১ যোহন 5:1 - Chakma Bible

¹ যিগুনে বিশ্বেজ্ গরন যীশুই সেই মশীহ, গোজেনত্তুন্ তারার্ জর্ম ওইয়্যে। যিগুনে বাবরে কোচ্‌পান সিগুনে তার্ পুয়ো-ছাগুনোরেয়ো কোচ্‌পান।

১ যোহন 5:1 Iomraidhean Croise

মথি লেখ্যে গম্ হবর্ 16:16

শিমোন-পিতরে কলঅ, “তুই সেই মশীহ, জেদা গোজেনর্ পুয়ো।”

লূকে লেখ্যে গম্ হবর্ 7:5

কিয়া তে আমা মানুচ্চুনোরে কোচ্‌পায় আর আমা সমাজ-ঘরানি তেয়ই বানেই দিয়্যে।”

যোহন 1:3

বেক্কানি সেই কধালোই সৃট্টি ওইয়্যে। আর যিয়েনি সৃট্টি ওইয়্যে সিয়েনি ভিদিরে কনঅ কিজু তারে বাদে সৃট্টি ন-অয়।

যোহন 15:23

যে মরে ঘিনায় তে মঅ বাপ্পোরেয়ো ঘিনায়।

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 6:69

আমি বিশ্বেজ্ গোজ্যেই আর হবর্ পেইয়্যেই যে, তুয়ই গোজেনর্ সেই পবিত্র মানুচ্চো।”

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।

প্রেরিত্‌ 8:36

পধেদি যাদে যাদে তারা এমন্‌ এক্কান জাগাত্ এলাক্ যিয়েনত্ পানি এলঅ। সেক্কে সেই চাগর্‌বো কলঅ, “এইয়্যে চঅ, ইয়েনত্ পানি আঘে; মর্ বাপ্তিষ্ম লবার্ মানা আঘে নাহি?”

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

১ যোহন 2:10

যে তা ভেইবোরে কোচ্‌পায় তে পহ্‌রত্ থায় আর তা ভিদিরে উজোট্ হেবার কনঅ কারণ নেই।

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 3:14

আমি ভেইয়ুনোরে কোচ্‌পেই বিলিনে বুঝি পারির্, আমি মরণত্তুন্ জিংকানিত্ পার্ ওই এচ্চ্যেই। যিগুনে কোচ্‌ ন-পান্ সিগুনে মরণান ভিদিরে থান্।

১ যোহন 3:17

এই জগদত্ হেইনে-উরিনে পিনিনে বাঁজি থাইদ্যে ধোক্ক্যেন অবস্থা যিবের্ আঘে, তে তার্ ভেইয়ুনোর অভাব দেগিনেয়ো যুনি চোগ্‌কুন নাঢি থায় সালে কেধোক্ক্যেন গুরি তা মনভিদিরে গোজেন উগুরে কোচ্‌পানা থেই পারে?

১ যোহন 3:9

গোজেনত্তুন্ যিবের্ জর্ম ওইয়্যে তে পাপত্ পড়ি ন-থায়, কিয়া গোজেনর্ খাচ্চ্যত্ তা ভিদিরে থায়। গোজেনত্তুন্ জর্ম ওইয়্যে বিলিনে তে পাপত্ পড়ি থেই ন-পারে।

১ যোহন 4:2

গোজেনর্ আত্মাগানরে তুমি এবাবোত্যেগুরি চিনি পারিবা-যে আত্মাগানে স্বিগের্ গরে যীশু খ্রীষ্ট মানুচ্‌ ওইনে এচ্চ্যে সেই আত্মাগানে গোজেনত্তুন্ এচ্চ্যে;

১ যোহন 4:20

যে কয় তে গোজেনরে কোচ্‌পায় অদচ তা ভেইবোরে ঘিনায় তে মিজেমাদিয়্যে; কিয়া চোগেদি দেক্ক্যে ভেইয়োরে যে কোচ্‌ ন-পায় তে অদেগা গোজেনরে কেধোক্ক্যেন গুরি কোচ্‌পেই পারে?

১ যোহন 4:7

কোচ্‌পেইয়্যে পুয়ো-ছা লগ্, আমি যেন একজন আরেকজনরে কোচ্‌পেই, কিয়া কোচ্‌পানাগান গোজেনত্তুন্ এজে। তারা মনভিদিরে কোচ্‌পানা আঘে, গোজেনত্তুন্ তারার্ জর্ম ওইয়্যে আর সিগুনে গোজেনরে চিনোন্।

১ যোহন 5:18

আমি কোই পারিই, গোজেনত্তুন্ যিবের জর্ম ওইয়্যে তে পাপত্ পড়ি ন-থায়। যিবে গোজেনত্তুন্ জোর্মেয়্যে তেয়ই তারে রোক্ষ্যে গরে, আর শদানে তারে ধুরি ন-পারে।

১ যোহন 5:4

গোজেনর্ পত্তি পুয়ো-ছাগুনে জগদ উগুরে জিদিই থান্। জগদ উগুরে যিয়েন জিত্যে সিয়েন অলঅ আমার বিশ্বেজ্।

১ যোহন 5:5

যিগুনে বিশ্বেজ্ গরন যীশু গোজেনর্ পুয়ো, বানা সিগুনে জগদ উগুরে জিদিবাক্।