১ যোহন 4:18 - Chakma Bible

¹⁸ এই কোচ্‌পানাগান ভিদিরে দর্ নেই, মাত্তর্ যদবদে কোচ্‌পানাগানে দর্ জিনিস্‌চানরে ধাবেই দে, কিয়া দরান সমারে সাজার চিন্তেগান্অ থায়। যে দরায় তে কোচ্‌পানাগান পেলেং পেলেং ন-পায়।

১ যোহন 4:18 Iomraidhean Croise

ইয়োব 15:21

তা কানত্‌ দর্‌গরেপারা রঅ সুমিবো; যেক্কেনে বেক্কানি গম্‌ চলের্‌ বিলিনে মনে অবঅ সেক্কে লুদেয়্যেগুনে তারে আক্রমণ গুরিবাক্।

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

গীতসংহিতা 73:19

কেজান্‌গুরি অদাঢত্ তারা ভস্ত ওই যান আর দর্‌বুক লাগেয়্যে দজাত্ এক্কুবারে শেজ্ ওই যান।

মথি লেখ্যে গম্ হবর্ 9:34

মাত্তর্ ফরীশীগুনে কলাক্, “তে ভুদ্‌তুনোর রাজার সাহায্যলোই ভুদ্‌তুনোরে ধাবেই দি পারে।”

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

২ তীমথিয় 1:7

গোজেনে আমারে দরর্ মনভাব্ ন-দে; তে আমারে এমন্‌ মনভাব দিয়্যে যিয়েন ভিদিরে খেমতা, কোচ্‌পানা আর নিজোরে দোঙেই থবার্ খেমতা আঘে।

ইব্রীয় 12:28

সেনত্যে যে রেজ্যগানরে লাড়া ন-যায় আমি যেক্কে সে রেজ্যগান পেবাত্যে যের্ সেক্কে এজঅ, আমি গোজেন ইধু ভালেদি জানেই। সালে গোজেনে যেধোক্ক্যেন গুরি হুজি অয় সেধোক্ক্যেন গুরি আমি ভোক্তি আর দরে তার্ সেবা গুরি পারিবোং।

যাকোব 2:19

তুই এক্কো গোজেনরে বিশ্বেজ্ গরচ্, নয় কি? ভারী গম! মাত্তর্ ভান্ন্যেই আত্মাগুনেয়ো দঅ সিয়েন বিশ্বেজ্ গরন আর দরে গির্‌‌গিরান্।

১ যোহন 4:12

কেঅ কনদিন্অ গোজেনরে ন-দেগে। যুনি আমি একজন আরেকজনরে কোচ্‌পেই সালে বুঝো যেবঅ যে, গোজেনে আমা মনভিদিরে আঘে আর তা কোচ্‌পানাগান আমা মনভিদিরে পুরোপুরি গুরিনে কাম গরের্।