১ যোহন 4:2 - Chakma Bible

² গোজেনর্ আত্মাগানরে তুমি এবাবোত্যেগুরি চিনি পারিবা-যে আত্মাগানে স্বিগের্ গরে যীশু খ্রীষ্ট মানুচ্‌ ওইনে এচ্চ্যে সেই আত্মাগানে গোজেনত্তুন্ এচ্চ্যে;

১ যোহন 4:2 Iomraidhean Croise

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

১ করিন্হীয় 12:3

মুই তমারে জানাঙর্, গোজেন আত্মালোই কধা কলে কেঅ ন-কন্, “যীশু উগুরে অভিশাপ্ পোরোক্।” আরঅ পবিত্র আত্মার্ মাধ্যমে ন-অলে কেঅ কোই ন-পারন্, “যীশু প্রভু”।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

১ যোহন 1:2

সেই জিংকানিগান ফগদাং ওইয়্যে। আমি তারে দেক্ক্যেই আর তা পৌইদ্যেনে সাক্ষি দির্। যিবে বাব ইধু এলঅ আর আমা ইধু ফগদাং ওইয়্যে সেই উমর জিংকানির কধাগান তমারে জানাঙর্।

১ যোহন 2:23

পুয়োবোরে যে অস্বীগের্ গরে তা সমারে বাবর্ কনঅ মিল্ নেই, মাত্তর্ পুয়োবোরে যে স্বীগের গরে তা সমারে বাবর্-অ মিল্ আঘে।

১ যোহন 4:15

যে কেঅ স্বীগের্ গরে যীশু গোজেনর্ পুয়ো, গোজেনে তা ভিদিরে থায় আর তেয়ো গোজেন সমারে থায়।

১ যোহন 4:3

মাত্তর্ যে আত্মাগানে এই যীশুরে অস্বীগের্ গরে সেই আত্মাগান গোজেনত্তুন্ ন-এজে। ইবে সেই খ্রীষ্ট-শত্রুর্ আত্মা। সেই আত্মাগান যে এজের্ সিয়েন দঅ তুমি শুন্ন্য, আজলে সেই আত্মাগান এজঅ জগদত্ আঘে।

১ যোহন 5:1

যিগুনে বিশ্বেজ্ গরন যীশুই সেই মশীহ, গোজেনত্তুন্ তারার্ জর্ম ওইয়্যে। যিগুনে বাবরে কোচ্‌পান সিগুনে তার্ পুয়ো-ছাগুনোরেয়ো কোচ্‌পান।

২ যোহন 1:7

জগদত্ এমন বোউত্ মানুচ্ নিগিল্লোন যিগুনে ছলনা গুরি বেড়ান। যীশু খ্রীষ্ট যে মানুচ্‌ ওইনে এচ্চ্যে তারা সিয়েন স্বিগের্ ন-গরন। এবাবোত্যে মানুচ্চুনে ছলনাগুরিয়্যে আর খ্রীষ্টর্ শত্রু।