১ পিতর 1:1 - Chakma Bible

¹ গোজেনর্ যিদুক্কুন বেঈ লোইয়্যে মানুচ্ পন্ত, গালাতিয়া, কাপ্পাদকিয়া, এশিয়া আর বিথুনিয়া রেজ্যত্ ছিদি পড়িনে বিদেশী ইজেবে বজত্তি গত্তন্, তারা ইধু মুই যীশু খ্রীষ্টর দূত পিতরে এ চিধিগান লেগঙর্।

১ পিতর 1:1 Iomraidhean Croise

ইষ্টের 3:8

হামনে সেক্কে রাজা অহশ্বেরশরে কলঅ, “তর্‌ রেজ্যর্‌ পুরো জাগানর্ নানান্‌ জাদ ভিদিরে এক্কো জাদ ছিদি পোজ্যে। অন্য জাদ্‌তুনোত্তুন্‌ তারার্‌ সুদোমানি যুদো আর তারা রাজার সুদোমানি ন-মানন্‌। সেনত্তে তারারে বাঁজিবাত্তে দেনাগান্ রাজার পক্ষে গম্‌ ন-অবঅ।

গীতসংহিতা 44:11

ডালি দেদে ভেড়া ধোক্ক্যেন্ গুরিনে তারার আঢত্ তুই আমারে তুলি দুয়োচ্ আর নানান্ জাদ ভিদিরে ছিদি দুয়োচ্।

যিহিষ্কেল 6:8

“‘মাত্তর্ মুই কিজু মান্‌‌‌‌‌‌‌জ্যরে বাঁজেই রাগেম্; তুমি যেক্কে নানান্ দেজত্ আর জাদ ভিদিরে ছিদি পড়িবা সেক্কে সেই মানুচ্চুনে মরণর্ আঢত্তুন বাঁজিবাক্।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

মথি লেখ্যে গম্ হবর্ 10:2

সেই বারজন প্রচারক নাঙানি অলঅ : পত্তম্, শিমোন যারে পিতর কন্, সে পরেদি তা ভেই আন্দ্রিয়; সিবদিয়র পুয়ো যাকোব আর তা ভেই যোহন; ফিলিপ আহ্ বর্‌থলময়;

মথি লেখ্যে গম্ হবর্ 24:22

মাত্তর্ সেই দুঘোর্ দিনুন্ যুনি গোজেনে কোমেই ন-দিদো সালে কনজনে ন-বাঁজিদাক্। মাত্তর্ তার্ বেঈ লোইয়্যে মানুচ্চুনোত্তে গোজেনে সেই দিনুন্ কোমেই দিবো।

মথি লেখ্যে গম্ হবর্ 4:18

যীশু গালীল সাগর পার ইন্দি যেবার্ অক্তত্ শিমোন, যিবেরে পিতর কুয়ো অয় আর তার ভেই আন্দ্রিয়রে দেগিলো। তারা সাগরত্ জাল্ ফেলেয়োন, কিয়া তারা জাল্যে এলাক্।

লূকে লেখ্যে গম্ হবর্ 18:7

সালে যিগুনে গোজেনরে দিনে-রেদে দাগন্, গোজেনে কি তার্ সেই বেঈ-লোইয়্যে মানুচ্চুনোর্ পক্ষে গম্ বিচের্ ন-গুরিবো? তে কি সিয়েন্ গুরিবাত্তে দেরি গুরিবো?

যোহন 11:52

বানা যিহূদী জাদত্যে নয়, মাত্তর্ গোজেনর্ যে পুয়ো-ছাগুনে চেরোকিত্যে ছিদি আঘন্ তারারে থুবেইনে এক গুরিবাত্যে তে মুরিবো।

যোহন 7:35

যীশুর এ কধাগান্দোই যিহূদী নেতাগুনে নিজো ভিদিরে কুয়ো কি গরা ধুরিলাক্, “এ মানুচ্চো কুধু যেবঅ যে, আমি তারে তোগেই ন-পেবং? অযিহূদীগুনো ভিদিরে যে যিহূদীগুন্ ছিদি পোজ্যে আগন্, তে কি সিধু যেইনে অযিহূদীগুনোরে শিক্ষ্যে দিবো?

প্রেরিত্‌ 18:2

সিধু আকিলা নাঙে এক্কো যিহূদী সমারে তার্ দেগা অলঅ। পন্ত রেজ্যত্ আকিলার্ জর্ম ওইয়্যে। সম্রাট ক্লৌদিয় বেক্‌ যিহূদীগুনোরে রোম ছাড়ি যেবাত্যে উগুম্ দিয়্যে। সেনত্তে কয়েক্ দিন আগে আকিলা তা মোক্কো প্রিষ্কিল্লারে লোইনে ইটালিত্তুন্ করিন্থত্ এচ্চ্যে। পৌলে তারা ইধু গেলঅ।

প্রেরিত্‌ 18:23

আন্তিয়খিয়াত্ কয়েক দিন কাদানার্ পরেদি তে সিধু লদ্ দিলো আর গালাতিয়া আর ফরুগিয়া রেজ্যর্ এক জাগাত্তুন্ অন্য জাগাত্ ঘুরি ঘুরি শিচ্চ্যগুনোরে বিশ্বেজ্ বাড়েইনে তারারে দরমর গুরিলো।

প্রেরিত্‌ 19:10

দ্বিবজর এবাবোত্যেগুরি বিদি গেলঅ। সেক্কে যে যিহূদী আর গ্রীক্‌‌কুনে এশিয়া রেজ্যত্ থেদাক্ তারা বেক্কুনে প্রভুর্ কধা শুনিলাক্।

প্রেরিত্‌ 6:9

যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।

প্রেরিত্‌ 8:4

যে বিশ্বেজিগুন ছিদি পোজ্যন্ তারা চেরোকিত্ত্যেদি যেইনে খ্রীষ্টর গম্ হবরর্ কধাগান প্রচার গরা ধল্লাক্।

১ করিন্হীয় 16:19

এশিয়া রেজ্যর্ মন্ডলীগুনোর্ মানুচ্চুনে তমারে ভালেদি জানাদন্। আকিলা, প্রিষ্কিাল্লা আর তারার্ ঘরর্ মন্ডলী মানুচ্চুনে প্রভুর কোচ্‌পানার্ নাঙে তমারে মনত্তুন্ ভালেদি জানাদন্।

২ করিন্হীয় 1:8

এশিয়া রেজ্যত্ আমি যে দুঘোত্ পোজ্জ্যেই, আমি চেই সিয়েন যেন তুমি কোই পারঅ। সিয়েনত্ সোজ্জ্যর্ বারেদি এমন্‌ চাপ্ আমা উগুরে পোজ্জ্যে, বাঁজিবার্ আজা আমি ছাড়ি দিয়্যেই।

গালাতীয় 1:2

মুই আর মঅ লগে যিদুক্কুন্ বিশ্বেজি ভেই আঘন, আমি বেক্কুনে গালাতিয়া মন্ডলীগুনো ইধু লিগির্।

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।

ইফিষীয় 2:19

ইয়েনত্যে তুমি আর্ ন-চিন্ন্যেয়ো নয়, বিদেশিয়ো নয়, মাত্তর্ গোজেনর্ মানুচ্চুনো সমারে তুমিয়ো তা রেজ্যর্ আর তা পরিবারর্ মানুচ্ ওইয়ো।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 32:26

মুই কোইয়োং, মুই তারারে কট্টা কট্টা গুরি ফেলেম, তারার কধানি মান্‌জ্যর মনত্তুন পুঝি ফেলেম্‌।

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।

২ তীমথিয় 1:15

তুই হবর্ পাজ্ এশিয়া রেজ্যত্ বেক্কুনে মরে ফেলে যেয়োন। তারাত্তুন্ আঘন্ ফুগিল্ল আর হর্মগিনি।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

ফগদাং পেইয়্যে 1:11

তে মরে কলঅ, “যিয়েন দেগিবে সিয়েন এক্কো বোইয়োত্ লেখ্, আর সিয়েন ইফিষ, স্মুর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আর লায়দিকেয়া-এ সাত্‌টো শঅরর্ সাত্‌টো মন্ডলী ইধু পাধেই দে।”