১ যোহন 5:14 - Chakma Bible

¹⁴ গোজেন উগুরে আমার এই বিশ্বেজ্‌চান আঘেদে যে, তা আওজ্ মজিম যুনি আমি কিজু মাগিই সালে তে আমা কধানি শুনে।

১ যোহন 5:14 Iomraidhean Croise

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

ইয়োব 34:28

তারার অত্যাচারত্তে নাঢা মানুচ্চুনোর কানানিগানি তা মুজুঙোত্ পড়ে; তে নাঢা মানুচ্চুনোর কানানিগানি শুনে।

গীতসংহিতা 145:19

যিগুনে তারে ভোক্তিগুরিনে দরান্ তারার মন আওজ্‌চানি তে পুরেই দে; সাহায্যত্তে তারার কানানিগানি শুনিনে তে তারারে রোক্ক্যে গরে।

গীতসংহিতা 31:22

মুই দোরেইনে কোইয়োঙে, “তঅ মুজুঙোত্তুন্ মুই ফারগ্ ওই যেইয়োং”; মাত্তর্ বল্ পেবাত্তে যেক্কেনে মুই তরে ডাক্কোং সেক্কেনে তুই মর্ কোজোলিগান শুন্যচ্।

গীতসংহিতা 34:17

যিগুনে ন্যায় কাম গরন্ লগেপ্রভু তারার্ কানানিগানি শুনে; বেগ্ দুগোত্তুন্ তে তারারে উদ্ধোর্ গরে।

গীতসংহিতা 69:33

লগেপ্রভু নাদামানুচ্চুনোর্ কধানি শুনে; তা মানুচ্চুন, যিগুনে বন্দীদজাত্ আগন্, তারারে তে বেঙা চোগেন্দি ন-চায়।

গম্ উপদেজ্ 10:24

পাজি মানুচ্চুনে যিয়েনি দরান্ সিয়েনি তারা উগুরে ঘুদিবো, মাত্তর্ গোজেন ভক্তগুনোর্ আওজ্‌চানি পুরেই দিয়্যে অবঅ।

গম্ উপদেজ্ 15:29

লগেপ্রভু পাজিগুনোত্তুন্ দূরোত্ থায়, মাত্তর্ তে গোজেন ভক্তগুনোর্ তবনাগানি শুনে।

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

মথি লেখ্যে গম্ হবর্ 21:22

তুমি যুনি বিশ্বেজ্ গুরিনে তবনা গরঅ সালে তুমি যিয়েন্ চেবা সিয়েনই পেবা।”

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 14:13

তুমি মঅ নাঙে যিয়েনি মাগিবা সিয়েনি মুই গুরিম্, যেন বাবা মহিমাগান্ পুয়োবোর্ মাধ্যমে ফগদাং পায়।

যোহন 15:7

যুনি তুমি মঅ সমারে থাগঅ আর মঅ কধানি তমা মনত্ থায় সালে তমার্ যিয়েন আওজ্ সিয়েন চেইয়ো; তমাত্যে সিয়েন গরা অবঅ।

যোহন 16:24

এজঅ সং তুমি মঅ নাঙে কিচ্চু ন-মাগঅ। মাগঅ, তুমি পেবা যেন তমা হুজীগান্ পুরোপুরি অয়।

যোহন 9:31

আমি হবর্ পেই গোজেনে পাপীগুনো কধা ন-শুনে। মাত্তর্ যুনি কনঅ মানুচ্ গোজেন-ভক্ত অয় আর তার আওজ্-মজিম্ কাম্ গরে সালে গোজেনে তা কধা শুনে।

ইফিষীয় 3:12

খ্রীষ্ট লগে এগত্তর্ ওইনে তা উগুরে বিশ্বেজর্ মাধ্যমে আমি গোজেন মুজুঙোত্ সাহচ্‌ নিইনে লুমিবার অধিকারান্ পেইয়্যেই।

ইব্রীয় 10:35

সেনত্যে তুমি সাহচ্‌ ন-আড়েইয়ো, কিয়া ইয়েনর পুরস্কারান ভারী মহৎ।

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

যাকোব 4:3

তুমি মাগিনেয়ো ন-পঅ, কিয়া তুমি ভান্ন্যেই উদ্দেশ্যে মাগি থাগঅ, যেন তমার কামনা-বাসনা ঈল্ অয়।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

১ যোহন 2:28

পুয়োলগ্, সেনত্যে কঙর্, তুমি খ্রীষ্ট সমারে থাগঅ যেনে তে যেক্কে ফগদাং অবঅ সেক্কে আমার সাহচ্‌ থায় আর তে যেক্কে এবঅ সেক্কে তা মুজুঙোত্ আমার্ লাজে মুয়োনি লুগো ন-পরে।