১ যোহন 4:7 - Chakma Bible

⁷ কোচ্‌পেইয়্যে পুয়ো-ছা লগ্, আমি যেন একজন আরেকজনরে কোচ্‌পেই, কিয়া কোচ্‌পানাগান গোজেনত্তুন্ এজে। তারা মনভিদিরে কোচ্‌পানা আঘে, গোজেনত্তুন্ তারার্ জর্ম ওইয়্যে আর সিগুনে গোজেনরে চিনোন্।

১ যোহন 4:7 Iomraidhean Croise

যোহন 13:34

এক্কান্ নুয়ো উগুম্ মুই তমারে দোঙর্-তুমি একজন আরেকজনরে কোচ্‌পেইয়ো। মুই যেধোক্ক্যেন্ তমারে কোচ্‌পেইয়োং সেধোক্ক্যেন্ তুমিয়ো একজন আরেকজনরে কোচ্‌পেইয়ো।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

১ করিন্হীয় 8:3

মাত্তর্ যে গোজেনরে কোচ্‌পায়, গোজেনে তারে জানে।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

গালাতীয় 4:9

মাত্তর্ ইক্কিনে তুমি গোজেনরে চিন্ন্য; সিয়েনত্তুন্ বরং এ কধাগান কলে ঠিগ্ অবঅ, গোজেনে তমারে চিন্ন্যে। সালে কেধোক্ক্যেন গুরিনে তুমি আরঅ জগদর্ সেই নানান্ বাবোত্যে খেমতা নেইয়্যে আর ন-ফলেদে সুদোম ইন্দি ফিরোর্?

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

দ্বি’লম্বর বিররণ 30:6

তুমি যেনে তমার বেক্‌ মনান-পরাণান দিইনে তারে কোচ্‌পেইনে বাঁজি থাগঅ সেনত্যে তে তমারে আর তমার বংশধরুনোর মনত্‌ তনা গুরিবো।

২ তীমথিয় 1:7

গোজেনে আমারে দরর্ মনভাব্ ন-দে; তে আমারে এমন্‌ মনভাব দিয়্যে যিয়েন ভিদিরে খেমতা, কোচ্‌পানা আর নিজোরে দোঙেই থবার্ খেমতা আঘে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ যোহন 2:10

যে তা ভেইবোরে কোচ্‌পায় তে পহ্‌রত্ থায় আর তা ভিদিরে উজোট্ হেবার কনঅ কারণ নেই।

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 2:3

আমি যুনি তার বেক্‌ উগুমানি পালেই সালে আমি ঘেচ্চ্যেকগুরি বুঝি পারিবোং যে, আমি তারে চিন্ন্যেই।

১ যোহন 2:4

যে কয়, “মুই তারে চিন্নোং,” অদচ তা উগুমানি পালন ন-গরে তে মিজে মাদিয়্যে; তা ভিদিরে সত্যগান নেই।

১ যোহন 2:7

কোচ্‌পেইয়্যে পুয়ো-ছাগুন, মুই তমা ইধু কনঅ নুয়ো উগুমোর্ কধা ন-লেগঙর্, বরং পত্তমত্তুন্ ধুরি যে উগুমান এলঅ সেই পুরোণি উগুমানর্ কধা লেগঙর্। তুমি যে কধাগান আগে শুন্ন্য সিয়েনই সেই পুরোণি উগুমান।

১ যোহন 3:9

গোজেনত্তুন্ যিবের্ জর্ম ওইয়্যে তে পাপত্ পড়ি ন-থায়, কিয়া গোজেনর্ খাচ্চ্যত্ তা ভিদিরে থায়। গোজেনত্তুন্ জর্ম ওইয়্যে বিলিনে তে পাপত্ পড়ি থেই ন-পারে।

১ যোহন 4:11

কোচ্‌পেইয়্যে পুয়ো-ছা লগ্, গোজেনে যেক্কে এবাবোত্যেগুরি আমারে কোচ্‌পেইয়্যে সেক্কে আমার্‌অ একজন আরেকজনরে কোচ্‌পানা উচিত।

১ যোহন 4:12

কেঅ কনদিন্অ গোজেনরে ন-দেগে। যুনি আমি একজন আরেকজনরে কোচ্‌পেই সালে বুঝো যেবঅ যে, গোজেনে আমা মনভিদিরে আঘে আর তা কোচ্‌পানাগান আমা মনভিদিরে পুরোপুরি গুরিনে কাম গরের্।

১ যোহন 4:16

আমি কোই পারিই গোজেনে আমারে কোচ্‌পায়, আর তা কোচ্‌পানাগান উগুরে আমার বিশ্বেজ্ আঘে। গোজেনে নিজেই কোচ্‌পানা। কোচ্‌পানা সমারে যে থেবঅ তে গোজেন সমারে থায় আর গোজেনে তা সমারে থায়।

১ যোহন 4:20

যে কয় তে গোজেনরে কোচ্‌পায় অদচ তা ভেইবোরে ঘিনায় তে মিজেমাদিয়্যে; কিয়া চোগেদি দেক্ক্যে ভেইয়োরে যে কোচ্‌ ন-পায় তে অদেগা গোজেনরে কেধোক্ক্যেন গুরি কোচ্‌পেই পারে?

১ যোহন 4:8

যিগুনোর্ মনভিদিরে কোচ্‌পানা নেই সিগুনে গোজেনরে ন-জানন্, কিয়া গোজেনে নিজেই কোচ্‌পানা।

১ যোহন 5:1

যিগুনে বিশ্বেজ্ গরন যীশুই সেই মশীহ, গোজেনত্তুন্ তারার্ জর্ম ওইয়্যে। যিগুনে বাবরে কোচ্‌পান সিগুনে তার্ পুয়ো-ছাগুনোরেয়ো কোচ্‌পান।

২ যোহন 1:5

আমি যেন একজন আরেকজনরে কোচ্‌পেই, ইয়েনই অলঅ তইধু মর্ কোজোলি। কোচ্‌পেইয়্যে বোন্নো, মুই যিয়েন লেগঙর্ সিয়েন কনঅ নুয়ো উগুম নয়, বরং এ উগুমান আমি পৌইল্যাত্তুন্ ধুরি পেইয়্যেই।