১ যোহন 5:16 - Chakma Bible

¹⁶ যুনি কেঅ তা ভেইয়োরে এন্‌ গুরি পাপ গত্তে দেগে যিয়েন মরেদে ধোক্ক্যেন নয়, মাত্তর্ তে গোজেন ইধু মাগি চেবঅ আর সেক্কে তে তারে বাজেই রাগেব। মুই ইয়েনত্ তারা কধা কঙর্ যিগুনে পাপ গত্তন্ অদচ তারার্ পাপ্পানি মরেদে ধোক্ক্যেন নয়। মাত্তর্ মরেদে ধোক্ক্যেন পাপ্অ আঘে। সে পৌইদ্যেনে কোজোলি গুরিবার কধা মুই তমারে ন-কঙর্।

১ যোহন 5:16 Iomraidhean Croise

পত্থম 20:17

ইয়েন পরেদি অব্রাহামে গোজেন ইধু তবনা গুরিলো। সেক্কে গোজেনে অবীমেলকরে, তা মোক্ আর তার অন্য মিলেগুনোরে গম্‌ গুরিলো। সেক্কে তারা পুয়ো-ছা পেবার্‌ খেমতাগান্ ফিরি পেলাক্‌।

পত্থম 20:7

ইক্কিনে তুই তারে তা নেক্কো ইধু ফিরেই দে। মানুচ্চো এক্কো ভাববাদী। তে তত্তেই তবনা গুরিবো, আর সেক্কে তঅ পরাণান্‌ রোক্ষ্যে পেবঅ। মাত্তর্‌ যুদি তারে ফিরেই ন-দুয়োচ্‌, সালে মনত্ রাগেচ্‌, তুই আর তঅ মানুচ্চুনে মরন আঢত্তুন্‌ রেহাই ন-পেবাক্।”

গীতসংহিতা 106:23

সেনত্তে গোজেনে কলঅ তারারে দুনিয়েত্তুন উদেই দিম্; তে সিয়েনোই গুরিদো মাত্তর্ তার বেঈ লোইয়্যে মানুচ্ মোশি তারে মানা গুরিলো, তে যেন তারারে শেজ্ গরানার আদত্তুন্ রাগ্‌কান ফিরেই পারে।

যিরমিয় 11:14

এ মানুচ্চুনোত্তে তুই কনঅ তবনা ন-গুরিচ্ বা তারাত্তে কনঅ কোজোলী ন-গুরিচ্, কিত্তে তারার দুঘোর্ সময় তারা মরে ডাগিলে মুই ন-শুনিম।

যিরমিয় 14:11

সে পরেদি লগেপ্রভু মরে কলঅ, “তুই এ মানুচ্চুনোর ভালেদিত্তে তবনা ন-গুরিচ্।

যিরমিয় 7:16

লগেপ্রভু কোইয়্যেদে, “এ মানুচ্চুনোত্তে তুই কনঅ তবনা ন-গুরিচ্, বা তারাত্তে কানাকুদি বা কনঅ বিশেষ কোজোলী ন-গুরিচ্; মইধু কনঅ মিনতিয়ো ন-জানেবে, কিত্তে মুই তঅ কধা ন-শুনিম।

যিহিষ্কেল 22:30

“মুই তারা ভিদিরে এমন এক্কো মান্‌‌‌‌‌‌‌‌‌‌‌‌‌জ্যরে তোগেলুং, যে দেবালান্ তুলি দিবো আর দেজর্ তপ্পে ওইনে দেবাল ফাগ ভিদিরে মঅ মুজুঙোত্ থিয়্যেব যেনে মত্তুন্ দেজ্‌‌‌‌‌‌‌‌‌‌‌‌‌‌চান ভস্ত গরা ন-পড়ে, মাত্তর্ কাররে ন-পেলুং।

গণাণা 12:13

সেক্কে মোশি জগার পারিনে লগেপ্রভুরে ডাগিনে কলঅ, “ও গোজেন, তুই তারে গম্‌ গুরি দে।”

গণাণা 15:30

“মাত্তর্‌ ইস্রায়েলীয় বা তারা ভিদিরে বজত্তি গোজ্যে অন্য জাদর্ মানুচ্চুনো ভিদিরেত্তুন্‌ যুনি কনজনে আওজ্ গুরি অন্যেয় গরন্‌ সালে তে লগেপ্রভুরে অগমান গরে। তারে তার্‌ জাদ ভিদিরেত্তুন্‌ উদেই দিয়্যে পুরিবো।

লূকে লেখ্যে গম্ হবর্ 12:10

মান্‌জ্যপুয়োবোর্ বিরুদ্ধে কেঅ কনঅ কধা কলে তারে ক্ষেমা গরা অবঅ, মাত্তর্ যুনি কেঅ পবিত্র আত্মার্ বিরুদ্ধে অগমানর্ কধা কয় তারে ক্ষেমা গরা ন-অবঅ।

যোহন 17:9

মুই বেক্কুনোত্তে কোজোলী ন-গরঙর্, মাত্তর্ যিগুনোরে তুই মঅ আদত্ দুয়োচ্ তারাত্যে কোজোলি গরঙর্, কিয়া তারা দঅ তরই।

২ তীমথিয় 4:14

যে আলেক্‌সান্দরে তামা কাম গরে তে মরে বোউত ক্ষতি গোজ্জ্যে। তে যিয়েন গোজ্জ্যে সিয়েনর হেনা প্রভু শুজিবো।

১ যোহন 5:17

বেক্‌ অন্যেয়ানি পাপ, মাত্তর্ বেক্‌ পাপ্পানি মরণ ধোক্ক্যেন নয়।

১ শমূয়েল 12:19

বেক্কুনে সেক্কে শমূয়েলরে কলাক্, “তুই তর্‌ গোজেন লগেপ্রভুর ইদু তর্‌ এই চাগরুনোত্তেই তবনা গুরিচ্‌ যেনে আমি মারা ন-পুরিই, কিত্যে রাজাবো চেইনে আমি আমার অন্য বেক্‌ পাপ্পানির লগে এই পাপ্পানিয়ো মিজেয়্যেই।”

১ শমূয়েল 2:25

মান্‌‌জ্যে যুনি মান্‌জ্য বিরুদ্ধে পাপ গরন্‌ সালে গোজেনে সিয়েনর মীমাংসা গুরি দি পারে; মাত্তর্‌ মান্‌জ্যে যুনি লগেপ্রভুর বিরুদ্ধে পাপ গরন্‌ সালে তাত্তে কনা কোজোলী গুরি পারিবো?” মাত্তর্‌ তারা তারার বাবর্‌ কধালোই কান ন-পাদিলাক্, কিত্যে লগেপ্রভু তারারে মারে ফেলেব বিলি ঠিগ্ গোজ্যে।