১ যোহন 4:4 - Chakma Bible

⁴ মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।

১ যোহন 4:4 Iomraidhean Croise

যোহন 12:31

এ জগদ মানুচ্চুনোর্ বিচের সময় এবেরা এচ্চ্যে, আর জগদর্ গিরোজ আঢত্তুন্ ইক্কিনে রাজাগিরি কাড়ি নেযা অবঅ।

যোহন 14:30

মুই তমা সমারে আর বেশ্ কধা ন-কোম্, কিয়া জগদর্ গিরোজ্‌সো এজের্। মঅ উগুরে তার্ কনঅ অধিকার্ নেই।

যোহন 16:11

বিচের পৌইদ্যেনে চেতনা দিবো, কিয়া জগদ গিরোজর্ বিচের্ ওই যেইয়্যে।

যোহন 17:23

অত্তাৎ মুই তারা সমারে আগং আর তুই মঅ সমারে আগচ্, আর এবাবোত্যেগুরি যেন তারা গমেডালে এক ওই পারন্। সেক্কে জগদর্ মানুচ্চুনে কোই পারিবাক্ যে, তুয়ই মরে পাধেয়োচ্, আর মরে যেধোক্ক্যেন্ তুই কোচ্‌পাচ্ সেধোক্ক্যেন্ গুরি তারারেয়ো কোচ্‌পেয়োচ্।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

১ করিন্হীয় 2:12

আমি জগদর্ আত্মাগানরে ন-পেই, বরং গোজেনত্তুন্ তার্ আত্মাগানরে পেইয়্যেই, যেন গোজেনে আমারে যেদক্কানি দান দিয়্যে সিয়েনি বুঝি পারিই;

১ করিন্হীয় 6:13

আরঅ কেঅ কেঅ এ কধাগান-অ কন্, “হানা পেদত্যে আর পেট্‌তো হানাত্যে।” ভারী গম্ কধা, মাত্তর্ এ দ্বিয়েন জিনিস এক দিন গোজেনে বাদ্ দি দিবো। কিয়্যেগান বেভিচার গুরিবাত্যে নয় বরং সিয়েন প্রভুত্যে, আর প্রভু কিয়্যেগানত্তে।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

ইফিষীয় 2:2

জগদর্ চিন্তেধারা অনুসারে তুমিয়ো এক সময় সেই অবাধ্যত্যে আর পাপে আঢাউদো গত্তা। যে আত্মাগান আগাজর্ খেমতাবলাগুনোর রাজা সেই পাজি আত্মাগানে গোজেনর্ অবাধ্য মানুচ্চুনো ভিদিরে কাম গরের্, আর তুমি সেই আত্মাগানর্ পিজে পিজে চলিদা।

ইফিষীয় 3:17

আর বিশ্বেজর্ মাধ্যমে খ্রীষ্ট তমা মনানি পুরোপুরি গুরিনে অধিকার গরে। মুই আরঅ তবনা গরং যেন খ্রীষ্টর্ কোচ্‌পানার মাধ্যমে তুমি গভীন গুরিনে ডুবিইনে থির্ অ,

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

১ যোহন 2:13

বাবলগ্, সেই পৌইল্যাত্তুন্ ধুরি যিবে আঘে তুমি তারে হবর্ পেইয়ো বিলিনে তমা ইধু লেগঙর্। গাবুজ্জ্যেলগ্, শদান উগুরে তুমি জিত্য বিলিনে তমা ইধু লেগঙর্।

১ যোহন 3:24

তা উগুমান যে পালন গরে তে তা সমারে থায় আর তেয়ো তা সমারে থায়। যে পবিত্র আত্মাগান তে আমারে দিয়্যে সেই পবিত্র আত্মাগান্দোই আমি বুঝি পারিই যে, তে আমা মন ভিদিরে থায়।

১ যোহন 4:13

তা আত্মাগান তে আমারে দান গোজ্জ্যে, আর ইয়েন্দোই আমি কোই পারিই যে, আমি তা সমারে আঘিই আর তেয়ো আমা মনভিদিরে আঘে।

১ যোহন 4:16

আমি কোই পারিই গোজেনে আমারে কোচ্‌পায়, আর তা কোচ্‌পানাগান উগুরে আমার বিশ্বেজ্ আঘে। গোজেনে নিজেই কোচ্‌পানা। কোচ্‌পানা সমারে যে থেবঅ তে গোজেন সমারে থায় আর গোজেনে তা সমারে থায়।

১ যোহন 4:6

আমি গোজেনর্; যে গোজেনরে জানে তে আমা কধা শুনে, মাত্তর্ যে গোজেনর্ নয় তে আমা কধা ন-শুনে। ইয়েন্দোই আমি সত্যর্ আত্মাগানরে আর ছলনার্ আত্মাগানরে চিনি পারিই।

১ যোহন 5:19

আমি কোই পারিই আমি গোজেনর্ আর গোদা জগদ্‌তান শদানর্ খেমতার্ তলেদি পড়ি আঘে।

১ যোহন 5:4

গোজেনর্ পত্তি পুয়ো-ছাগুনে জগদ উগুরে জিদিই থান্। জগদ উগুরে যিয়েন জিত্যে সিয়েন অলঅ আমার বিশ্বেজ্।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।