্তুন্ সুরি যান, মাত্তর্ জ্ঞান নেইয়্যে মান্‌জ্যে নিজো উগুরে বেশ্ বিশ্বেজ্ গুরিনে দুঘ্ সাহসী অন।

গম্ উপদেজ্ 28:14

যে মানুচ্চো অন্যেয় গুরিবাত্তে নিত্য দরায় তে বর্ পেইয়্যে, মাত্তর্ যে তার মনানরে চিৎ ন-পুজ্যে গরে আর অন্যেয় গুরিবাত্তে ন-দরায় তে দজাত্ পড়ে।

যিরমিয় 3:19

“মুই নিজে কোইয়োং, ‘মুই পুয়ো ইজেবে তমারে গুজি লোম্ আর চাইদ্যে ধোক্ক্যেন এক্কান দেজ্, জাদ্‌তুনো ভিদিরেত্তুন্ বেগত্তুন দোল্ এক্কান অধিকার তমারে দিম্।’ মুই মনে গোজ্যংগে তুমি মরে বাপ্ বিলি ডাগিবা আর মঅ পিজেদি আঢানাত্তুন্ ফিরি ন-যেবা।‌

সফনিয় 3:9

সে পরেদি মুই জাদ্‌‌‌‌‌তুনোর মুয়োনি সিজি গুরিম যেনে তারা বেক্কুনে মরে উবোসনা গুরি পারন আর কানায় কানায় মিলিনে মরে সেবা গুরি পারন।

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 22:16

তারা হেরোদ দলর্ কয়েক্কো মান্‌জ্য লগে নিজোর্ কয়েক্কো শিচ্চ্যরে যীশু ইধু পাধেলাক। তারা যীশুরে কলাক্, “মাষ্টরবাবু, আমি হবর্ পেই তুই এক্কো গম্ মানুচ্। গোজেন পথ্‌তান পৌইদ্যেনে তুই সত্য শিক্ষ্যে দি থাচ্। মান্‌জ্যে কি মনে গুরিবাক্ ন-গুরিবাক্ সিয়েনিলোই তর্ কি অয়, কিয়া তুই কারঅ মু চেইনে কিচ্ছু ন-গরচ্।

মথি লেখ্যে গম্ হবর্ 6:9

ইয়েনত্তে তুমি এবাবোত্যেগুরি তবনা গরঅ: ও আমার স্বর্গর্ বাবা, তঅ নাঙান্ পবিত্র বিলিনে মানা ওক্।

রোমীয় 11:20

ভারী গম্। মাত্তর্ তারারে ভাঙি ফেলা ওইয়্যে তারার্ অবিশ্বেজর্ কারনে আর তুই সিয়েনত্ উদ্ধোর্ ওই আঘচ্ তর্ বিশ্বেজত্তে। ইয়েনত্ বার্‌বো ন-গুরিচ্ বরং ভোক্তি গুরিনে দোরেচ্,

২ করিন্হীয় 1:2

আমা বাবা গোজেন আর আমা প্রভু যীশু খ্রীষ্ট তমারে দোয়্যে গোরোক্ আর শান্তি-দান গোরোক্।

২ করিন্হীয় 5:6

ইয়েনত্যে কনদিন্অ আমার্ সাহজর্ অভাব ন-অয়, আর আমি বুঝি পাজ্জ্যেই যে, যেদক্ দিন আমি এ কিয়্যেগানর্ ঘরত্ বজত্তি গুরিবোং সেদক দিন প্রভুত্তুন্ দূরোত্ থেবং।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

২ করিন্হীয় 7:11

চিন্তে গুরি চঅ, গোজেনে যেক্কে তমারে দুঘ্ দিয়্যে সেক্কে তুমি পিজেদি ন-পড়, সেক্কে নিদ্দুজি বিলিনে নিজোরে প্রমাণ গুরিবাত্যে তমার্ কদক্ আওজ্ ওইয়্যে, কদক্ চিন্তে-ভাবনা ওইয়্যে আর পাপর্ সাজা দিবাত্যে কদক্ আওজ্ ওইয়্যে। এবাবোত্যেগুরি বেক্কানিত্তুন্ তুমি প্রমাণ গুরিলেদে যে, সেই পৌইদ্যেনে তুমি নিদ্দুজি।

গালাতীয় 2:6

মন্ডলীর গণ্যমান্য মানুচ্চুনে গম হবর্ পৌইদ্যেনে নুয়ো কনঅ কিচ্চু মরে ন-জানান্। আসলে তারা যিয়েন অদাক্ সাৎ সিয়েনিলোই মুই কিচ্চু মনে ন-গরং।

ইফিষীয় 1:17

তবনা গুরিবার অক্তত্ মুই তমা কধা ভুলি ন-যাং। মুই তবনা গরং যেন আমার্ প্রভু যীশু খ্রীষ্টর্ গোজেন, অত্তাৎ সেই গৌরবময় বাবা তমারে আত্মিক জ্ঞান আর বুঝিবার খেমতা দান গরে, যাতে তুমি তারে আরঅ গমেডালে জানি পারঅ।

ইফিষীয় 3:14

স্বর্গ আর পিত্‌থিমীর বেক্‌ পরাণ বলা নানান্ পরিবারর্ বেক্কুনোরে যিবের পুয়ো বিলি ডাগা অয় সেই বাব্‌পো মুজুঙোত্ মুই তবনা গুরিবাত্যে আঢু পাদঙর্।

ইফিষীয় 6:9

তুমি যিগুনে গিরোজ্, তুমিয়ো তমার চাগরুনো উগুরে ঠিগ্ সেবাবোত্যে বেবহার গরঅ। তারারে দর্‌বুগ্ দেগানা বাদ্ দুয়ো, কিয়া তুমি দঅ কোই পারঅ যে, তারার্ আর তমার একই প্রভু আর তে স্বর্গত্ আঘে; তা চোগেদি বেক্কুনে সং সং।

দ্বি’লম্বর বিররণ 10:17

তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

ফিলিপীয় 2:12

মর্ কোচ্‌পেইয়্যে ভেইয়ুন, তুমি দঅ নিত্য বাধ্য ওইনে আঘঅ। সেধোক্ক্যেন গুরিনে বানা মর্ থানার্ সময়োত্ নয়, মাত্তর্ বিশেষ গুরিনে ইক্কিনে মর্ ন-থানার্ সময়োত্‌অ তুমি ভোক্তি আর দোরেনেই তমার্ কামর্ মাধ্যমে দেগঅ যে, তুমি পাপত্তুন্ উদ্ধোর্ পেয়ো।

কলসীয় 3:25

যে অন্যেয় গরে তে তার্ ফল পেবঅ। প্রভুর্ চোগেদি বেক্কুনে সং সং।

ইব্রীয় 12:28

সেনত্যে যে রেজ্যগানরে লাড়া ন-যায় আমি যেক্কে সে রেজ্যগান পেবাত্যে যের্ সেক্কে এজঅ, আমি গোজেন ইধু ভালেদি জানেই। সালে গোজেনে যেধোক্ক্যেন গুরি হুজি অয় সেধোক্ক্যেন গুরি আমি ভোক্তি আর দরে তার্ সেবা গুরি পারিবোং।

ইব্রীয় 4:1

গোজেনর দিয়্যে জিরেবার জাগানত্ যেবার যে এগেমান্ এলঅ সেই এগেমান্ আমাত্যেয়ো খাদে। সেনত্যে আমার উজিয়ার উয়ো পরিবো, যেন কেঅ সেই এগেম্ গোজ্জ্যে বর্ পানার্ যোগ্য নয় বিলি দেগা ন-যায়।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

১ পিতর 3:15

বরং খ্রীষ্টরে তমা মন ভিদিরে প্রভু ইজেবে জাগা দুয়ো। তমার্ আজা-ভরসা পৌইদ্যেনে যুনি কেঅ পুযোর্ গরন্ সালে তারে জোব্ দিবাত্যে নিত্য যুক্কোল্ থেয়ো, মাত্তর্ ইয়েনর্ জোব্‌পান্ চিদে আর ভোক্তি গুরিনে দুয়ো।