১ রাজাবলী 10:3 - Chakma Bible

³ শলোমনে তার্‌ বেক্‌ প্রশ্নগানির জোব্‌ দিলো। রাজা ইদু কনঅ কিজুর্‌ এন্‌ আগাত্যা নঅ-এল যে, যিয়েনি তে তারে বুঝেইনে কোই ন-পারে।

১ রাজাবলী 10:3 Iomraidhean Croise

২ শমূয়েল 14:17

“ইক্কিনে তঅ চাগরানিবো মুই কঙর্‌, মঅ মহারাজর কধাগানে যেনে মরে শান্তি দে, কিত্যে গম্‌-বজং বিচের গুরিবাত্তে মঅ গিরোজ্‌ মহারাজে গোজেনর এক্কো দূতো ধোক্ক্যেন্‌। তঅ গোজেন লগেপ্রভু তঅ সমারে থোক্‌।”

২ শমূয়েল 14:20

এ অবস্থাগান ফিরেবাত্তে তঅ চাগর্‌ যোয়াবে এ কামান গোজ্যে। দেজত্‌ কি অর্‌ ন-অর্‌ সিয়েন মঅ গিরোজসো হবর্‌ পায়। তা জ্ঞানান্‌ গোজেনর দূতো ধোক্ক্যেন্‌।”

১ রাজাবলী 10:1

শলোমনর্ সুনাঙ্‌ আর তা মাধ্যমে ফগদাং পেইয়্যে লগেপ্রভুর বাঈনীগানর্ কধা শুনিনে শিবা দেজর রানী আগাত্যে কধালোই পুজোর্‌ গুরিনে তারে জগা চেবাত্তে এলঅ।

১ রাজাবলী 10:2

তে ভালোক্কুন্‌ মানুচ্‌ আর উটসুমুত্তো যিরূশালেমত্‌ এইনে লুমিলো। উটতুনোর্‌ পিদিত্‌ এলঅ তুম্বাজ্‌ মজলা, ভালোক্কানি সোনা আর মানেক্‌। তে শলোমন ইদু এইনে তা মনত্‌ যিয়েনি এলঅ সিয়েনি বেক্কানি তারে কলঅ।

১ রাজাবলী 10:4

শিবার রানী শলোমনর্ বেক্‌ জ্ঞানান্‌ আর তার বানেয়্যে রাজঘরান্‌ চেলঅ।

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

২ বংশধর 9:2

শলোমনে তার্‌ বেক্‌ প্রশ্নগানির জোব্‌ দিলো; শলোমনর্ কনঅ কিচ্ছু এদক্‌ আগাত্যে ন-এলঅ যিয়েনি তে তারে বুঝেইনে কোই ন-পারে।

গম্ উপদেজ্ 13:20

জ্ঞানীগুনো সমারে যে আঢাউদো গরে তে জ্ঞানী অয়, মাত্তর্ যে মানুচ্চো কান্ড-জ্ঞান নেইয়্যেগুনোর সমাজ্যে তার ক্ষতি অয়।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

কলসীয় 2:3

খ্রীষ্ট ভিদিরে বেক্‌ জ্ঞানানি আর বুদ্ধিগানি লুগেইয়্যে আঘে।