3 গোজেনর্ উগুমানি পালানা অলঅ গোজেনরে কোচ্পানা।
লগেপ্রভুরে তে আজাবোদে ধুরি রাগেয়্যে আর নিত্য তা পধেন্দি চলিদো। লগেপ্রভু মোশিরে যেদক্কানি উগুম দিয়্যে সিয়েনি তে পালেদ।
তঅ কধানি এক্কুবারে খাটি বিলিনে প্রমান ওইয়্যে, সেনত্তে তর্ এ চাগর্বো সিয়েনি কোচ্পায়।
মুই গমেডালে জিংকানি কাদেম, কিত্তে তর্ সুদোমর ইন্দি মুই মনান্ দুয়োং।
মাত্তর্ যিগুনে মরে কোচ্পান্ আর মর্ বেক্ উগুমানি পালান্, আজার্ আজার্ পুরুষ ধুরিনে তারা উগুরে মর্ বুক ভরা দোয়্যে থেবঅ।
তা পধেদি পাহ্ যায় হুজি, আর তার বেক পধেদি ভালেদি আঘে।
মর্ গোজেন লগেপ্রভু ইধু মুই তবনা গুরিলুং আর পাপ স্বিগের্ গুরিনে কলুং, ও প্রভু, তুয়ই দাঙর্ আর ভক্তিবলা দর্ লাগেয়্যে গোজেন। যিগুনে তরে কোচ্পান আর তঅ উগুমানি পালান্ তারাত্তে তুই তর্ শেজ্ ন-ওইয়্যে কোচ্পানার বেবস্থা রোক্ষ্যে গুরি থাচ্।
ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।
তারা গুয়োর্ গুয়োর্ বুধি বানিনে মান্জ্য কানা উগুরে চাপি দুয়োন্, মাত্তর্ সিগুন সোরেবাত্তে নিজে এক্কো আঙুল্অ লাড়েবাত্তে ন-চান্।
তুমি যুনি মরে কোচ্পঅ সালে মর্ বেক্ উগুমানি পালেবা।
মুই মঅ বাপ্পোর্ বেক্ উগুমানি পালেনে যেবাবোত্যেগুরি তা কোচ্পানাত্ আঘং, সেবাবোত্যেগুরি তুমিয়ো যুনি মঅ উগুমানি পালঅ সালে তুমিয়ো মঅ কোচ্পানাত্ থেবা।
যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।
মাত্তর্ এ কধাগান্ ঠিগ্ যে, আইন-কানুনানি পবিত্র আর তার্ উগুমানিয়ো পবিত্র, ঠিগ্ আর উপকারি।
মঅ মনানে গোজেনর্ রীতি-সুদোমে হুজি অয়;
মাত্তর্ যিগুনে মরে কোচ্পান আর মর্ উগুমানি পালান্ আজার্ আজার্ বংশ সং তারা উগুরে মর্ অমকদ কোচ্পানাগান্ থেবঅ।
সেনত্যেই তুমি মনত্ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্পায় আর তার্ উগুমানি পালন্ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্ আজার বংশ সং রোক্ষ্যে গরে আর তারা উগুরে তার্ অমকদ কোচ্পানা দেগায়।
প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্ অবাক্।
আমি যুনি তার বেক্ উগুমানি পালেই সালে আমি ঘেচ্চ্যেকগুরি বুঝি পারিবোং যে, আমি তারে চিন্ন্যেই।
কোচ্পানাগান অলঅ গোজেনর্ উগুম মজিম্ চলানা। তুমি পৌইল্যাত্তুন্ ধুরি যে উগুমানর্ কধা শুনি এচ্চ্য সেবাবোত্যেগুরি তুমি কোচ্পানার্ পধেদি চলঅ।
