১ যোহন 4:8 - Chakma Bible

⁸ যিগুনোর্ মনভিদিরে কোচ্‌পানা নেই সিগুনে গোজেনরে ন-জানন্, কিয়া গোজেনে নিজেই কোচ্‌পানা।

১ যোহন 4:8 Iomraidhean Croise

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

ইফিষীয় 2:4

মাত্তর্ গোজেনে দোয়্যেলোই ভরা; তে আমারে ভারী কোচ্‌পায়।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

১ যোহন 1:5

আমি যে কধাগান যীশু খ্রীষ্টত্তুন্ শুনিনে তমারে জানের্ সিয়েন অলঅ গোজেন পহ্‌রান; সিয়েন ভিদিরে আন্ধার্ বিলিনে কিচ্চু নেই।

১ যোহন 2:4

যে কয়, “মুই তারে চিন্নোং,” অদচ তা উগুমানি পালন ন-গরে তে মিজে মাদিয়্যে; তা ভিদিরে সত্যগান নেই।

১ যোহন 2:9

যে মানুচ্চো কয় তে পহ্‌রত্ আঘে অদচ তা ভেইবোরে ঘিনায় তে এজঅ আন্ধারত্ আঘে।

১ যোহন 3:10

যিগুনে ন্যায় কামত্ নিজোরে ন-রাগান আর ভেইয়োরে কোচ্‌ ন-পান্, সিগুনে গোজেনর্ নয়। ইয়েন্দোই ফগদাং পায়, কন্না গোজেনর্ পুয়ো আর কন্না বা শদানর্ পুয়ো।

১ যোহন 3:6

যিগুনে পাপত্ পড়ি থান্ সিগুনে খ্রীষ্টরে ন-দেগন আর নয়ো-জানন্।

১ যোহন 4:16

আমি কোই পারিই গোজেনে আমারে কোচ্‌পায়, আর তা কোচ্‌পানাগান উগুরে আমার বিশ্বেজ্ আঘে। গোজেনে নিজেই কোচ্‌পানা। কোচ্‌পানা সমারে যে থেবঅ তে গোজেন সমারে থায় আর গোজেনে তা সমারে থায়।

১ যোহন 4:7

কোচ্‌পেইয়্যে পুয়ো-ছা লগ্, আমি যেন একজন আরেকজনরে কোচ্‌পেই, কিয়া কোচ্‌পানাগান গোজেনত্তুন্ এজে। তারা মনভিদিরে কোচ্‌পানা আঘে, গোজেনত্তুন্ তারার্ জর্ম ওইয়্যে আর সিগুনে গোজেনরে চিনোন্।