১ যোহন 5:6 - Chakma Bible

⁶ ইবেই যীশু খ্রীষ্ট, যিবে পানি আর লো-লোই এচ্চ্যে। বানা পানিলোই নয়, মাত্তর্ পানি আর লো-লোই এচ্চ্যে। পবিত্র আত্মাগানে এ পৌইদ্যেনে সাক্ষি দে, কিয়া তে নিজেই সত্য।

১ যোহন 5:6 Iomraidhean Croise

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

লেবীয় 17:11

কিত্তে লো-গান ভিদিরে থাইদে পরাণবলাগুনোর্‌ পরানান্‌। সেনত্তেই তমার্‌ পরানর্‌ বদলে মুই সিয়েন্দোই পূজোবো উগুরে তমা পাপ্পানি ঢাগি দিবার্‌ বেবস্থা দুয়োং। লো-গান ভিদিরে পরানান্‌ আঘে বিলিই সিয়েন্‌ পাপ কাদেই দে।

সখরিয় 9:11

ও যিরূশালেম, তত্তেই মর্ সুদোমান থিদেবর্ গুরিবার লো-লোই মুই তর্ বন্দীগুনোরে সেই পানি নেইয়্যে গাঢত্তুন্ উদ্ধোর্ গুরি দিম।

মথি লেখ্যে গম্ হবর্ 26:28

কিয়া ইয়েন্ মর্ লো যিয়েন্ ভালোক্কুন্ মান্‌জ্যর্ পাপর্ খেমাত্তে দিয়্যে অবঅ। মান্‌জ্যত্তে গোজেনর্ নুয়ো সুদোম মর্ এই লো-গান্দোই সুজো অবঅ।

মথি লেখ্যে গম্ হবর্ 3:16

বাপ্তিষ্ম লনার্ পরেদি যীশু পানিত্তুন্ উদি এজানার লগে লগে তা মুজুঙোত্ আগাজ্‌চান খুলি গেলঅ। তে গোজেনর আত্মাগানরে কোদোর ধোক্ক্যেন্ ওইনে তা উগুরে লামি এত্তে দেগিলো আর পহর্ অলঅ।

মার্ক 14:24

সেক্কে যীশু তারারে কলঅ, “ইয়েন মর্ লো যিয়েন ভালোক্কুনোত্তে দিয়্যে অবঅ। মান্‌জ্যত্তে গোজেনর্ নুয়ো বেবস্থা মর্ এই লো-গান্দোই পুরেই দিয়্যে অবঅ।

লূকে লেখ্যে গম্ হবর্ 22:20

হানার্ পরেদি সেবাবোত্যেগুরি তে গলচ্চো তারারে দিইনে কলঅ, “মঅ লো-গান্দোই গোজেনর্ যে নুয়ো সুদোমান্ অদে অদে গরা অবঅ সে সুদোমানর্ চিহ্নোগান্ অলঅ এ গলজ্‌সো। মর্ এ লো-গান তমাত্যে দিয়্যে অবঅ।

যোহন 14:17

সেই বল্ দিয়্যেবো সত্যর্ আত্মা। জগদ মানুচ্চুনে তারে মানি লোই ন-পারন্, কিয়া তারা তারে ন-দেগন্ আর তারে হবর্‌অ ন-পান্। মাত্তর্ তুমি তারে হবর্ পঅ, কিয়া তে তমা সমারে সমারে থায় আর তে তমা মনত্ বজত্তি গুরিবো।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 15:26

যে এজাল্ দিয়্যেবোরে মুই বাবা ইত্তুন্ তমা ইধু পাধেই দিম্, তে যেক্কে এবঅ সেক্কে তেয়ই মঅ পৌইদেনে সাক্ষি দিবো। তে অলঅ সত্যর্ আত্মা যিবে বাবাত্তুন্ এবঅ।

যোহন 16:13

মাত্তর্ সেই সত্যর্ আত্মাগান্ যেক্কে এবঅ সেক্কে তে তমারে পধ দেগেইনে পুরোপুরি সত্যত্ নেযেব। তে নিজোত্তুন্ কধা ন-কবঅ, মাত্তর্ যিয়েনি শুনে সিয়েনি কবঅ, আর যিয়েনি ঘুদিবো সিয়েনি তে তমারে জানেব।

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 6:55

মঅ য়েরাগান্ অলঅ আজল্ হানা আর মঅ লো-গান আজল্ হেবার্ পানীয়।

প্রেরিত্‌ 8:36

পধেদি যাদে যাদে তারা এমন্‌ এক্কান জাগাত্ এলাক্ যিয়েনত্ পানি এলঅ। সেক্কে সেই চাগর্‌বো কলঅ, “এইয়্যে চঅ, ইয়েনত্ পানি আঘে; মর্ বাপ্তিষ্ম লবার্ মানা আঘে নাহি?”

রোমীয় 3:25

গোজেনে ফগদাং গোজ্জ্যেদে যে, যিগুনে বিশ্বেজ্ গরন্ তারাত্ত্যে যীশু খ্রীষ্ট তা লো-গান্দোই, অত্তাৎ তা জিংকানিগান্-উৎসর্বলোই তারে হুজি গোজ্জ্যে। এবাবোত্যেগুরি গোজেনে দেগেয়্যেদে, যুনিয়ো তে তার্ সোজ্য গুণোত্তে মান্‌জ্যর্ আগ পাপর্ সাজা ন-দে তো তে নিদ্দুজি।

ইফিষীয় 1:7

গোজেনর্ দোয়্যে অনুসারে খ্রীষ্ট লগে মিজেইনে তার্ লোগান্দোই আমি খেমা পেইয়্যেই, অত্তাৎ পাপর্ খেমা পেইয়্যেই।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

তীত 3:5

কনঅ গম কামত্যে তে আমারে উদ্ধোর্ ন-গরে; তার্ দোয়্যের্ কারনে সিয়েন গোজ্জ্যে। পবিত্র আত্মালোই নুয়ো জর্ম দান গুরিনে আর নুয়ো গুরি বানেইনে তে আমা মনানি ধোইনে সাব্ গুরিলো, আর এবাবোত্যে গুরি তে আমারে উদ্ধোর্ গুরিলো।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:7

মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

১ পিতর 3:21

ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।