১ পিতর 1:14 - Chakma Bible

¹⁴ গোজেনর্ বাধ্য পুয়ো-ছা ইজেবে তুমি তমার পুরোণি ভান্ন্যেই আওজ্ মজিম জিংকানি ন-কাদেয়ো; সেক্কে দঅ তুমি গোজেনরে ন-চিনিদা।

১ পিতর 1:14 Iomraidhean Croise

প্রেরিত্‌ 17:30

আগ দিনো মানুচ্চুনে হবর্ ন-পেদাক্ বিলি গোজেনে ইয়েনি দেগিনেয়ো ন-দেগে। মাত্তর্ ইক্কিনে তে বেক্ জাগানিত্ বেক্ মানুচ্চুনোরে পাপত্তুন্ মনানি ফিরেবাত্তে উগুম্ দের্,

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

রোমীয় 6:4

আর সেনত্তে সেই বাপ্তিস্মর্ মাধ্যমে খ্রীষ্ট সমারে মুরিনেই আমার্ গোর্-অ ওইয়্যে, যেন বাবা গোজেনে তার্ খেমতালোই যেবাবোত্যেগুরি খ্রীষ্টরে মরণত্তুন্ জেদা গোজ্জ্যে সেবাবোত্যেগুরি আমিয়ো যেন নুয়ো জিংকানির্ পধেদি আঢি পারিই।

ইফিষীয় 2:2

জগদর্ চিন্তেধারা অনুসারে তুমিয়ো এক সময় সেই অবাধ্যত্যে আর পাপে আঢাউদো গত্তা। যে আত্মাগান আগাজর্ খেমতাবলাগুনোর রাজা সেই পাজি আত্মাগানে গোজেনর্ অবাধ্য মানুচ্চুনো ভিদিরে কাম গরের্, আর তুমি সেই আত্মাগানর্ পিজে পিজে চলিদা।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

দ্বি’লম্বর বিররণ 27:10

তুমি তার বাধ্য ওইনে চলিবা। এচ্চ্যে মুই যেদক্কানি উগুম আর সুদোম তমারে দুয়োঙর্‌ সিয়েনি তুমি পালেবা।”

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।